O colexio podémolo definir como centro rural, pois a maioría dos nenos son dos pobos (un 87%). Recibe nenos das seguintes parroquias Viven en casas confortables, ben acondicionadas (a maioría), e teñen un sitio adecuado  para o estudio, o que favorece o seu rendemento, aínda que non sempre sexa así. A maioría falan galego na casa, no pobo e na escola; todos eles o entenden. O grupo de castelán falantes é fixo e céntrase no alumnado de Molgas.  Sobre o hábito da lectura, en xeral, non o teñen. Canto máis  cativos son máis lles gusta ler, aínda que a medida que se fan maiores van perdendo interese pola lectura. Os núcleos familiares son pequenos, con tendencia a ter un só fillo/a. En canto o traballo dos pais e nais cabe sinalar: O pai traballa na maioría dos casos, pero poucos son agricultores, cousa rara no medio rural. Predominan os obreiros e os empresarios autónomos. As nais que traballan fano en diversas profesións, relegando a agricultura a un segundo lugar. A pesares disto todas traballan algo no campo. Cabe sinalar que é unha zona onde non hai parados, aínda si que hai bastantes emigrantes, predominando zona s do País Vasco e Suíza. A poboación está bastante dispersa, un 87% dos nenos utilizan o Transporte Escolar, isto leva consigo que os nenos e nenas  non teñan outros/as con que xogar, e que os seus amigos/as sexan de Ourense, Vascongadas ou fillos de emigrantes no estranxeiro.