BOLETÍNS INFORMATIVOS DA CONSELLERÍA DE EDUCACIÓN
 

O EQUIPO DE NORMALIZACIÓN LINGÜÍSTICA XUNTO CO DEPARTAMENTO DE GALEGO CONVOCAN:

I CONCURSO
DESEÑA AS NOSAS LETRAS

O DEPARTAMENTO DE GALEGO DISPÓN DUNHAS PLANTILLAS QUE ESTÁN Á VOSA DISPOSICIÓN PARA DEBUXAR OU REINVENTAR AS LETRAS DO NOSO ALFABETO.
NESTE CONCURSO PODE PARTICIPAR TODO O ALUMNADO DO CENTRO, ASÍ COMO O PROFESORADO E PERSOAL NON DOCENTE.
DATA MÁXIMA DE PRESENTACIÓN: LUNS 11 DE MAIO
1º PREMIO: VALE DE 60€
2º PREMIO: VALE DE 30€
3º PREMIO: VALE DE 15€

CONCURSO LITERARIO
DÍA DAS LETRAS GALEGAS
O TEMA E O XÉNERO (PROSA, POESÍA…) SON LIBRES
PODE PARTICIPAR TODO O ALUMNADO DO CENTRO
DATA MÁXIMA DE PRESENTACIÓN: LUNS 11 DE MAIO
1º PREMIO: VALE DE 60€
2º PREMIO: VALE DE 30€
3º PREMIO: VALE DE 15€

AMBOS TRABALLOS SERÁN RECOLIDOS POR CALQUERA MEMBRO DO DEPARTAMENTO DE GALEGO OU POLA SUBDIRECCIÓN DO INSTITUTO

ELECCIÓN AO CONSELLO ESCOLAR

      Este curso celébranse as eleccións a consellos escolares nos centros sostidos con fondos públicos. As eleccións dos representantes dos distintos sectores da comunidade educativa no consello escolar celebraranse entre os días 24 e 28 de novembro.

A DIRECCIÓN

ESO a Distancia

Xa están fixadas as datas ás que terás que presentarte para facer os exames. Non esquezas traer o DNI.

A DIRECCIÓN

informe PISA

      A ministra de Educación e Ciencia, Mercés Cabrera, sinalou hoxe, durante a presentación española do Informe Internacional de Avaliación PISA 2006 da OCDE, que os mozos españois de 15 anos desenvólvense positivamente en ciencias e de xeito aceptable en matemáticas. En comprensión lectora o Informe PISA sinala un descenso xeneralizado de todos os países, que é significativo en España. "A lectura é a nosa gran materia pendente, e manexala ben axuda a sacar mellores resultados noutras materias", afirmou a ministra.

Galicia obtén no informe pisa 2006 uns resultados superiores á media de España e da OCDE no rendemento medio en ciencias
Sitúase por riba do País Vasco, Cataluña e Andalucía, e presenta resultados similares a países como Bélxica, Irlanda, Suecia, Dinamarca e Francia. O alumnado galego ten en Ciencias un resultado superior ao esperado para o seu índice socioeconómico e cultural e tamén en relación ao PIB per cápita. A variabilidade entre centros é a menor despois de Finlandia. Por primeira vez, a Comunidade galega ampliou mostra no Programa para a Avaliación Internacional (PISA), coordinado pola Organización para a Cooperación e o Desenvolvemento Económico (OCDE)

A conselleira de Educación e Ordenación Universitaria, Laura Sánchez Piñón, salientou que a Comunidade galega acadou unha puntuación de 505 puntos en rendemento medio en Ciencias no Programa para a Avaliación Internacional (PISA) da Organización para a Cooperación e o Desenvolvemento Económico (OCDE), polo que se sitúa por riba da media española (488), e da dos países da OCDE (500).

Así mesmo, Galicia obtén uns resultados superiores aos que lle correspondería con relación ao PIB per cápita. Laura Sánchez Piñón explicou que Galicia alcanza un rendemento por riba da media, superior a País Vasco, Cataluña, Andalucía e á media de España. A conselleira de Educación indicou ademais que no ámbito internacional supera a países como Estados Unidos, Francia, Islandia e Suecia, todos eles cun PIB superior.

A OCDE tivo en conta tamén o rendemento en Ciencias en canto ao índice socioeconómico e cultural do alumnado. Así, Sánchez Piñón salientou que Galicia rexistra un rendemento por riba do agardado en relación ao seu índice socioeconómico e cultural. A Comunidade galega obtivo neste indicador un resultado superior ao de países como Noruega, Dinamarca, Suecia, Estados Unidos e Islandia.

