ADMISIÓN DE ALUMNOS

Lexislación:
Decreto 87/1995, do 16 de marzo (DOG do 28/03/1995)
Orde do 16/34/2001 (DOG do 11/04/2001)

DEREITOS:
- Tódolos-as alumnos-as no período de ensino obrigatorio teñen dereito a un posto escolar e en ningún caso poderá existir discriminación por razóns ideolóxicas, relixiosas, morais, de raza ou de nacemento.
- Os pais, nais ou titores-as e mailos alumnos-as maiores de idade teñen dereito a elexir centro docente sostido con fondos públicos.

REQUISITOS:
- Para a admisión de alumnos nun centro docente será condición imprescindible reuni-los requisitos de idade e académicos esixidos pola lexislación vixente.

SOLICITUDES:
- Formularanse segundo modelo oficial, publicado no DOG do 16 de marzo de 2001, nos prazos establecidos, e utilizando o procedemento que aprobe a Consellería. Xunto coa solicitude presentarase a documentación que acredite os requisitos académicos esixidos ó/á alumno/a, domicilio, as rendas anuais da unidade familiar e o número de irmáns matriculados no centro e outras circunstancias alegadas.
- Cada solicitante presentará unha única instancia no centro que solicita en primeiro lugar, relacionando por orde de preferencia tódolos centros nos que solicita praza.
- Só deberán solicita-la admisión de alumnos/as que accedan por primeira vez ós centros sostidos con fondos públicos para cursa-las ensinanzas correspondentes á educación infantil ou aqueles alumnos/as que desexen cambiar de centro.
- Non solicitarán a admisión os/as alumnos/as que cambian de curso, ciclo ou etapa no mesmo centro, nin os alumnos/as de educación primaria para acceder ós institutos de secundaria ós que están adscritos. Estes/as alumnos/as unicamente deberán formaliza-la reserva de praza no seu centro nos prazos establecidos no calendario.

CRITERIOS DE ASIGNACIÓN DE PRAZAS:
Os centros cando non teñan prazas suficientes para atender tódalas solicitudes de ingreso rexeranse polos seguintes criterios:
   1. Criterio prioritario:
Os solicitantes que padezan minusvalidez física, psíquica ou sensorial terán prioridade.
Xustificante: informe do equipo psicopedagóxico.
   2. Proximidade de domicilio:
a) Alumnos/as con domicilio na zona de influencia do centro solicitado: 5 puntos.
b) Alumnos/as con domicilio en zonas limítrofes á do centro solicitado: 2 puntos.
c) Alumnos/as con domicilio no mesmo concello có centro solicitado: 1 punto.
d) Alumnos/as que non estean en ningunha das circunstancias anteriores:0 punto.
Xustificante: certificado de empadroamento.
   3. Renda anual da unidade familiar:
a) Rendas iguais ou inferiores ó dobre do salario mínimo interprofesional: 2 puntos.
b) Rendas superiores ó dobre do salario mínimo interprofesional que non sobrepasen o cuádruplo do salario mínimo interprofesional: 1 punto.
c) Rendas superiores ó cuádruplo do salario mínimo interprofesional: 0 punto.
Xustificante: fotocopia compulsada da declaraciónda renda.

   4. Existencia de irmáns matriculados no centro:
a) Primeiro irmán no centro: 3 puntos.
b) Por cada un dos irmáns seguintes: 1 punto.
Xustificante: comprobación por parte do centro.

   5. Outros criterios:
a) Pola condición de familia numerosa: 1 punto.
Xustificante: fotocopia compulsada do título de familia numerosa.
b) Pola condición de minusválido: 1 punto.
Xustificante: certificado médico.

   6. Criterios para resolve-los casos de empate na puntuación outorgada ós solicitantes:
a) Maior puntuación obtida no apartado de proximidade domiciliaria
b) Maior puntuación obtida no apartado de irmáns matriculados no centro.
c) A condición de minusvalía.
d) A condición de familia numerosa.
e) Maior puntuación obtida no apartado de renda anual da unidade familiar.
f) O sorteo público ante o consello escolar do centro.

ÓRGANO COMPETENTE:
Na admisión de alumnos/as nos centros públicos é o consello escolar.

COMISIÓN DE ESCOLARIZACIÓN:
Nas localidades que pola súa complexidade o requiran, os delegados provinciais poderán constituír comisións de escolarización, que estarán integradas pola inspección, directores, representantes de pais de alumnos e un representante do concello.
Rematado o prazo de resolución polos consellos escolares, os directores dos centros públicos comunicaranlle á Delegación Provincial as solicitudes non admitidas, así como o número de postos vacantes por curso e nivel.

CALENDARIO:
Educación Infantil, Primaria e ESO.
- Do 1 ó 10 de marzo, reserva de praza dos alumnos/as do centro.
- Antes do 16 de marzo publicación do nº de postos escolares dispoñibles para o curso seguinte.
- Do 16 de marzo ó 16 de abril presentación de solicitudes de admisión. (Cando este último coincida con día non lectivo prorrogarase ata o primeiro día hábil).
- Antes do 10 de maio farase pública no taboeiro de anuncios do centro a resolución pola que se adxudican as prazas e a relación de solicitantes, enviando unha copia a Delegación Provincial xunto co nº de prazas non cubertas, por cursos e niveis.
- Antes do 10 de xuño faranse públicas as resolucións das comisións de escolarización.
- Do 20 ó 30 de xuño formalización da matrícula para Educación Infantil e Primaria.
-  Do 25 de xuño ó 10 de xullo para os alumnos de Educación Secundaria Obrigatoria.

RECLAMACIÓNS:
Contra as resolucións dos consellos escolares, das comisións de escolarización e da inspección educativa poderá presentarse reclamación no prazo de 3 días contados a partir da súa publicación, ante o órgano que a dictou, que deberá resolver no prazo de 5 días e contra esta resolución poderá interponerse recurso no prazo de 5 días perante a Delegación Provincial, que resolverá no prazo de 5 días.

ZONAS DE INFLUENCIA:
A información das zonas de influencia terana na inspección educativa da Delegación Provincial e nos propios centros.
Os/as alumnos/as que soliciten e obtenían praza nun centro distinto ó que lle corresponda segundo a distribución de zonas de influencia aprobados pola Delegación Provincial non terán derito a ningún servicio complementario gratuito. Para determina-la área de influencia de cada centro terase en conta a súa capacidade e a poboación que vai escolarizar. As comisións terán como función distribuír aqueles alumnos/as que non obteñan posto escolar no centro solicitado en primeiro lugar entre os centros que conten con prazas vacantes tendo en conta as preferencias dos alumnos/as e os criterios do baremo.

Texto completo:  se pinchas aquí, poderás acceder ó texto íntegro da Orde do 16 de marzo de 2001. Tamén poderás imprimi-los modelos de instancias: reserva de praza (Anexo I), solicitud de admisión (Anexo II), solicitud de matrícula (Anexo IVa)