Inicio › Información

PLAN DE CONVIVENCIA- RRI.

INTRODUCCIÓN

A elaboración deste Regulamento de Réxime Interior correspondeu ó equipo directivo do Centro, coas aportacións do Claustro de Profesorado e en colaboración co Consello Escolar que o ratificou en sesión celebrada o día 27 de setembro de 2004 nos locais da E.E.I. Calvo Sotelo.

O obxectivo último que persegue este regulamento é o de acadar, coa colaboración de tódolos sectores da comunidade educativa, un marco de convivencia e autorresponsabilidade que faga practicamente innecesaria a adopción de medidas disciplinarias. En todo caso, cando estas resulten inevitables, as correccións terán carácter educativo, e deberán contribuír ao proceso xeral de formación e recuperación do alumno.

As normas de convivencia do Centro, regulando os dereitos e deberes dos alumnos e demáis membros da Comunidade Educativa, deben propiciar o clima de responsabilidade, traballo e esforzo que permita que todos eles obteñan os mellores resultados do proceso educativo. E, ao mesmo tempo, a adquisición de hábitos e actitudes recollidos na LOXSE, os valores que propugna a LOCE e demais lexislación fundamental.

Dende esta concepción, é necesario que tódolos membros da Comunidade Educativa perciban que as normas de convivencia non son alleas ó Centro, senón que foron elaboradas e adoptadas polo conxunto daquela e en beneficio da mesma.

Trátase, en definitiva, (tendo en conta a idade do noso alumnado), de obter a formación no respecto aos dereitos e deberes baseados na convivencia e nas libertades democráticas, e de prepararse para participar activa e criticamente na vida social e cultural.

Por último, convén esclarecer que, para unha maior axilidade na redación, cando o término que mencione ás persoas non estea en xenérico, senón en masculino, fará referencia por igual a mulleres e homes, nenos e nenas, etc.

CAPÍTULO I

.- PRINCIPIOS XERAIS.

Artigo 1º: A Comunidade Escolar deste Centro enténdese formada por: profesorado, alumnado, pais e nais e persoal de administración e servicios, se o houbese.

Artigo 2º: O presente Regulamento é de obrigado cumprimento para tódolos membros da Comunidade Escolar. O descoñecemento do mesmo non exime do seu cumprimento.

Artigo 3º: Correspóndelle á equipa directiva, coa colaboración do resto do profesorado, a responsabilidade de velar pola difusión e cumprimento deste Regulamento.

Artigo 4º: Está expresamente prohibida calquera corrección que atente contra a integridade física ou a dignidade do alumnado.

Artigo 5º: A aplicación deste Regulamento abarca tódalas actividades relacionadas co centro.

Artigo 6º: A interpretación deste Regulamento é competencia do Consello Escolar.

Artigo 7º: As correccións ás conductas gravemente perxudiciais para a convivencia do Centro non poderán impoñerse sen a autorización do Consello Escolar, ben de forma directa ou por delegación na Comisión de Convivencia.

CAPÍTULO II

.-ÓRGANOS DE GOBERNO

Artigo 8º: A estructura orgánica das E.E.I. vén regulada polo Decreto 374/1996 do 17 de outubro (D.O.G. do 21 de outubro de 1996) e pola Orde do 22 de xullo de 1997 (D.O.G. do 2 de setembro de 1997).

Segundo a lexislación vixente corresponden á E.E.I. Calvo Sotelo os órganos de goberno seguintes:

. Unipersoais: Director, Xefe de Estudios, Secretario.

. Colexiados: Consello Escolar e Claustro de Profesores.

  1. Órganos Unipersoais de Goberno.

Artigo 9º: No referente a eleccións, nomeamento e competencias dos órganos unipersoais de Goberno seguirase o establecido no capítulo II do Decreto 374/1996, en tanto non estea en contradición coa LOCE.

  1. Órganos Colexiados de Goberno.