Ensino equitativo

Outro dos indicadores do informe refírese á varianza entre centros en Ciencias. Laura Sánchez Piñón salientou durante a súa intervención que Galicia é a primeira Comunidade Autónoma con menor variación nos resultados entre centros en Ciencias, tan só superada neste indicador por Finlandia. Seguen a Galicia, segunda no ránking internacional, as Comunidades de Castela e León, Cantabria, Andalucía, A Rioxa e Aragón, engadiu a máxima responsable do departamento educativo galego. A este respecto, a conselleira subliñou que os centros galegos ofrecen unha ensinanza homoxénea, sen que existan grandes diferenzas entre eles, polo que o ensino en Galicia é altamente equitativo. Galicia tamén ocupa unha posición superior á media no indicador de Excelencia e Equidade, xa que a diferenza de rendemento entre os alumnos é baixa en comparación coa doutros países de igual nivel socioeconómico.

O Programa para a Avaliación Internacional do Alumnado de 15 anos realízase por iniciativa e baixo a coordinación da OCDE. É unha avaliación non curricular de competencias básicas nas áreas de Ciencias, Matemáticas e Lectura. Ten carácter cíclico, trianual, e en cada edición afonda nunha destas áreas. No estudo de 2006 incide na competencia en Ciencias. O coñecemento científico avaliado inclúe Física, Química, Bioloxía e Ciencias da Terra. En Galicia participaron no PISA 1.573 alumnos procedentes de 53 centros.

A DIRECCIÓN

PROXECTO COMENIUS

O Instituto de Educación Secundaria Ricardo Mella de Vigo, participa nun Proxecto Comenius (Programa Europeo), con outros profesores europeos baixo o título de “Teléfonos Móbiles: creando consumidores responsables”. Neste proxecto, os alumnos dos distintos paises implicados, traballarán o tema proposto considerando aspectos relacionados con: tecnoloxía, saúde, medio ambiente, consumo e mundo empresarial.

No marco deste proxecto, 6 profesores procedentes de Suecia, Bélxica e República Checa está visitando o noso centro e a cidade desde o día 7 ó 11 de novembro. No programa tamén participan centros de Alemania que non puideron desprazarse a nosa cidade.

Nestes días o profesorado participante, en colaboración co responsable do profesor do IES Ricardo Mella Miguel Anxo Fernández Riveiro, responsable do programa, manterán reunións de traballo con profesorado do centro para programar e coordinar as tarefas e o traballo común que posteriormente levarán a cabo nos seus países de orixe.

O centro coa finalidade de acoller a estes profesionais da mellor forma posible e co ánimo de dar a coñecer a nosa cidade noutros estados europeos, ten preparado unha recepción na Cámara de Comercio de Vigo o venres día 9 as 13 horas. Así mesmo faranse unha serie de visitas culturais pola nosa cidade e arredores : O Castro; Ria de Vigo-Cabo Home; Museo Marco e visita a Santiago de Compostela.

A DIRECCIÓN

Mostra de Patrimonio Cultural Inmaterial
Galego-Portugués
Do 7 ao 11 de novembro na Praza da Ferrería. Pontevedra.

Coa intención de visibilizar este patrimonio e concienciar a sociedade da necesidade de salvagardalo, o Proxecto RONSEL, en colaboración coa asociación “Ponte...nas Ondas!” e a Asociación de Gaiteiros Galegos, organiza esta Mostra de Patrimonio Cultural Inmaterial Galego-Portugués na cidade de Pontevedra, co patrocinio dos parceiros xa mencionados e do Concello de Pontevedra.

PROGRAMA COMPLETO EN PDF

PREVISIÓN DE DATAS EN RELACIÓN CO COMEZO D0 CURSO 2007-2008 :

• DIA 19 DE SETEMBRO (mércores):

  • As 11 horas entrega de horarios PROVISIONAIS do profesorado que imparte clase en ESO-BACH (no réxime ordinario).

  • As 12 horas : No Salón de Actos, presentación dos cursos da ESO, con asistencia dos seus titores-as. A continuación os alumnos, acompañados do seu titor/a irán a súa aula de referencia para coñecer o seu horario e funcionamento do centro. Entre as 13 e 13,30 horas os autobuses recollerán o alumnado.

  • As 12,30 horas : No Salón de Actos presentación dos grupos de Bacharelato, con asistencia dos seus titores-as. A continuación, acompañados dos titores pasarán as súas aulas de referencia.

  • As 17,30 horas : Entrega de HORARIOS PROVISIONAIS a o profesorado que imparte clase en ESO-BACH adultos e PGS.

  • As 18,30 horas : no Salón de Actos, presentación do alumnado de ESO e BACH adultos e dos PGS coa asistencia dos seus titores/as. A continuación pasarán a súa aula de referencia para coñecer o seu horario e funcionamento do centro.

• DÍA 20 DE SETEMBRO (xoves):

  • Comezo das clases de ESO-BACH (réxime ordinario).

• DÍA 24 DE SETEMBRO (luns):

  • Comezo das clases de ESO-BACH e PGS (réxime adultos).

• DIA 26 DE SETEMBRO (mércores):

  • As 12 horas, no salón de actos, PRESENTACION DE CICLOS FORMATIVOS DE GRAO MEDIO de réxime ordinario (XA-CAE-EC1-EC2), con asistencia dos seus titores.

  • As 12,30 horas , no salón de actos, PRESENTACIÓN DE CICLOS FORMATIVOS DE GRAO SUPERIOR de réxime ordinario (DPE1-DPE2-STI1-STI2-SA1-SA2-IPD1-IPD2-AF1-AF2-SECRE), con asistencia dos seus titores.

  • As 16,30 horas : no salón de actos, CLAUSTRO DE ENTREGA DE HORARIOS
     

  • As 18,30 horas : no salón de actos, PRESENTACIÓN DE CICLOS FORMATIVOS DE ADULTOS DE GRAO MEDIO E SUPERIOR (EC1N-EC2N-XAN-CAEN-TOE-COFI-SIT1N-STI2N-AF1N-AF2N), con asistencia dos seus titores.
    
    A Dirección

CONVOCATORIA DE BECAS

Na páxina do Ministerio tes as convocatorias de becas para este curso 2007-2008

http://www.mec.es/mecd/jsp/plantilla.jsp?area=becas&id=433

A Dirección

EDUCACIÓN DE ADULTOS DE FORMACIÓN PROFESIONAL 2007- 2008

• Os ciclos de 1 ano faranse en dous anos e os de dous anos faranse en tres anos.

• A cambio o número de horas será menor cada día, polo que a xente que traballa poderá facelo con máis facilidade.

• Os horarios irán dende as 17:45 ata as 22:15 horas aproximadamente (esta ainda por determinar).

• A matrícula pódese facer só por módulos, co cal matriculome de tódolos módulos dun curso ou sóde dalgún deles.

• A FCT farase cando se finalicen tódolos módulos.
   

OFERTA DE ADMINISTRATIVO
OFERTA DE ELECTRÓNICA
OFERTA DE SANITARIA

A Dirección

Probas de acceso a ciclos de grao medio :

Vanse celebrar o día 12 de xuño
Entre outros centros no IES RICARDO MELLA E NO CIFP VALENTIN PAZ ANDRADE
https://www.edu.xunta.es/fp/files/probas07/SEDESCM2007.pdf

Publicación dos lugares de realización das probas de acceso a ciclos formativos de grao medio de formación profesional específica para o curso académico 2007-2008.

extractado da páxina edu.xunta.es/fp
As listaxes dos lugares onde se realizarán as probas de acceso poden consultarse no taboleiro de anunciós do IES ou CIFP onde se realizou a inscrición e no seguinte enlace:
- Listaxes de comisións de realización de probas de acceso a ciclos de grao medio
Na cidade de Pontevedra engádese unha nova sede con relación á listaxe publicada o día anterior: Luis Seoane.
Na cidade de Vigo, ante o elevado número de solicitudes ás probas de acceso, habilitaranse dous centros adicionais para a realización das probas do modo seguinte:
- Sede IES Politécnico: Os solicitantes co primeiro apelido comprendido entre a letra A e a letra M realizarán o exame no propio IES Politécnico. Os solicitantes comprendidos entre as letras N e Z realizarán o exame no IES República Oriental do Uruguai en Vigo.
- Sede CIFP Valentín Paz Andrade: Os solicitantes co primeiro apelido comprendido entre a letra A e a letra M realizarán o exame no propio CIFP Valentín Paz Andrade. Os solicitantes comprendidos entre as letras N e Z realiarán o exame no IES Ricardo Mella.

A Dirección

Calendario do procedemento de admisión do alumnado aos ciclos formativos de formación profesional de graos medio e superior en réxime ordinario e para as persoas adultas.

