|
PROCEDEMENTO PARA A ADMISIÓN DE ALUMNOS/AS QUE PROMOCIONAN A SECUNDARIA |
|
|
Escolarización mediante reserva de praza |
|
|
Cando os alumnos e alumnas rematen no colexio e pasen para secundaria, o procedemento para a súa escolarización depende de que o centro de educación infantil e primaria estea adscrito ou non ó instituto ó que vaian ir. O CEIP Fontiñas está adscrito ó I.E.S. Antonio Fraguas Fraguas, na rúa de Londres 10. |
|
|
Preguntando Preguntando na Inspección de Educación (rúa da Rosa 16, 981 59 62 00) ou no colexio, cada centro coñece o instituto ó que está adscrito. Como xa dixemos o CEIP Fontiñas está adscrito ó I.E.S. Antonio Fraguas. |
|
|
Do colexio para o instituto adscrito ¿Onde se reserva a praza? |
|
|
No propio colexio, no CEIP Fontiñas, o que supón que se reserva a praza para o IES Antonio Fraguas. Segundo a Orde do 16 de marzo de 2001 os alumnos/as que ó remataren a educación primaria deban cambiar de centro para continuaren os seus estudios e desexen face-la reserva de praza no centro ó que está adscrito o centro de educación primaria, solicitarán a dita reserva no centro de primaria, quedando automaticamente admitidos sen necesidade de novo proceso de admisión. Impreso anexo I |
|
|
Do 1 ó 10 de marzo os alumnos e alumnas do 2º nivel do 3º ciclo (6º curso) poden solicitar a reserva de praza para o instituto ó que está adscrito o seu colexio. A solicitude de reserva de praza entrégase no colexio de primaria, só si se vai continuar no instituto ó que está adscrito, no noso caso o IES Antonio Fraguas. As reservas axustaranse ó modelo oficial que normalmente xa llo entregan no propio colexio. Impreso anexo I da páxina 4.905 do DOG Nº 72 do 11 de abril de 2001. Antes do 15 de marzo o director do colexio enviará ó instituto a relación nominal do alumnado que fixo a solicitude de reserva. |
|
|
¿E se vou do colexio para outro instituto distinto do adscrito? |
|
|
Entón hai que seguir o proceso de admisión. |
|
|
A non solicitude de reserva de praza no período establecido implica a escolarización mediante o proceso de admisión, aínda que sexa para o instituto adscrito. |
|
|
Non, a continuidade dos estudos obrigatorios que conlevan cambio de centro non require un novo proceso de admisión, é suficiente a reserva solicitada se é para o instituto adscrito. É necesario que actualice na secretaría os datos persoais, enderezo, teléfono, etc. según vaian cambiando. |
|
|
Escolarización mediante proceso de admisión |
|
|
Todo o alumnado que vai por primeira vez ó centro, así como aqueles que non fixeron a reserva de praza. |
|
|
Antes do 16 de marzo o director fará público o número de postos escolares dispoñibles para o curso seguinte. |
|
|
Do mércores 16 de marzo ó luns 18 de abril de 2005, ámbolos dous incuídos. |
|
|
Preguntando no centro máis próximo, cada centro coñece a súa zona de influencia e cales son os outros centros próximos. |
|
|
En calquera centro ou fotocopiando o anexo II da páxina 4.906 do DOG Nº 72 do 11 de abril de 2001. Tamén neste enlace Impreso anexo II. As solicitudes axustaranse ó modelo oficial e presentaranse xunto coa documentación que acredite o cumprimento dos requisitos académicos esixidos e con tódolos xustificantes dos criterios de baremación. |
|
|
No instituto que se solicita en primeiro lugar. Cada solicitante presentará unha única instancia, relacionando nela por orde de preferencia tódolos centros nos que solicita praza. |
|
|
Non, o artigo 10 da lei que regula o proceso de admisión di: No caso de que o alumno presente máis dunha solicitude, non se terá en conta ningunha delas, procedéndose á súa escolarización ó final do proceso. Do mesmo xeito se procederá coas solicitudes entregadas fóra de prazo. |
|
|
1. Solicitude en modelo oficial. 2. Certificación de empadroamento (Pídese no Concello de Santiago) 3. Fotocopia da Declaración da Renda ou Documento que acredite a contía da renda. De ser o caso: 1. Certificado médico de minusvalidez. 2. Fotocopia do Título de Familia Numerosa. |
|
|
Non. A presentación dos xustificantes dos criterios de baremación ten carácter voluntario. A non presentación dalgún deles suporá a renuncia explícita a ser baremado no criterio correspondente. |
|
|
