• A combustión da biomasa emite CO2?
A súa contribución ás emisións considérase neutra porque o CO2 emitido foi
captado da atmosfera previamente polas plantas e ten que volver captarse
polas plantas se se quere seguir utilizando biomasa.
  • Pódese queimar calquera residuo forestal, agrícola ou da industria de ambas en calquera caldeira?
Aínda que en moitos países de Europa utilízanse caldeiras específicas que só
poden utilizar algúns biocombustibles sólidos moi concretos, en España dada a heteroxeneidade dos recursos de biomasa búscanse caldeiras que poidan utilizar a maioría dos biocombustibles sólidos dispoñibles. O uso final da enerxía (térmica ou eléctrica) non inflúe na elección do tipo de biocombustible aínda que o seu prezo pode ser un limitante, especialmente para usos eléctricos.
  • Pode unha caldeira doméstica de biomasa quentar toda a casa e fornecer auga quente sanitaria (ACS)?
Si. Existen distintos dispositivos, dende estufas que quentan unha habitación, ata caldeiras que fornecen calor a calquera sistema de calefacción (desde chan radiante a radiadores) e producen ACS. Estas últimas tamén se fabrican en tamaños maiores para quentar bloques de vivendas e outros edificios.