Curso 2006-2007
Curso 2006-2007
CONSTRUCCIÓN DUN RELOXO DE SOL
Os seguintes alumnos de bacharelato, realizaron o reloxo de Sol do noso centro:
MIRIAN CHAVES SANTAMARÍA
OLALLA MACEIRA SOTO
SANDRA DIOS BARBEITO
ISIDRO GARCÍA MENIÑO
LAURA TORRES CORES
NOELIA MORAÑA BORRAGEIROS
O reloxo ía ser instalado nuna parede do Instituto. Usaron en primeiro lugar a meridiana trazada con anterioridade para comprobar que o ángulo de inclinación da parede, respecto da dirección Este-Oeste xeográfica, é o suficientemente pequeno para construir un reloxo de Sol vertical orientado sobre dita parede. Comprobado que o ángulo de desviación non era excesivo, pasóuse a comezar o traballo:
As liñas horarias e a decoración fixéronse sobre unha táboa de madeira maciza de 37cmx37cmx4.5cm. A pintura utilizada foi unha pintura plástica para exteriores, cunha capa de barniz para exteriores. Os alumnos realizaron un debuxo decorativo na parte superior e incluiron un lema en latín.
O estilete realizáronno nunha empresa local e é de aceiro inoxidable. Os planos do estilete foron realizados polos alumnos.
Para poñer
a carón do reloxo, os alumnos realizaron no ordenador un panel que inclue a
ecuación do tempo e que permite pasar da hora marcada polo reloxo á hora
oficial. Tamén incluiron os seus nomes nunha peza de madeira, que se colocou
a carón do reloxo.
 |
 O ángulo λ coincide coa latitude do lugar |
 |
As liñas horarias marcáronse sobre a propia madeira, seguindo o sistema descrito por D. José Luis Basanta no seu libro "Relojes de Piedra en Galicia"
A distancia AB é igual que a
distancia BD. O ángulo λ coincide coa latitude do lugar.
A instalación do reloxo na parede e o fixado do estilete ó reloxo, foi realizado por D. Graciano Rodríguez Núñez. Para facer a instalación foi necesario modifica-lo ángulo de inclinación do plano do reloxo, de maneira que o estilete apuntase a dirección Norte-Sur xeográfica. Para conseguilo, utilizóuse unha pequena cuña que permitíu inclina-lo plano do reloxo 4º respecto do plano da parede.
J.B.Búa
|
Os autores do reloxo |
 |
 |
 |
 |
 |
CONTROL DA EXACTITUDE DO RELOXO
O día 25 de xullo ás 12 horas, tomóuse a seguinte fotografía. Nela pode observarse a hora marcada polo reloxo de Sol ás 12 horas (hora oficial).
|
|
|
A hora prevista para o
paso do Sol (medidodía solar) polo meridiano de Greenwich era para o día 25 de
Xuño ás 12:03 (hora UT). Para comproba-la exactitude do noso reloxo, debemos
facela seguinte conta:
12horas-2horas 35 minutos-3minutos
(a hora oficial-corrección por lonxitude-corrección que suministra a ecuación do
tempo). Obtense como hora para o reloxo de Sol:
9 horas 22 minutos
Pode observarse na fotografía que a hora marcada polo reloxo é aproximadamente a mesma. Podemos deducir, polo tanto, que o noso reloxo de Sol suministra a hora solar cunha grande exactitude.
