|
En primeiro lugar disculpar o tempo que estivo a páxina pechada, foi por mor dun ataque duns hackers á nosa revista dixital. A administración decidíu poñernola en cuarentena. Por este motivo non puidemos manter actualizadas as novidades neste periodo. Respecto da saída "Viaxe en lancha pola ría e visita ao castelo de San Felipe" programada para o día 10 foi aprazada para esta semana dado que o día en cuestión foi chuvioso en extremo. A saída realizaráse maña xoves xa que é a única opción que nos dá o Concello como entidade organizadora. Segundo a regulamentación vixente as actividades realizadas requerirán autorización previa sempre que se desenvolvan fóra da localidade. Ao tratarse dunha saída dentro da localidade, en horario lectivo e contemplada no Plan Xeral Anual, o permiso asinado polos pais para día 10 extrapólase ao día 17.
Recordamos tamén que o venres a partires das 11,30h. todo o alumnado do centro poderá disfrutar dunha Festa fin de curso que lles brinda a ANPA onde haberá xogos, inchables e festa da escuma. Non é nesesario que traian merenda porque na festa está programado un convite para os rapaces e rapazas. O equipo docente de educación infantil ante a previsión de que puideran acontecer incidentes coa escuma decidíu non participar nesa actividade concreta co seu alumnado. Para o alumnado que queira participar na festa de escuma rógase que traian roupa de respeto para mudarse, como cando fan a saída aos Bombeiros.
O martes día 22 realizaráse un festival fin de curso, e entregaranse os boletíns informativos. Non vai haber un horario especial, ata ese día tódolos días son lectivos e están suxeitos a todo tipo de actividades, lectivas, avaliativas e complementarias como calquera día do curso.
O periodo de matrícula comeza o 20 de xuño e remata o día 30 de xuño.
Estase a recoller a documentación de solicitude de axudas para os libros de texto para 1º,2º,5º e 6º de Ed. primaria. Estamos á espera de que publiquen no DOG as axudas para os niveis 3º e 4º de EP.
Os libros de texto serán pulicados antes do fin de semana. Dado que as instruccións de cambios de libros, para axustarse ao lexislado recentemente no decreto do plurilíngüísmo, foron enviadas aos centros sen tempo material para falar con tódalas editoriais, vémonos na obriga de saltar o prazo de publicación que se viña realizando nos últimos anos.
Co boletín informativo de avaliación, achegarase unha circular na que se informará de múltiples temas á comunidade escolar. Dende aquí pedimos a maior atención aos temas tratados, dado que temos constatado que, ano tras ano e maioritariamente, obviase dita información. |
