|
|
|
SOCIEDAD SADA Y SUS CONTORNOS |
|
|
No ano 1913 os emigrantes da vila de Sada fundaban en Nova York a Sociedad Sada y sus contornos coa finalidade de construír escolas neutras na súa vila natal. Nos anos 20 empezan a construción das escolas de Sada que inician a súa actividade no curso 1927 – 1928. Os primeiros exames teñen lugar o 8 de xullo de 1928 coa asistencia do presidente honorario da Sociedade D. Manuel Lugrís Freire, quen con tal motivo dedica o seu poemario As Mariñas de Sada á Sociedad Sada y sus contornos. Neste curso 2007 – 2008 a comunidade educativa deste centro quere conmemorar este oitenta aniversario organizando diversos actos que terán lugar a finais do presente ano académico.
|
|
|
|
||
|
Actividades |
||
|
Acto de clausura do curso escolar.
A Consellería de Educación vai celebrar o acto de clausura do curso
2007-2008 no noso centro. O acto terá lugar o venres 20 de
xuño, día no que a Conselleira de Educación, Da. Laura Sánchez
Piñón, visitará o centro e despois realizarase o acto de clausura na
Casa da Cultura de Sada.
|
||
|
Placa conmemorativa. No mes de
abril o Pleno da Corporación Municipal do Concello de Sada aprobou
por unanimidade unha declaración institucional recoñecendo a labor
solidaria e educativa da Sociedad Sada y sus contornos.
Coincidindo co fin do curso o Concello colocará unha placa
conmemorativa na fachada do edificio escolar.
|
||
|
Exposición 80 aniversario. Do 16 ao
20 de xuño estará aberta ao público de 13 a 14 horas unha exposición
sobre o 80 aniversario da escola. Na exposición poderanse ver 15
paneis con fotos e documentos sobre estes 80 anos . Tamén estará
exposta a Aula histórica do Museo Pedagóxico de Galicia, ambientada
nos anos 50 do pasado século, e unha mostra de materiais do MUPEGA.
Para máis información sobre o MUPEGA:
http://www.edu.xunta.es/mupega/pub/principal/amosaPaxina.do?idioma=GA&id=1
|
||
|
Estatutos da Sociedad Sada y sus contornos.
Reedición dos estatutos da Sociedad Sada y sus contornos de
Nova York que foron aprobados en 1914 e revisados en 1918.
e quere visualizar ou descargar a
publicación en formato dixital pique sobre este enlace
Estatutos da Sociedad
Sada y sus contornos.
|
||
|
6 de xuño de 2008. Ás 18 horas
presentación da publicación "Sada y sus contornos. 80 aniversario
da escola. 1928-2008" na Casa da Cultura. A presentación estará
a cargo do Vicente Peña Saavedra - Catedrático do Departamento de
teoría da Educación, Historia da Educación e Pedagoxía Social da
Facultade de Ciencias da Educación da Universidade de Santiago. Presentación da publicación: Invitación ao acto.
|
||
|
21 de febreiro de 2008. O IES Isaac Díaz Pardo de Sada colaborará co colexio de Sada y sus contornos con motivo do 80 aniversario, a través do seu ciclo formativo de cerámica, elaborando unha medalla conmemorativa.
|
||
|
15 de febreiro de 2008. Cóntanolo. Xuntanza de ex-alumnos, profesores e persoas relacionadas coa Sociedad Sada y sus contornos e coas escolas, co obxecto de xuntar documentación e lembranzas da historia do centro. Coa documentación e testemuñas recollidas trataremos de facer unha publicación, unha exposición e un pequeno documental.
|
||
|
1 de febreiro de 2008. Radio Sada inicia a emisión dun programa quincenal que terá lugar os venres ás 12,30 da mañá e estará dedicado a Sada y sus contornos .
|
||
|
Xaneiro 2008.
O Museo Pedagóxico de Galicia
instalará a Aula histórica itinerante
no colexio de Sada y sus contornos desde o 16 ao 23 de xuño de
2008.
|
||
|
Decembro 2007. A petición do Consello Escolar do centro a Consellería de Educación e Ordenación Universitaria comunica que realizará a clausura do curso 2007 - 2008 no colexio de Sada y sus contornos.
|
