|
Agora o PROGAMA DE GRATUIDADE DE LIBROS DE TEXTO vai ser substituído progresivameante pola convocatoria de bolsas para a adquisición dos libros onde as familias poderán recibir: 180 €, 104 € ou nada. . Ligazón para accecer ao texto da Orde. . Este sistema de bolsas afectará, o presente curso 2009-2010, ás familias que teñan fillos nos cursos 1º,2º, 5º e 6º de Educación Primaria. Os niveis 3º,4º de Ed. Primaria e toda a ESO continuarán este curso co vello sistema empregando os libros de texto que xa entraban na gratuidade en cursos pasados e que están actualmente no centro. Para este alumnado, as familias só terán que mercar os libros que non entran na gratuidade. . O Artigo 8º de Tramitación das solicitudes. Establéce unha fase de preavaliación de solicitudes para o que as familias deberán presentar previamente a solicitude . Esta solicitude pódese cumprimentar de dous xeitos: 1- Introducir os datos na aplicación informática que será habilitada no portal da xunta http://gratuidadesolidaria.xunta.es/ e logo imprimila. 2- En impreso oficial, manuscritas ou mecanografiadas. Neste caso o proceso vaise demorar porque haberá que esperar a que o director teña tempo para cotexar e introducir os datos na aplicación. . A todos nos favorece que se faga o antes posible, polo que se recomenda que se empregue o primeiro xeito, facendoo no propio domicilio ou facendoo no centro a partir do día 1 de setembro, para o que se habilitaran dous ordenadores coa correspondente impresora para poder introducir os datos necesarios e imprimir esa documentación. . No momento en que todas a solicitudes estean validadas a administración emitirá un listado de conformidades así como dos requisitos que faltan ou incompletos, se fora o caso, que será publicada na entrada do centro. DOCUMENTACIÓN QUE HAI QUE HAY QUE PRESENTAR 1- SOLICITUDE (por duplicado) - Segundo o explicado anteriormente 2- Fotocopia do DNI de todos os membros computables da unidade familiar que obteñan ingresos. 3- Orixinal ou copia compulsada do certificado de empadroamento da unidade familiar. 4- Fotocopia do libro de familia no que figuren todos os membros da unidade familiar.
No caso de non ter libro de familia, terá que presentarse documento ou documentos que acrediten os membros da unidadefamiliar. No suposto de non convivencia de ambos os proxenitores,deberase acreditar que o solicitante convive cos fillos. 5-MINUSVALIDEZ familia 1º grao - No caso de discapacidade dalgún dos membros da unidade familiar en primeiro grao, fotocopia compulsada do certificado do grao de minusvalidez cunha porcentaxe igual ou superior ao 33% acreditado polo Equipo de Valoración e Orientación de Minusvalidez (EVO) da Consellería de Traballo e Benestar, ou fotocopia compulsada da resolución do Instituto Nacional da Seguridade Social (INSS) ou de pensionistas de clases pasivas que acredite unha pensión de grande invalidez. 6-Orixinal ou copia compulsada de certificación bancaria da conta onde desexe que se lle faga efectivo, de ser o caso, o importe da bolsa. Na conta deberá figurar como titular o pai, a nai, o titor do alumno ou o propio alumno. |
