 |
 |
 |
 |
 |
|
| RETRINCOS | ||
 |
||
Segundo informes de Amnistía Internacional, as mulleres en Arabia Saudíta están controladas polo Estado e por unha rede de costumes, normas e edictos relixiosos en todos os aspectos da súa vida .
·
Non poden saír sen acompañante masculino.
· Sofren torturas, flaxelación e execución tras
xuízos sumarios.
· Constitúen un 55% de poboación con estudios universitarios
, pero non poden acceder ó mercado laboral.
· Son brutalmente agredidas no seo da familia.
Existe
en Xerusalén unha asociación de mulleres chamada Bat
Shalom (fillas da paz) traballando en estreita colaboración
con mulleres palestinas. Estas mulleres xudeas recollen nos séus
manifestos a terrible situación a que está sindo sometido
o pobo palestino.
Ambos grupos de mulleres son un exemplo de como se pode chegar a un
mínimo de entendemento aínda nas peores circunstancias.
Os
crimes contra as mulleres por cuestións de honra subsisten
en países de Oriente Medio e poden cometerse simplemente sobre
a base de sospeitas ou rumores.
En
Marrocos, unha nova lei pola que as mulleres non poderán ser
obrigadas a contraer matrimonio e poderán divorciarse ,se así
o desexan, está a piques de ser aprobada.
En
moitos países árabes e islámicos o número
de mulleres universitarias é igual ó dos homes. O problema
non é a formación, é o chamado “teito de
cristal” : determinados postos non son ocupados polas mulleres
porque se lles considera demasiado “sentimentais”.
En algúns países árabes existe unha figura legal chamada “diñeiro de sangue” . Consiste en que o criminal ou a súa familia deben pagar unha certa cantidade ós familiares da víctima, en caso de asasinato. Pois ben, se a víctima é unha nena ou unha muller, a cantidade estipulada é exactamente á metade da que corresponde a un home ou un neno. Asemade, a testemuña de dúas mulleres nun xuizo ten o mesmo valor que o dun home .
En
1997 celebrouse o Primeiro Congreso de Escritoras Arabes no CAIRO. Asistiron
150 escritoras. Nada, ou case nada sabemos delas. Están comezando
a ser traducidas moi recentemente. Ata agora as editoriais occidentais
só estaban interesadas en historias tipo “Non, sen a miña
filla”, que relataban experiencias personais dramáticas
, e, en modo algún aplicables a todo o mundo Islámico.
Por certo, a maioría destas publicacións tiñan
escaso ou nulo valor literario.
Afganistán. Un feito espantoso é cada vez máis frecuente: adolescentes préndense lume e morren abrasadas. As víctimas adoitan ter entre 14 ou 20 anos. Estanse a rexistrar máis de 100 casos cada ano. As causas concretas son, ata agora, descoñecidas. Posibles explicacións apuntan ó feito de que as mozas son obrigadas a casar con homes moitísimo máis vellos ca elas: nun país empobrecido son os únicos que poden pagar o dote.
Marrocos
acolleu o Cumio Global da Muller en Xuño do 2003. Asistiron 671
participantes de 80 países. 42 destas mulleres ocupan ministerios
na actualidade. Destacouse o feito de que as mulleres ocupan só
un 8% nos gabinetes ministeriales dos gobernos do mundo
Excepto nos países rexidos por reximes fundamentalistas, o Islám é bastante permisivo ,en xeral, cos métodos anticonceptivos. Os métodos barreira: diafragma e preservativo, están moi extendidos. Os anticonceptivos oráis son de uso común en moitos países.
· En Turquía, Irán e Túnez, permítese a vasectomía; en Xordania e Exipto, non
· En xeral, o aborto é máis ou menos permisible no primeiro trimestre de embarazo, alegando razóns serias.
· En Albania, Túnez, Turquía o aborto ten moitas menos restriccións.
· O programa de planificación familiar de Irán, país onde triunfou unha revolución islámica, considérase un modelo para nacións en vías de desenvolvemento. Ten unha taxa de mortalidade materno-infantil de 18/1000. O 73% das mulleres en idade fértil toman anticonceptivos orais.
. Pakistán é un exemplo de todo o contrario. Os partidos relixiosos no poder, opoñense ás políticas de planificación familiar por consideralas antiislámicas. As mulleres apenas van ó médico, non teñen acceso a métodos anticonceptivos, o aborto é ilegal. Vense obrigadas a recurrir a prácticas clandestinas. A mortalidade é moi alta.
En Xordania acaba de constituirse un novo Goberno. Tres ministerios estarán ocupados por mulleres.
O adulterio ou prácticas sexuais proibidas castíganse nalgúns reximes fundamentalistas islámicos coa lapidación. Se ben esta maneira de execución tan espantosa non ten a súa orixe no Islám é tolerado por estes reximes como un medio máis de opresión e control da poboación femenina especialmente. A presión de asociacións internacionais e sobre todo de grupos locais, formados na súa maioría por persoas destes mesmos países, van conseguindo, aínda que moi lentamente, erradicar prácticas tan terribles. Estas agrupacións coñecen ben as chaves culturais e os sistemas legais das sociedades onde operan.
A tremenda presión social e o arriscado traballo destes grupos é a miudo ignorado polos medios de comunicaión occidentais, para os que asociacións coma Amnistía Internacional son moito máis familiares.
Un bo exemplo é BAOBAB, unha asociación local nixeriana, que tivo gran influencia nos procesos contra Amina Lawal e Safiya.
A iraniana Shirín Ebadí, xuiz e defensora dos dereitos humanos acaba de ser galardoada co Premio Nobel da Paz.
Mentres
a presencia das mulleres nos parlamentos provoca alerxias aos políticos
islamistas, mentres réximes fundamentalistas empapados en dólares
e petroleo, como os de Arabia Saudita e Kuwait invisten diñeiro
en promover o uso do veo, as mulleres musulmanas, silenciosamente invaden
áreas públicas estratéxicas como as universidades,
a ciencia e a tecnoloxía.
Rematamos cun contundente informe da UNESCO:
- Na actualidade as mulleres ocupan o 28.7% dos postos científicos
e tecnolóxicos en Exipto.
- 27.6% en Alxeria.
- 29% en Turquía.
- 31% en Marrocos.
- 35% en Irán.
- 36% en Kuwait.
Parece que o veo produce o efecto contrario o desexado por moitos: Unha
movilización masiva de mulleres de tódolos estratos sociais.
RETRINCOS
Esta sección pretende ser unha breve reseña dalgúns dos problemas máis graves que sofren as mulleres en certos países do ámbito do Islam. Asemade, incluímos datos que pretenden reflectir o feito de que tamén hai un Islam dinámico, creativo e emerxente. A relacción é, necesariamente, moi incompleta.