O primeiro achegamento ao biogás desde fai moitos anos son os vertedoiros de residuos orgánicos urbanos, nos que se instalan tubaxes colectoras do gas que se produce na fermentación dos residuos. Nalgúns vertedoiros moi antigos que non dispuñan do sistema de recolección do gas púidose instalar a posteriori, aínda que o rendemento da recollida de gas é moito menor, xa que a maior parte do gas prodúcese nas primeiras fases da descomposición do lixo.
Os vertedoiros máis modernos xa incorporan un sistema de recolección para o biogás, que despois é utilizado para xerar enerxía eléctrica para a propia planta de residuos asociada ao vertedoiro. Este sería un esquema moi simplificado dunha fonte e uso do biogás.
Pero hoxe en día ao falar de biogás tamén estamos falando de residuos agroalimentarios, da produción de cervexa, ou ata de vísceras de gando vacún. Case calquera material fermentable pódese converter en biogás. O biogás contén entre un 40 e 70 % de metano (CH₃) e un 40-60% de CO₂, 5-10 de H₂ e outros gases en menor proporción. Como se pode ver, a variedade é importante dependendo das fontes de orixe.
Do primeiro concepto de aproveitamento do biogás dos residuos orgánicos urbanos, pasouse á situación actual de instalar plantas de biogas para produción eléctrica aproveitando os residuos anterormente mencionados.
En Lérida hai unha planta en funcionamento a base de reisduos agrícolas, e outra que expón instalar a base de xurros de porco para producir electricidade para a propia gandería. Hai algunhas outras en España, e por suposto en Europa e outros países como México. Tamén se puiden producir *biogás a partir de lodos de augas residuais.
Pero os maiores aproveitadores do biogas no mundo son os chineses. En China hai preto de 10 millóns de instalacións individuais de dixestión anaerobia (produtoras de biogás), nas zonas rurais, que utilizan para producir electricidade e tamén utilizan o propio gas para cociñar. Con estas instalacións unifamiliares en China cobren o 60% das súas reducidas necesidades enerégéticas (reducidas en comparación cos nosos modos de vida urbanos occidentais). O material para fermentar que utilizan son os excrementos do gando e os dos propias persoas das vivendas.

Os países da Unión Europea están cada vez mais interesados nas características do biogas tanto en términos de producción enerxética como por o que representa respecto ao cuidado medioambiental, tendo superados os 5,3 millóns de toneladas de biogas producidas no ano 2006, o que supón un aumento do 13,6% con respecto ao 2005.E é que os usos do biogas son moitos e de gran impacto social: empléase en coxeneración para a producción de electricidade e de calor, tamén como combustible en motores estáticos e mais recentemente e con gran proxección de futuro, como carburante en automóviles.