I Congreso de Jóvenes Lectores
Temos NOVIDADES GRÁFICAS: as esperadas fotos do tour que os elixidos deste I Congreso realizaron nas illas Canarias. Pasen, vean e critiquen .....
Celebrado en Las Palmas de Gran Canaria entre os días 20 ó 25 de maio de 2002.
O que se pretendía era extraer
unha imaxe das illas Canarias a partir do relato dun libro dun autor canario; 15
provincias da península foron elixidas e entre elas Lugo coa nosa
representación; 3 grupos-libro foron considerados entre os mellores, e de
seguido adxuntamos os textos e as fotos para que compartades os momentos más
especiais:
· JJ Armas Marcelo e o seu libro El árbol del bien y del mal, que
traballaron Leticia Castelao Peláez e Concepción López Seijas do 1º
curso de BAC de Educación Permanente de Adultos (EPA); ou Así en La Habana como en el cielo,
que traballaron Lucía Iravedra García e Lorena García García.
· Luis León Barreto coa súa obra Las espiritistas de Telde, que
traballaron Antonia Gamallo López e Diego Rodríguez Paz.
· Alberto Vázquez Figueroa, coa obra Océano, que traballaron Encarnación López Morado e Yéssica Pico Castosa.
Res varia
Noutra orde de cousas algúns
decidiron traballar tamén as facetas do cómic e mostrar e demostrar que o serio
é o contrario de aburrido e non está reñido con ningunha faceta da
intelxicencia e a creatividade humana. Así, filtraron os álbumes de Astérix na
busca de expresións latinas que convertiron ó galego, francés, inglés e alemán.
Pode haber erros, naturalmente, xa que aínda nos queda por revisar moitas
cousas, pero o xefe do departamento de filosofía estaba tan ilusionado co
traballo que non tivemos máis remedio que asignarlle un espacio virtual
inmediatamente e deixar as posibles rectificacións para despóis das probas de
contidos (Vulg. exames).
Resumindo: para os que sempre lles gustou Astérix, para os que sempre miraron cun sorriso á historia, para os que sinten curiosidade por outras linguas, para os que lles gustan os guiños intelectuais, para os que lles gusten a ironía, o sarcasmo, o traballo aparentemente fácil e sobre todo para os que lles guste pasar un rato mentalmente agradable, entrade no estudio de Antonia Gamallo López e Diego Rodríguez Paz: Los latinismos de Astérix (é longo e costoso de baixar e temos que mellorar a estética de presentación que perdeuse no camiño ó ciberespacio, pero paga a pena botarlle unha ollada).
| AVISO 16/12/2002 : Estamos mellorando este traballo. Durante uns días (poucos esperamos) só poderedes gozar dunha parte pequena deste mundo antigo. Esperamos rematar moi pronto. Graciñas pola visita. |
Tamén andivemos polos ceos co alumnado da optativa de Filosofía da Cc. e da Tecnoloxía de 2º curso de BAC de Educación Permanente de Adultos (EPA), e froito desta preocupación sideral foron os seguintes traballos, que nin pretenden ser orixinais, nin aportar ningunha novidade ó tema do Universo, só mostrar como se pode equilibrar o estudio e o divertimento cun mínimo esforzo.
Se tedes forza aínda logo destes paseos escritos de aguantar os títulos de crédito, dirémosvos que como profesores estamos orgullosos dos traballos realizados, e intentaremos aproveitar este espacio virtual para dar publicidade ó esforzo e á boa vontade con que o noso alumnado afronta o seu día a día educativo, prescindindo da pompa e boato (charanga e pandereta, panem et circenses) tan característica de moitas obras boas, mediocres e malas, que algúns louban ás veces con menos razóns. Certo que o labor do profesorado é unha semente lenta que fructifica cando xa temos esquecido a súa orixe, pero a nosa razón última non debe estar nos contidos senón na formación de persoas, de futuros cidadáns. Con ese espírito visitade as nosas páxinas e sempre atoparedes algo no que pensar.
CURSO 2002 - 2003
Coas mellores intencións (coma sempre) comezamos un curso máis con algunha novidade no departamento:
Somos dous profesores impartindo o cadro completo de materias. A fichaxe deste curso provén do departamento de grego, e xa conta cunha ampla traxectoria nas ensinsanzas de filosofía. Así cubrirá os espacios filosóficos de 1º BAC EPA, e a optativa de Filosofía da Ciencia e Tecnoloxía en 2º BAC EPA. O resto cubrirá as ensinanzas de 1º e 2º BAC e a optativa de 2º BAC Introducción ás Ciencias Políticas e Socioloxía.
Os traballos que intentaremos sacar adiante este ano refírense a diferentes ámbitos:
Filosofía na arte: perseguer as representacións pictóricas nas que aparezan algúns dos nosos protagonistas.
Lecturas recomendadas: daremos cabida aquí ós sesudos comentarios que calquera dos nosos alumnos e alumnas quera facer logo dunha tranquila lectura de obra filosófica ou non.
Aplicacións didácticas: procuraremos non deixar no olvido ningún traballo que se realice para as clases de filosofía, de tal forma que o esforzo individual poida ser compartido. Comezaremos cun traballo sobre o 7, e material divulgativo sobre as primeiras commemoracións do vindeiro mes (aclararemos todo ó seu debido tempo, consultade con frecuencia o noso espacio virtual).
A Historia quasi máxica do 7, feita por Ángela Chao Cobo,Tamara Dorado Fernández e Laura López Paz (1º BAC A)
Se tedes algunha suxerencia para este ano ou queredes poñervos en contacto connosco, xa sabedes que hai moitas formas de facelo.