A Dirección

CONVOCATORIA DAS PROBAS PARA O ACCESO AOS CICLOS FORMATIVOS DE FORMACIÓN PROFESIONAL ESPECÍFICA DE GRAO SUPERIOR

O LUNS DÍA 16 DE ABRIL ÁBRESE O PRAZO DE INSCRICIÓN PARA A REALIZACIÓN DA PROBA DE ACCESO AOS CICLOS FORMATIVOS DE GRAO SUPERIOR .
Esta proba de acceso defínese na Orde do 1 de abril de 2002 pola que se regulan as probas de acceso aos ciclos formativos de formación profesional específica, así como na Orde do 30 de xaneiro de 2007, pola que se modifica a anterior ( DOG 15 de febreiro de 2007). Consta de dúas partes:
-Parte xeral: neste exercizo, a persoa aspirante deberá acreditar a madurez en relación cos obxectivos do bacharelato, fundamentalmente en contidos procedimentais de lingua galega e literatura, de lingua castelá e literatura,de lingua estranxeira (opción de inglés ou francés) e de matemáticas.
-Parte específica: a persoa aspirante deberá acreditar a súa capacidade de formación profesional de base relacionada co campo profesional do ciclo formativo ao cal solicita acceder. Esta parte avaliará os coñecementos en relación coas materias que se relacionan no anexo I da resolución do 28 de marzo de 2007, da Dirección Xeral de formación Profesional e Ensinanzas Especiais, pola que se convocan probas de acceso aos ciclos formativos de grao medio e superior de formación profesional específica en centros sostidos con fondos públicos. DOG 10 de abril de 2007.
As probas poderán ser adaptadas a aquelas persoas que acrediten discapacidade. Deberán presentar o correspondente certificado acreditativo de minusvalidez emitidos polos equipos de valoración e orientación de Vicepresidencia da Igualdade e do Benestar, así como o seu ditame técnico facultativo.
EXENCIÓNS DA PROBA DE ACCESO:
A solicitude de exención deberá formularse no momento da inscrición para a proba . Quen a solicite farao constar no momento da inscrición para a proba.
1-Quedarán exentas da realización da proba as persoas que acrediten ter superadas as probas de acceso á universidade para maiores de 25 anos (aínda que deben inscribirse forzosamente nas datas sinaladas)
2-Da parte específica da proba poderán quedar exentas as persoas que acrediten polo menos un ano de experiencia laboral en campos profesionais que se corresponden con coñecementos de determinadas materias .
3-Exención da materia da lingua galega , consonte o Decreto 79/1994, do 8 de abril, e a Orde do 30 de xuño de 1994, que o desenvolve, o alumnado que se incorpore ao sistema educativo de Galicia procedente doutras comunidades autónomas ou do estranxeiro.
Requisitos de idade:
Ter 19 anos como mínimo ou cumprilos no ano de realización da proba, ou 18 se se acredita estar en posesión dun título de técnico da mesma familia profesional, ou dunha familia afín que regulamentariamente se determine.
LUGAR DE INSCRICIÓN:
Presentarase por duplicado na secretaría de calquera dos IES ( Institutos de Educación Secundaria) e dos CIFP ( Centros Integrados de Formación Profesional) onde se impartan ensinanzas de formación profesional específica, no prazo comprendido entre o 16 e o 24 de abril de 2007 .
Na páxina web http://www.edu.xunta.es/fp pódese realizar a inscrición para as probas. A folla de inscrición deberase presentar na secretaría dun dos centros anteriormente citados par lle dar validez á inscrición.
Día de celebración das probas : 22 de maio de 2007.
A Dirección

Probas de acceso a Ciclos de grao Medio e Superior

Nota informativa da Consellería sobre as datas das probas de acceso a Ciclos.

Resolución do 28 de marzo de 2007, da Dirección Xeral de Formación Profesional e Ensinanzas Especiais, pola que se convocan probas de acceso aos ciclos formativos de grao medio e de grao superior de formación profesional específica en centros docentes sostidos con fondos públicos.

A Dirección

Día Europeo da Protección de Datos

A iniciativa do Consello de Europa vaise celebrar o día 28 de xaneiro de 2007 o Día Europeo da Protección de Datos. Para máis información tes a web www.agpd.es

A Dirección

SIMULACRO DE EVACUACIÓN

Dentro de poucos días vai ter lugar no Centro un simulacro de evacuación, como é costumbre dende hai anos. Para a boa realización do mesmo debemos todos ter en conta as normas e consignas que se recollen no seguinte documento e que convén que leades con atención.

CONSIGNAS DE EVACUACIÓN

A Dirección

PROGRAMA DAS XORNADAS ETWINNING

Sra./Sr. Directora/Director

Práceme informarlle da convocatoria e celebración da actividade presencial de formación permanente do profesorado «XORNADAS SOBRE O E-TWINNING» do Programa e-Learning da Comisión Europea, os días 12 e 13 de xaneiro de 2007, en colaboración co Centro Nacional de Información e Comunicación Educativa do Ministerio de Educación e Ciencia, segundo o programa detallado que se xunta (arquivo PROGRAMA_XORNADAS_ETWINNING.PDF / 206 KB).
Tendo en conta o carácter formativo desta actividade de actualización pedagóxica, considero procedente que lle dea a máxima difusión posible a esta convocatoria, facendo chegar esta información a todo o profesorado dos departamentos didácticos do centro.
Aprezando a súa colaboración, reciba un cordial saúdo.
Santiago de Compostela a 18 de decembro de 2006
A DIRECTORA XERAL DE ORDENACIÓN E INNOVACIÓN EDUCATIVA
ASDO: María José Pérez Mariño

ELECCIONS AO CONSELLO ESCOLAR

      Dando cumprimento á Resolución do 11 de setembro de 2006, da Dirección Xeral de ordenación e Innovación Educativa, pola que se establece o calendario para a celebración de eleccions de membros dos consellos escolares de centros de educación non universitaria se comunica que o mércores 25 de outubro terá lugar o sorteo público dos componentes da Xunta electoral na hora do recreo da mañán na sala de profesores.

