Na semana do día  da árbore fixemos unha visita pedagóxica a unha Aula Forestal que se atopa no concello de Maceda e que depende da Consellería de Medio Ambiente da Xunta. Chámase Viveiros. Centros como este  fan de Galicia unha comunidade pioneira en materia de divulgación da cultura forestal.
					O Plan Forestal de Galicia sinala á cultura forestal como un dos ámbitos ós que se lles debe dedicar  atención, deseñando e poñendo en marcha proxectos sistemáticos de comunicación e divulgación forestal, dirixidos por unha banda ós grupos de idade escolar, ós educadores e á poboación en xeral e, por outra, ós silvicultores e empresarios do sector.  Nos como destinatarios desta información asistimos á Aula forestal de Maceda e levamos unha grata sorpresa co que nela nos atopamos.