Corno da pedra: é un corno de vaca. Usábanno os segadores que o levaban pendurado da cintura e cheo de auga, coa pedra de afiar. Para que a auga non se derramase ía tapado con fentos.

Fouce: ferramenta formada por un mango de madeira unido a unha folla curva de ferro. Emprégase para ceifar ou rozar. Como na maioría dos utensilios a forma e o tamaño varían en cada comarca.

Peneira: instrumento circular de madeira. O seu fondo consiste nunha trama de metal ou seda, pola que pasan os cereais para separa-la parte aproveitable da que non o é.