O MÉRCORES DÍA 25 DE OUTUBRO ÁS 11,15 HORAS, NA SALA DE PROFESORADO, TERÁ LUGAR O SORTEO PÚBLICO DOS COMPOÑENTES DA XUNTA ELECTORAL.

Correspondenos este ano a renovación parcial de:

• 3 profesor@s 
• 4 alumn@s 
• 2 nais/pais

• Candidatura para profesorado
• Candidatura para alumnado
• Candidatura para pais-nais

A DIRECCIÓN

Candidaturas:

• Presentación de candidaturas: do 3 ó 12 de novembro de 2006, ámbolos dous inclusive.
• Proclamación e publicación de candidaturas: 13 de novembro de 2006.
• Reclamacións a lista de candidatos : 14 o 16 de novembro de 2006.
• Resolución de reclamacions: 17 de novembro de 2006.
• Sorteo dos compoñentes das mesas electorais: 17 de novembro de 2006.

Votacións:

• Votacions para escoller representantes de alumnado: 28 de novembro de 2006.
• Votacions para escoller representantes de pais/nais: 28 de novembro de 2006.
• Votacions para escoller representantes do profesorado: 28 de novembro de 2006.

Resultados:

• Publicación de resultados das eleccións : 28 de novembro
• Reclamacións a publicación de resultados : 29 de novembro
• Resolución as reclamacións e resultados definitivos : 30 de novembro

PLANS DE MELLORA DA CALIDADE DA EDUCACIÓN.

A Consellería de Educación ven de conceder unha asignación de 2000€, ao IES Ricardo Mella para a realización dun plan de mellora da calidade da educación que se vai desenvolver polo profesorado do centro durante o curso 2006-07.

CURSO DE INGLÉS
PARA PROFESORADO DE OUTRAS MATERIAS.

Lugar: I.E.S. Ricardo Mella, Estrada Vella de Madrid 177, Vigo.

Dous niveis diferentes.

Unha sesión semanal.

Inicio: Outubro 2006.

Horario: 
Grupo A : luns 18:00
Grupo B : venres 16:15

Acreditación: 50 horas.

Máis información: 
Sara González, dpto. inglés, I.E.S. Ricardo Mella, Vigo,
986 25 38 99
986 25 37 11

A DIRECCIÓN

SEMANA DA CIENCIA 2006

A MAXIA DA QUÍMICA

Datas e lugar de celebración:
Do 6 ao 10 de Novembro
IES Ricardo Mella, Meixoeiro-Vigo.

Dirixido a:
Alumnos de 1º e 2º . Bacharelatos Científico e Tecnolóxico.

Inscrición:
Antes do 16 de Outubro do 2006

Solicitude de participación en formato pdf.

Máis información en:  https://spec.fecyt.es/WebSpec/

A DIRECCIÓN

PRESENTACIÓNS DO ALUMNADO

As presentacións que se van facer son as seguintes:

Día 20 de setembro 

DIURNO

• As 10 horas : presentación de 1º e 2º de ESO. Unha vez feita pasarán a sua aula co titor e comezarán as clases con normalidade. O seu autobus marchará as 14,15 , no seu horario normal.

• As 11 horas : presentación de 3º e 4º de ESO. Unha vez feita continuarán as clases con normalidade

• As 12 horas : presentación de 1º e 2º de Bacharelato . Unha vez feita pasarán a sua aula co seu titor para recibir o seu horario. O día 21 comezarán as clases con normalidade.

ADULTOS :

• As 18 horas : Presentación de ESO adultos e PGS . Unha vez feitas as presentacións pasarán a sua aula co seu titor. As suas clases comezarán o día 21 con normalidade.

• As 19 horas : presentación do bacharelato de adultos (1º e 2º). Unha vez feita a presentación irán a sua aula acompañados polo seu titor para recibir o seu horario e normas de funcionamento do centro. As clases comezarán o día 21 con normalidade.

As presentacións faranse na biblioteca ou na aula A307 xa que o Salón de Actos está en obras.

A DIRECCIÓN

NOTICIAS DE VERÁN:

1. Modificación na matrícula de Bacharelato de adultos para o curso 2006-2007 

De cara ó comezo do curso 2006-2007 vanse a producir as seguintes modificacións no BACHARELATO DE ADULTOS :
O Bacharelato de adultos comezará a impartirse nunha banda horaria que vai desde as 18 horas ata as 23 horas (todavía por definir neste centro).
Atendendo as necesidades específicas do alumnado de adultos, o Bacharelato presencial cursarase en tres cursos académicos.
En cada un destes tres cursos académicos, impartiranse 23 períodos lectivos o primeiro ano, 19 períodos lectivos o 2º ano e 21 períodos lectivos o 3º ano.
Poderá darse unha matrícula por materias.
A promoción entre un bloque e outro darase cun máximo de dúas materias suspensas por bloque.
No curso 2006-2007 comezará a impartirse esta nova modalidade horaria no 1º curso de Bacharelato. O alumnado que curso 2º ano, terá as mesmas asignaturas e carga horaria que o ano anterior.
A distribución das materias por bloques ( OU CURSO) e modalidade de bacharelato son os seguintes

