A parte interna do nariz
está formada por dúas paredes: a pituitaria amarela e a pituitaria
vermella ou rosada.
- Na amarela ou olfactoria atópanse os receptores do olfacto que envían
toda a información ó bulbo olfactorio, que é onde se
recolle o estímulo, transformándoo nun impulso nervioso.
- A pituitaria vermella ou respiratoria, chea de vasos sanguíneos,
axuda a regular a temperatura do aire que entra e sae dos pulmóns,
poñéndoo morno.
É importante saber que para que un corpo ula é preciso que sexa
volátil ; é dicir, que emita pequenas partículas químicas
que se disolvan na mucosidade da pituitaria. A intensidade dos ulidos depende
da maior ou menor cantidade de partículas volátiles emitidas.
Os corpos provistos de ulido chámanse odoríferos, e os que non,
inodoros.
Cando as sustancias olorosas- moléculas de ulido – entran no
nariz disólvense na mucosidade nasal, activando as terminacións
nerviosas dos cilios das células receptoras, que xeran un impulso.
As células receptoras
do olfacto están ubicadas no alto da cavidade nasal, nunha zona especializada
da membrana mucosa chamada epitelio olfactivo. As fibras destas células
esténdense ata o bulbo olfactorio , conectado coas zonas olfactivas
do cerebro.
