|
Análise
de xénero
É un proceso que permite analizar a diferenciación entre
homes e mulleres: as súas diferentes responsabilidades, coñecementos,
recursos, problemas e necesidades, co propósito de planificar
os proxectos para países en vías de desenvolvemento con
eficiencia e equidade.
Invisibilización
da muller
Desvalorización que fai a sociedade das actividades realizadas
polas mulleres. Un bo exemplo é o concepto que a sociedade ten
dos oficios domésticos e do traballo reproductivo.
Empoderamento (ing. empowering)
Termo que aparece con frecuencia ó analizar sociedades ou grupos
de individuos en situación de vulnerabilidade.
O empoderamento é un proceso que posibilita a estas persoas ou
grupos de poboación con pouco ou nulo poder de decisión,
gañar un control crecente sobre as súas vidas. No caso
das mulleres é un proceso complexo pero necesario para acceder
ó “poder” e a influencia social nas súas comunidades.
O obxectivo final dos procesos de empoderamento da muller africana sería,
entre outros, que elas non só se beneficiasen dos programas de
desenvolvemento, senón que participasen na xestión e planificación
dos mesmos.
Microfinanzas
Son préstamos pequenos que permiten ás persoas que non
teñen as garantías reais esixidas pola banca convencional,
iniciar ou aumentar os seus negocios familiares e incrementar os seus
ingresos. Non está baseado en requisitos bancarios habituais,
senón na confianza mutua e a responsabilidade.
Este sistema úsase en moitos proxectos en países do Terceiro
Mundo para permitir saír da pobreza a persoas que xamais terían
dereito a un préstamo “normal”. As primeiras experiencias
con este tipo de préstamos tiveron lugar na India.
Misoxinia
Actitude de odio ou desprezo ás mulleres polo solo feito de selo.
Sociedades
patriarcais
Sociedades baseadas na dominación dos homes sobre as mulleres.
Traballo
reproductivo
Comprende as actividades relacionadas coa reproducción biolóxica,
ademais das que correspondan ó coidado da familia: saúde,
alimentación, hixiene. Ademais da atención de persoas
maiores ou enfermos. Estas tarefas son asignadas xeralmente ás
mulleres. Dentro do esquema tradicional de xénero que predomina
nas sociedades patriarcais, estas actividades adóitanse considerar
prohibidas para os homes.
Vulnerabilidade
Situación na que a subsistencia dunha persoa ou grupo de persoas
corre perigo debido a factores e tendencias fóra do seu control
Xénero
Os xéneros son os grupos construídos historicamente a
partires das características sexuais dos seres humanos. O problema
é que ós individuos se lles asigne un complicado conxunto
de roles diferenciais que determinan en cada época, sociedade
e cultura os contidos específicos de ser home ou muller.
|