2. Probas extraordinarias de setembro para acceso ciclos de grao medio:

Inscrición do 3 ó 10 de xullo de 2006
Data realización da proba : 7 de setembro
Mais información acudir a páxina web :
https://www.edu.xunta.es/fp/


3. Nova contratación do servicio de cafetería do IES RICARDO MELLA

O Consello Escolar do IES RICARDO MELLA en reunión celebrada o 7 de xullo de 2006, acordouse o concurso de contratación do servicio de cafetería por medio de concurso público.
A documentación na que aparecen as bases do concurso, pódese recoller na conserxería do Instituto.
O prazo de presentación de solicitudes, remata o día 31 de agosto.
O Consello Escolar decidirá a nova adxudicación antes do día 15 de setembro.


4. SEMANA DA CIENCIA:

No vindeiro mes de novembro, desde o 6 ó 10, vaise celebrar no IES RICARDO MELLA a SEMANA DA CIENCIA en GALICIA (A máxia da Química), que é un obradoiro-exhibición, organizado pola Asociación de Ensinantes de Ciencias de Galicia e que conta coa colaboración da Dirección Xeral de I+D ( Consellería de Innovación e Industria).
Se queres podes visitar a páxina da Direción Xeral I+D
http://www.sxid.org/
Ou entrar no enlace no que se che informa da Semana da Ciencia: 
https://spec.fecyt.es/WebSpec/Home.aspx?idCA=12&valor=1
Podes tamén visitar a páxina web específica da Maxia da Química:
http://amaxia.servehttp.com/
"A maxia da química" consiste no desenvolvemento de diversas prácticas nun laboratorio, centradas na área da química, nas que o profesorado intenta demostrar, acompañados dunha explicación teórica, algúns fenómenos da natureza difíciles de comprender. 


5. Axudas económicas para cursar o Ciclo Medio Equipos Electrónicos de Consumo no réxime de adultos:

Para o próximo mes de setembro vaise publicar no Diario Oficial de Galicia unha orde mediante a que se convocan axudas, cofinanciadas polo Fondo Social Europeo, para o alumnado que inicie algún ciclo formativo, considerado non vocacional pero demandado polo mercado laboral, nos centros educativos que na devandita orde se determinen.
Entre o alumnado que se pode beneficiar destas axudas está o ciclo formativo de grao medio 
DM09001 Equipos electrónicos de consumo
A contía máxima destas axudas, que se distribuirán proporcionalmente en función do número de solicitudes presentadas, poderá ascender ata un máximo de 450 euros por alumna ou alumno.

DE INTERESE PARA O ALUMNADO DE CICLOS FORMATIVOS DE GRAO SUPERIOR QUE PRETENDA INSCRIBIRSE EN CALQUERA TITULACIÓN UNIVERSITARIA EN GALICIA

O PRAZO DE PREINSCRICIÓN PARA O ALUMNADO QUE FINALIZA ESTUDIOS DE FORMACIÓN PROFESIONAL NO CURSO 2005-2006
AMPLIASE ATA O DÍA 6 DE XULLO

A DIRECCIÓN

PROGRAMA DE GRATUIDADE DE LIBROS DE TEXTO. 

   No Diario Oficial de Galicia do día de hoxe, 31 de maio de 2006, publícase a Orde do 23 de maio de 2006 pola que se convoca e regula o programa de gratuidade de libros de texto e materiais curriculares en centros sostidos con fondos públicos para os niveis obrigatorios e gratuítos para o curso escolar 2006/2007.

   Co obxecto de facilitar a xestión dos centros nos próximos días poderase consultar no portal educativo da consellería (http://www.edu.xunta.es) toda a información referente ao citado programa entre a que se encontrará: 

1º) A orde de convocatoria.
2º) Unha relación de preguntas frecuentes que se irá actualizando.
3º) Os anexos I e II da orde, que se poden cubrir directamente no ordenador. (*)
4º) Un modelo de documento para a entrega dos libros nos cursos obxecto de reposición. (*)
5º) Un modelo de comunicación ás familias no caso de detectarse incidencias na devolución dos libros. 
(*)

(*) Estes documentos poderanse descargar, cubrir directamente no ordenador e imprimir, sempre que dispoña do programa Adobe Acrobat Reader 5.0 ou superior. Se dispón do programa Adobe Acrobat completo poderá gardar os anexos cubertos, en caso contrario os cambios efectuados non se arquivarán. 

