MATEGUAP@S
CADERNO MATEMÁTICO
nº 1 / curso I / 17 maio 2003
IES VIRXE DO MAR – NOIA ( A CORUÑA )
" E primavera en Noia,
e a noite será
unha longa mina de diamantes"
Antón Avilés de Taramancos
SAÚDO
Querid@ lector/a :
Benvid@ ó nacimento dunha publicación que pretende que ó seu carón tod@s K-Vilemos un chisco. Tod@s os que participamos nela desexamos que vos guste. Esto fará que esta pequena semente que hoxe botamos chege a se converter co tempo nun frondoso carballo.
Se fas un uso moderado de MATEGUAP@S , está demostrado , que podes acadar grandes logros . A saber :
A.- Exercicio de cachola (1) ( sen receita médica, nin ximnasios )
B.- Ingresos monetarios extras ( Non hai máis que poñer en funcionamento a vella estratexia de ..... “ papá , mamá ¿canto vos apostades a que non sabedes facer este acertixo ? ” )
C.- Abraiar ó respectivo moz@ presumindo do moito e ben que cavilamos.
etc., etc., etc..Pero abonda xa de latriques. Hai que se poñer ó traballo que se nos vai facer de noite Así que pasade páxina e a comezar a cavilar. ¡ Boa sorte !
1)Cachola = Obxecto case esférico que temos enriba dos ombros. Serve para :
1º:.- Botarlle arrechouchíos
2º.- Enferruxala de gomina polas mañás
3º.- Peiteala con agarimo e logo poñer esa estupenda diadema de 1.000 cores
4.º- Usos varios.
OLLO O PIOLLO
A vista ás veces fai que nos enganemos, sorprendamos ou que sei eu …..
Mira con atención o debuxo
¿Ves unha muller anciá ou unha xove fermosa?
Colaboración : Sandra Figueira Baña - 1º ESO
Tres persoas queren cruzar un río nunha barca.
Dúas delas pesan 50 Kg cada unha.
A terceira pesa 100 Kg.
A barca soamente pode levar 100 Kg.
¿ Como farán para cruza-los tres a outra beira, sen que a barca vaia a pique?
NÚMEROS TRISTES
As minas terrestres, empregadas no transcurso das guerras, matan 800 persoas cada mes no mundo e mutilan diariamente a 1 persoa cada 15 minutos ( a meirande parte mulleres e nenos na procura de auga ou madeira).
De cada 8 víctimas 1 morre antes de chegar ó hospital.O 80% das víctimas son nenos e nenas.
Hai preto de 110 millóns de minas espalladas por máis de 80 países.
Mercar unha mina custa 4 €. Quitala do chan 850 € .Entre os países fabricantes atópanse países europeos, como España, Portugal, Suecia, Reino Unido e Francia.
e dixo que sabía surrir coma unha fonte
en un albre de froitos pendurados.
Levava sempre a surrisa pequena
i-os homens agardaban sua choiva de paz ".
Antón Avilés de Taramancos
Colaboración : Raquel Pazos Blanco , Yéssica Lago
Trillo – 1º ESO
¡ ISTO TEN TRUCO !
Coloca , sobre o borde dun vaso , dúas moedas do mesmo xeito que aparecen na figura. Intenta cunha soa man, sen tocar ti o vaso, tomar á vez as dúas moedas , sen as tirar nin fóra nin dentro do vaso.
o mar de Finisterre, o mar da Vida.
Antón Avilés de Taramancos