O C.E.I.P. "O CASTIÑEIRO" atópase no concello de Laza, que pertence á comarca de Monterrey.  Este concello está situado no sureste da provincia de Ourense. Limita ó Norte cos concellos de Montederramo e Chandrexa de Queixa, ó Sur cos concellos de Castrelo do Val e Monterrei, ó Leste con Vilariño de Conso e Castrelo do Val e ó Oeste con Vilar de Barrio, Sarreaus e Cualedro.   Ten unha superficie de 215,90 km², sendo un dos concellos máis extensos de Galicia. A súa latitude é de 42º 03’ 5’’ N e a lonxitude de 7º 27’ 30’’ O. A altitude é de 482 m sobre o nivel do mar. A súa población é de 1.904 habitantes distribuída nas parroquias de Laza, O Castro, Alberguería, Carraxo, Matamá, Camba, Cerdedelo, Retorta, Trez e Toro. O resto das aldeas pertencentes ó concello de Laza son: Arcucelos, As Eiras, Naveaus, O Navallo, O Pereiro, O Santo, Souteliño, Soutelo, Tamicelas e Vilameá.

O concello de Laza atópase rodeado na parte Norte e Nordeste por unha área montañosa que comprende as serras de: San Mamede, Fial das Corzas e Invernadoiro, sendo este último un espacio natural protexido. Ó Sur temos tamén importantes cordais montañosos nos que destaca o “Llano das minas“. Polo Oeste rodéannos o Monte Meda, Altos de Baldriz, e Alto de Penalba .Deste xeito o centro do concello queda nunha depresión formada polo río Támega. Este sector central, aparece recuberto por aluvións de orixe terciaria e cuaternaria que na súa área sur pertencen xa ó val de Monterrei.

    Se queres ver onde estamos no mundo con outro visor (Local Google) podes pinchar na seguinte imaxe e de paso podes tratar de atopar a túa casa, colexio, outro pais,.... Usando o zoom (+) pódeste acercar ata ver estas imaxes e as frechas serven para ir á dereita, esquerda, arriba ou abaixo.

 

 

                                                          

    Si queres ver onde estamos en España ou atopar a túa casa, finca, concello, paroquia ou outro lugar podes pinchar no mapa para velo. Para elo tes que ir picando sucesivamente no zoom (+)  e se irá acercando ata onde un desexe e incluso podes medir a túa casa,finca, concello, parroquia..., xa que este (Sig Pac) é un bo visor de identificación de fincas agrícolas.

 

Google Earth
É necesario ter instalado o software "Google Earth", pode descargalo gratuitamente aquí.