A Dirección 

AXUDAS PARA A REALIZACIÓN DE PROXECTOS DE INNOVACIÓN EDUCATIVA. 

   No DOG nº 103, do 31 de maio, publicóuse a "Orde do 22 de maio de 2006 pola que se convocan axudas para a realización de proxectos de innovación educativa para a incorporación das tecnoloxías da información e a comunicación á educación para o curso 2006-2007 e se aproban as súas bases de concesión".

A PÁXINA DO IES RICARDO MELLA DENDE O MÓBIL

   Dende hoxe podes visitar a páxina http://centros.edu.xunta.es/iesricardomella/m dende o teu móbil, se tes conexión GPRS. E se non a tes vai pensando en cambiar de móbil. :)
   Introduce esta dirección en favoritos, no teu móbil, Poderás dispor en calquera momento de información importante como: Libros de texto, Exames, Vacacións, Avaliacións, Fotos, e máis cousas que iremos poñendo nela. As túas suxestións tamén son benvidas.

Carlos Alonso 

PROBA LIBRE PARA OBTENCIÓN DO TÍTULO DE GRADUADO EN EDUCACIÓN SECUNDARIA

   Requisitos: Ter cumpridos 18 anos antes do 31 de decembro de 2005

   Centro de realización das probas: Centro EPA Artes e Oficios, rúa Marqués de Valterra, 8-1º. Vigo.
   A solicitude de matrícula efectuarase na secretaría do centro onde se vaian realizar as probas.

   Datas de matrícula:
   Proba de xuño : 18 ao 26 de maio, ambos incluídos.
   Proba setembro : 1 ao 4 de setembro, ambos incluídos.

   Día das probas:
   15 DE XUÑO
   12 DE SETEMBRO

   Resolución do 18 de abril de 2006  (DOG 3-maio-2006) 

Real decreto 468/2006, de 21 de abril, polo que se establecen os umbrais de renda e patrimonio familiar e as cuantías das becas e axudas ao estudio do Ministerio de Educación e Ciencia para o curso 2006-2007.

   Real Decreto 468/2006 (BOE 22-abril-2006) 

A Dirección

Convocatoria de prazas e axudas de residencia nos centros residenciais docentes da Coruña, Ourense e Vigo para cursar estudos de ensinanzas postobrigatorias non universitarias e de réxime especial, no próximo ano académico 2006-2007.

   Orde do 1 de abril de 2006 (DOG 24-abril-2006) 

A Dirección

Axudas para a adquisición de ordenadores:

   A orde do 30 de marzo de 2006 (DOG 21-abril-2006) establece as bases que rexen as axudas ao alumnado de niveis non universitarios para a adquisición dun ordenador persoal durante o ano 2006.
   Destinatarios.
   Poderán solicitar as axudas os pais, nais ou titores legais do alumnado que reúna os seguintes requisitos:
a) Estar matriculado/a no ano escolar 2005-2006 nun centro educativo sostido con fondos públicos da Comunidade Autónoma de Galicia e nun dos seguintes cursos: quinto ou sexto de educación primaria; primeiro ou segundo de educación secundaria obrigatoria.
b) Adquirir ou ter adquirido un ordenador persoal de primeira man, de sobremesa ou portátil, no período comprendido entre o 1 de xaneiro e o 30 de setembro de 2006.
c) Ser o único membro da unidade familiar para o cal se solicita a axuda.

   Para calquera consulta poñerse en contacto coa dirección do centro.

A Dirección

III XORNADAS CIENTÍFICO-TÉCNICAS

• MÉRCORES DIA 29 DE MARZO :
  
  • As 10,25 h : Conferencia de título “Coñecementos básicos de primeiros auxilios”, impartida por Rafael Sanmamed (Médico e profesor do IES Ricardo Mella)
    
• XOVES DÍA 30 DE MARZO :
  
  • As 12 horas : Conferencia de título “Búsqueda de Emprego: O primeiro traballo”, impartida por Mabelén Rodríguez Quintana, Psicóloga e Directora de Recursos Humanos da empresa de selección de persoal SERVIGUIDE.
    
• VENRES DÍA 31 DE MARZO :
  
  • As 10 horas : Conferencia de título “A televisión dixital terrestre”, impartida por Jesús Puente , Técnico da empresa TELEVES.
    
  • As 19 horas : Conferencia de título “Imaxenio, UMTS e TV”, impartida por Begoña Calvar e Juan José Manso Carballo (Técnicos de Telefónica).
    
  • Entrega de premios ó gañador do concurso de logotipos.
    
  • As 20 horas : Charla expositiva dos Xefes de Departamento da Familias Profesionais de Administrativo, Electrónica e Sanitaria, dirixida ós representantes das empresas que colaboran na Formación en Centros de Traballo (FCT) có IES Ricardo Mella.

