ies Pintor Colmeiro

Destacamos:


Departamentos > Tecnoloxía > O método de proxectos.

O método de proxectos
É un método empregado na tecnoloxía para unha resolución eficaz de problemas que requiren unha solución tecnolóxica (pode ser empregado tamén para outro tipo de problemas).

O método de proxectos segue as seguintes fases (os documentos que se inclúen son os mínimos esixibeis):

1. Plantexamento do problema a resolver
  • Identificar o problema: en que consiste.
  • Indicar claramente as condicións iniciais.
  • Fraccionar o problema en cuestións máis sinxelas.


2. Búsqueda de información
  • Hai que recopilar todas as fontes de información posibles (orais, escritas ou audiovisuais): libros, memorias doutros proxectos, catálogos, internet, preguntándolle a expertos, analizando obxectos parecidos… todo aquelo que nos axude para buscar unha solución.
  • Estudar a información recollida.
  • Resumir a información recollida.
  

3. Deseño
Realización de bosquexos explicativos indicando materiais, dimensións aproximadas e detalles relevantes do obxecto.
Identificación de cada unha das pezas e escolla do material e as dimensións máis axeitadas.
Realización de vistas de despece para cada peza: indicando a escala e o nome da peza (son os planos das pezas, realízase con escadra, cartabón etc)
  • Planos
  • Bosquexos
  • Vistas de despece

4. Planificación do traballo
Planificar o traballo consiste en confeccionar un plan de acción para construir o obxecto de maneira rápida e eficaz.
Para realizar unha planificación útil, deberas seguir os seguintes pasos:
  • Descompoñer o traballo en tarefas e determina as distintas operacións que hai que levar a cabo en cada unha delas.
  • Prevé os materiais, as ferramentas e as máquinas que se precisan para cada operación.
  • Calcula, aproximadamente, o tempo parcial de cada unha das operacións previstas.
  • Se o traballo é en equipo fai unha planificación de maneira que todos os membros do equipo poidan traballar a un tempo.
  • Folla de planificación
  • Lista de materiais
  • Orzamento

5. Construción
Nesta fase realizanse as distintas operacións: trazado, corte, conformación, mecanizado, unión e acabado previstas na Folla de planeamento.
Para executar correctamente esta fase é preciso coñecer o uso axeitado das ferramentas e as técnicas de traballo cos distintos materiais.
É fundamental coñecer as medidas de seguridade que se deben seguir en cada operación e facer que os demais no taller tamén as segan.
A seguridade é responsabilidade de todos.
  

6. Memoria
É a recopilación de todolos documentos que se empregan para a realización do proxecto, tanto para axudarnos no desenvolvemento do proxecto como para deixar constancia do método que empregamos para solucionar os problemas. 1. Portada.
2. Índice.
3. Descrición do problema ou do produto.
4. Planos e debuxos.
5. Lista de materiais.
6. Folla de planificación.
7.Orzamento.
8. Resultado da avaliación.

7. Avaliación e presentación
Débese avaliar:
O desenvolvemento do proceso.
O cumprimento das condicións iniciais do obxecto.
Fanse propostas de mellora do proxecto.		  


Enderezos | Mapa Web | Agradecementos | Contáctanos |6 de outubro do 2005 | IES Pintor Colmeiro