¿Se o meu fillo ou filla ten necesidades especiais que fago? |
|
|
Presentar a solicitude no centro que lle corresponda. IMPORTANTE: Hai que ter en conta que cando alumnos/as con necesidades educativas especiais, en resposta ás súas necesidades, requiran dotación e equipamentos singulares de difícil xeneralización, A Consellería de Educación e Ordenación Universitaria, logo dos informes que estime oportunos, determinará o centro onde se escolarizarán preferentemente. |
|
|
O Consello Escolar adxudica os postos escolares vacantes ós alumnos e alumnas que o solicitaron atendendo ós documentos entregados conforme ós criterios de admisión. |
|
|
A adxudicación das prazas farase pública antes do día 10 de maio e estarán expostas as listas no centro onde se realizou a solicitude, constando a relación de solicitantes coa totalidade de puntuación outorgada por epígrafes, no caso de que haxa máis solicitudes que prazas. |
|
|
¿Como me inflúe non ser baremado nos documentos non presentados? |
|
|
Se hai máis solicitudes que prazas dispoñibles, os/as alumnos/as con máis puntos serán admitidos/as. A puntuación determínase segundo os criterios de admisión. Polo tanto os xustificantes que non se entregan non suman puntos. |
|
|
¿Que pasa se non entro no centro que solicito en primeiro lugar? |
|
|
No caso de que o alumno/a non obtivese praza no centro solicitado en primeiro lugar, o director remitirá a solicitude, xunto coa correspondente documentación, á delegación provincial da Consellería de Educación e Ordenación Universitaria, que procederá a escolariza-lo alumno/a, para o que poderá constituír, nas localidades que crean convenientes, comisións de escolarización. Estas comisións terán como función: distribuír aqueles alumnos/as que non obteñan posto escolar no centro solicitado en primeiro lugar entre os centros que conten con prazas vacantes, tendo en conta as preferencias dos alumnos e os criterios de baremación. |
|
|
¿Ocorre algo se presento a solicitude para un centro que non é da miña zona? |
|
|
Os alumnos que soliciten e obteñan praza nun centro distinto ó que lles corresponda, segundo a distribución de zonas de influencia aprobada pola delegación provincial da Consellería de Educación e Ordenación Universitaria, non terán dereito a ningún dos servicios complementarios establecidos con carácter gratuíto e sufragados pola Consellería de Educación e Ordenación Universitaria. Por exemplo o transporte gratuíto ou o comedor. |
|
|
Si. Poderá presentar reclamación contra as resolucións de admisión, no prazo de tres días contados a partir da data da súa publicación, ante o órgano que as dictou, que deberá resolver no prazo de cinco días. |
|
|
Formalización da matrícula |
|
|
Si hai que formalizar a matrícula. Os alumnos admitidos en cada centro, ben por reserva de praza, ben mediante o proceso de admisión deberán matricularse no instituto onde foron admitidos. |
|
|
A formalización da matrícula farase no instituto, mediante un impreso que facilitan no mesmo, e no que necesariamente conste a sinatura do pai, nai ou titor legal ordinario ou persoa que teña a garda e protección do alumno, que poderá ser deseñado por cada centro ou no seu defecto empregarase o impreso que figura na páxina 4.908 do DOG Nº 72 do 11 de abril de 2001. Impreso anexo IV b) |
|
|
No propio instituto do 25 de xuño ó 10 de xullo, incluídos os alumnos e alumnas que pasan de primaria a secundaria. IMPORTANTE: Transcorrido este prazo entenderase que o alumno/a non matriculado renuncia á praza. |
|
|
O impreso de matrícula e, no caso dos alumnos/as que foron admitidos en institutos distintos ós de adscrición, deberán solicitar do centro de primaria un certificado no que conste a superación desa etapa educativa. |
|
|
¿Se teño unha causa xustificada, podo formalizar a matrícula fóra de prazo? |
|
|
Os alumnos que, por causas debidamente xustificadas (traslado de localidade ou outras), non se matriculasen nos prazos fixados, presentarán a súa solicitude, xunto cos xustificantes correspondentes na delegación provincial da Consellería de Educación e Ordenación Universitaria, que resolverá segundo proceda, tendo en conta o informe da inspección. |
|
|
Orde do 16 de marzo de 2001. DOG Nº 72 do 11 de abril de 2001 |
|