Unha vez finalizada a exposición, farase o peche oficial das III Xornadas Científico-Técnicas por parte do Director Xeral de Investigación, Desenvolvemento e Innovación Tecnolóxica (Consellería de Innovación e Industria), Don Salustiano Mato de la Iglesia.

A continuación e como comezo da actividade de Internet, viño de despedida para os representantes das empresas, no ximnasio do centro.

• As 20,30 horas : Comezo do “Maratón de 24 horas de Internet” a desenvolver no ximnasio do centro (finalizará o sabado as 20 horas).

• A partires das 24 horas, exposición de “Tunning” no aparcamento do profesorado do centro.

Vacinación Meninxite:

Seguindo o plan posto en marcha pola Consellería de Sanidade, vaise levar a cabo unha CAMPAÑA EXTRAORDINARIA DE VACINACIÓN ANTIMENINGOCÓCICA C DESTINADA Á POBOACIÓN DE 13 A 25 ANOS DE IDADE.
No IES Ricardo Mella vaise levar a acabo os días 13 e 16 de marzo de 2006 por persoal sanitario do CENTRO DE SAUDE DE SARDOMA.
A Dirección do centro fará un calendario para cada un dos cursos do centro.

Xefatura de Estudios

Empieza la Séptima edición de ¡A Navegar!

Estimados amigos / estimadas amigas,

Tenemos la satisfacción de anunciaros el comienzo de la 7ª edición de ¡A Navegar!.

Como muchos de vosotros ya sabréis, éste es un programa dirigido a los alumnos de quinto y sexto de Primaria, Secundaria y Bachillerato, así como a estudiantes de Ciclos Formativos de Grado Medio.
Este año, el Certamen se presenta con muchas novedades y con nuevas modalidades que hacen la participación mucho más fácil en función de los centros de interés de cada profesor y de sus posibilidades tecnológicas:

- Una vez más, se convoca el concurso de trabajos curriculares en formato de página web. ¡A Navegar! ha aglutinado, en sus ediciones anteriores, a más de 1.000 centros representados por más de 4.000 grupos de alumnos y sus respectivos trabajos.

- Con la nueva herramienta BITÁGORA perseguimos sacar partido a las posibilidades del nuevo formato de publicación en Internet: las bitácoras. Con Bitágora podéis elaborar vuestro proyecto de investigación, intercambio y aprendizaje. Una completa propuesta metodológica se encuentra disponible en la página de la herramienta.

- Finalmente, aquellos profesores que realizan propuestas metodológicas propias usando las nuevas tecnologías pueden presentar su unidad didáctica a la modalidad “EXPERIENCIAS” y ver premiada y publicada su iniciativa.

A Navegar publica periódicamente material didáctico en forma de boletines y actividades varias dirigido a los/las alumnos/as y a los/las profesores/as, cuyo objeto es proporcionar la información y los contenidos técnicos necesarios para crear vuestro espacio web. Y, en caso de dudas o problemáticas individuales, el programa pone a disposición un teléfono de consulta y ayuda: el 902 360 443. A través de este número se pueden resolver los escollos técnicos que el proyecto presente, y también los temas metodológicos.

Estos años de andadura han mostrado que la experiencia es altamente gratificante, tanto para los/las profesores/as en el trabajo del currículo, como para sus alumnos/as por tratarse de una propuesta motivadora. Por ello, os proponemos visitar nuestra nueva página web www.educared.net/aprende/anavegar7 y descubrir todo lo que tenemos preparado...
La fecha límite para realizar la inscripción es el día 24 de marzo del 2006.

Un saludo,
El equipo de animación de ¡A Navegar!
e-mail: animacion@educared.net

Lei contra o tabaquismo

Á atención da comunidade educativa do IES Ricardo Mella.

Segundo a Lei 28/2005 de 26 de decembro de 2005 de medidas sanitarias fronte ó tabaquismo... prohíbese totalmente fumar nos centros docentes e formativos, independentemente da idade do alumnado e do tipo de ensinanza. (Artigo 7, apartado D)

A Dirección

Materiais didácticos para a preparación das probas de acceso a ciclos medios.

Se é do voso interese tendes moito material con unidades didácticas na seguinte dirección: https://www.edu.xunta.es/fp/materialprobasCM.htm

Se queredes ver probas resoltas de acceso a ciclos medios dos dous últimos anos podedes acudir á seguinte dirección: https://www.edu.xunta.es/fp/examesprobasCM.htm

A Dirección

Publícase esta nova páxina web do IES Ricardo Mella. Nace coa intención de que participen nela tódolos estamentos do Centro, que sexa útil e que sexa atractiva para quen a visite. É un escaparate do noso Instituto. Oxalá transmitamos entre todos o inmenso traballo educativo que alumnos, pais, persoal non docente e profesores levamos acabo día a día. Se queres podes enviar as noticias referentes ó noso Centro  que che parezan oportunas a

Carlos Alonso, encargado da páxina web