Datos do Centro   Contexto     Instalacións (Fotos)     Sinais de identidade

Datos do Centro

SITUACIÓN:        No barrio de Monte Alto - A Coruña

NÚMERO DE ALUMNOS/AS:          150

NÚMERO DE GRUPOS:  3 de Ed. Infantil, 2 de Ed. Primaria 1º ciclo , 2 de Ed. Primaria 2º ciclo , 2 de Ed. Primaria 3º ciclo

NÚMERO DE PROFESORES:     15

ESPECIALIDADES DO PROFESORADO:  Educación Infantil , Educación Primaria , Educación Musical, Educación Física , Lingua Inglesa, Lingua Francesa, Pedagoxía Terapéutica, Transtornos Xeneralizados do Desenvolvemento, Orientación.

Contexto

          O Centro está situado na barriada de Monte Alto, ó noroeste da cidade de A Coruña. Monte Alto é un barrio moi poboado, con poucas zonas verdes e de divertimento para a cidadanía.   Nestes derradeiros anos, mellorou o aspecto físico e cultural do barrio coa construcción do Paseo Marítimo, da Domus,  do Pavillón Polideportivo da Xunta de Galicia, da Casa dos peixes e de outro Polideportivo por parte do Concello. De tódolos xeitos bótase en falta, a lo menos, un parque infantil e a urbanización da zona verde da Torre de Hércules.  Demograficamente é unha poboación claramente envellecida. Presenta uns grupos entre 0 e 14 anos e de 65 anos  en adiante, practicamente iguais; polo que a pirámide de poboación tende a inverterse.

O nivel socioeconómico

Tendo en conta o nivel de estudios obsérvase que o tramo maioritario ocúpano os cabezas de familia con estudios primarios, BUP e FP. Sendo o tramo de cabezas de familia con estudios de grao medio ou superior igual que o tramo dos sen estudios ou analfabetos. Comparando os datos cos do resto do concello, observamos un lixeiro descenso na porcentaxe de cabezas de familia con estudios superiores.

Tendo en conta a profesión dos cabezas de familia, obsérvase que a profesión de obreiro é a que conta con maior número de cabezas de familia, superior á media de todo o concello. O tramo de profesións liberais e de cadros medios e superiores de administración e empresas é o seguinte máis numeroso, sendo tamén superior á media. As demais profesións cumpren a media e os xubilados supoñen un 8%.

En canto ós ingresos declarados por cada familia, non se advirte diferencia nos tramos altos, respecto dos do resto do concello. Nos tramos de máis baixos ingresos, advírtese que as familias que reciben un salario máis baixo que o mínimo interprofesional, supoñen o dobre que no resto do concello.

Instalacións

ADMINISTRACIÓN:              Despacho de Dirección, Secretaría, Sala de Profesorado, Almacén, Servicios profesorado

AULAS:  3 para Ed. infantil , 6 para Ed. primaria

TITORIAS: 1 para pedagoxía terapéutica , 1 para primaria, 1 para teatro, 1 para recoñecementos médicos

AULAS ESPECÍFICAS: Educación musical, Educación física e deportes de sala, Idiomas,  Informática,

Novas tecnoloxías, Biblioteca, Laboratorio (Natureza e Plásticas) e xogos.

SALÓN DE ACTOS:   Dotado con megafonía e escenario

SERVICIOS HIXIÉNICOS:     Servicios nenos/nenas (en ámbalas dúas plantas), Servicios infantil planta baixa

Servicios profesorado en ámbalas dúas plantas.

PATIOS: 2 cubertos, 1 situado na entrada principal e outro na entrada norte.

2 descubertos, 1 diante moi soleado e outro detrás con pista polideportiva e zona de xogo libre.

HORTO ESCOLAR con dúas parcelas onde o alumnado fai diferentes plantación ó longo do curso.

FOTOS DAS INSTALACIÓNS NOSO COLEXIO: 

(Picar sobre elas para velas ampliadas)

Sinais de identidade

 Respecto do idioma

  Partindo dunha realidade na que o alumnado maniféstase castelán falante cunhas fortes raíces galego falantes, empregarase un modelo lingüístico no que se usen os dous idiomas oficiais máis e con mellor calidade.

O proceso para conseguilo será:

* Educación Infantil impartirase en lingua castelá con apoio oral (contos, cántigas, adiviñas, teatro ... ) en lingua galega.

* Educación Primaria, 1º ciclo impartirase en lingua galega a área de Coñecemento do medio social e natural ademais das específicas dedicadas á lingua galega.

* Educación Primaria, 2º e 3º ciclos impartiranse en lingua galega as áreas de Coñecemento do medio social e natural e a Artística ademais das específicas dedicadas á lingua galega.

  O colexio como colectividade

Entendemos o colexio como unha colectividade, non como un conxunto de aulas. Promocionarase o traballo en equipo organizando actividades colectivas co gallo de celebrar festas e actividades como as que seguen:

 Festa da Vendima.

 Festa do Magosto.

 Festa do Nadal.

 Día da Paz e festival de poesía.

 Semana da prensa escrita.

 Semana das Letras Galegas.

 Festa da fin do curso.

 Publicación do xornal escolar “O Voceiro de Hércules”.

A educación nos valores

  Entendemos a educación como a consecución da formación integral do alumnado, polo que será tan prioritaria a educación nos valores como a científica.

Para conseguilo serán traballados cun agarimo especial os contidos transversais:

 Educación para a saúde.

 Educación para a paz e a convivencia.

 Educación vial.

 Educación para a igualdade de sexos.

 Educación para o consumo.

 Educación na liberdade de crenzas.

 Educación no respecto polas tradicións

 Emprego das novas tecnoloxías como apoio pedagóxico  

Seguindo as tendencias de vangarda, introducirase o emprego da informática como un medio

 máis de traballo e como un reforzo ou un complemento pedagóxico.

Podéis contactar conosco na seguinte dirección:

Colexio Público "SANJURJO DE CARRICARTE"

Praza de San Xosé, s/n - 15002. A Coruña

Teléfono:981-20 21 20

Fax.: 981-20 53 96

               Tamén podéis enviarnos unha mensaxe por correo electrónico da Xunta de Galicia: