Ciclo Formativo de Grao Superior de Comercio Internacional

Para acceder a este ciclo os estudiantes precisan ter rematado o COU ou o 2º curso de Bacharelato-LOXSE en calquera das súas modalidades. As persoas que carezan das mencionadas titulacións e que teñan máis de 20 anos poden acceder tamén superando unha proba específica. A duración do ciclo é de horas (durante dous cursos académicos) incluíndo 380 de formación en centro de traballo.

·        Contorno funcional: compras, vendas, almacenaxe, distribución e administración

·        Os postos de traballo máis relevantes ós que se pode acceder co título de Técnico superior en Comercio Internacional que se obtén tras superar as dúas fases de estudios (teórica e práctica) son: Técnico en comercio exterior; operacións exteriores; administración do comercio internacional; compras; vendas; marketing internacional e almacenaxe de productos.

·        As competencias que desenvolven durante o ciclo distribúense en 12 módulos: Marketing internacional; almacenaxe de productos; financiamento internacional; informática; inglés; francés; negociación internacional; xestión do comercio exterior; transporte internacional; medios de pago; formación e orientación laboral.

·        Durante o segundo curso os estudiantes teñen que desenvolver un proxecto integrado no que deben aplicar os coñecementos adquiridos nos diversos módulos. A formación complétase coa fase de prácticas en empresas de Galicia que comercian ou teñen implantación fóra de España. Para poñer en relación a estes alumnos coas empresas contamos coa colaboración de diversas entidades e institucións, como a Xunta de Galicia ou a Cámara de Comercio, industria e navegación de Santiago que realizan unha importante función intermediación con empresas como Finsa, Televés Roydisa, Griallibros, Mobalco, etc.

·        O título de Técnico en Comercio Internacional capacita para incorporarse a un sector laboral especialmente dinámico, relacionado coa expansión da nosa economía fundamentalmente cara ó resto de Europa e Latinoamérica, pero tamén permite acceder a estudios universitario de Maxisterio (todas as especialidades), á diplomatura en Ciencias Empresariais, en Estatística, en Traballo Social ou á Enxeñería técnica en Informática e Xestión de Sistemas.