Artigo 10º: A organización, composición e atribucións dos órganos colexiados de goberno (Claustro e Consello Escolar) vén regulado no capítuloIII do Decreto 374/1996 e o procedemento de elección, constitución, renovación, substitución e funcionamento dos órganos colexiados de goberno está regulada no capítulo IV do mesmo, así como no Decreto 82/1998 de 28 de abril.

b.1. O Consello Escolar.

Artigo 11º: O Consello Escolar da E.E.I. é o órgano a través do que participan na súa xestión os distintos membros da comunidade escolar.

A súa composición é a seguinte:

. O director ou directora, que será o seu presidente.

. O Xefe/a de estudios.

. Un representante do concello de Marín.

. Un representante do persoal de administración e servicios.

. Cinco mestres/as elexidos polo Claustro.

. Cinco representatnes dos pais e nais de alumnos. Un deles será designado, no seu caso, pola ANPA máis representativa legalmente constituída.

. O secretario/a, que actuará como secretario do Consello Escolar, con voz pero sen voto.

Funcionarán dentro do Consello Escolar dúas comisións, sen prexuízo de que se poidan constituir outras comisións para asuntos específicos.

b.1.1. A Comisión de Convivencia.

Segundo as características do centro e a idade do alumnado, non é previsible que xurdan conflictos que non poidan ser solucionados con medidas preventivas e educativas. Pola contra, en previsión doutras circunstancias, constitúese unha Comisión de Convivencia que queda establecida da maneira seguinte:

Artigo 12º:

  1. A Comisión de Convivencia estará formada polo director/a, o xefe/a de estudios, dous/as profesores/as e dous/as pais/nais, elexidos entre os representantes do Consello Escolar polo sector correspondente, por sufraxio directo entre eles, e presidio polo director/a.

  2. Os membros da Comisión de Convivencia cesarán no seu cargo:

. A petición propia, cando existan causas que avaliará o director/a.

. Cando deixen de ser membros do Consello Escolar.

. Cando fosen revocados, previo informe razoado e dirixido ao/á director/a do centro, pola maioría absoluta do sector polo que foron elexidos.

En tódolos casos, procederase á eleción doutro representante segundo os termos expostos no artigo anterior.

Artigo 13º: A Comisión de Convivencia reunirase a petición do director/a ou de 1/3 dos seus membros. Considerarase constituída se están presentes a metade máis un dos seus membros, sempre e cando estes fosen convocados con 24 horas de antelación.

Artigo 14º: Corresponde á Comisión de Convivencia:

  1. Resolver e mediar nos conflictos aparecidos na vida do centro.

  2. Canalizar as iniciativas de tódolos sectores da comunidade educativa para mellorar a convivencia, respecto mutuo e a tolerancia no centro.

  3. Garantir os dereitos do alumnado e impedir a comisión de feitos contrarios ás normas de convivencia do centro.

  4. Impoñer, por delegación do Consello Escolar, algunhas correcións correspondentes a conductas contrarias ás normas de convivencia ou a conductas gravemente perxudiciais para a convivencia do centro, agás as sancións que supoñan suspensión de asistencia ao centro por un periodo superior aos tres días, que corresponderá directamente ao Consello Escolar.

b.1.2. A Comisión Económica

Artigo 15º: No seo do Consello Escolar da E.E.I. existirá unha Comisión Económica integrada por:

. Director/a.

. Secretario/a.

. Un profesor/a.

. Un pai/nai.

Estes dous últimos serán elixidos por cada un dos sectores correspondentes por sufraxio directo entre eles. Esta Comisión será presidida polo Director.

Artigo 16º:

A) Os membros da Comisión Económica cesarán no seu cargo:

. A petición propia, cando existan causas que avaliará o director/a.

. Cando deixen de ser membros do Consello Escolar.

. Cando fosen revocados, previo informe razoado e dirixido ao/á director/a do centro, pola maioría absoluta do sector polo que foron elexidos.

En tódolos casos, procederase á elección doutro representante segundo os termos expostos no artigo anterior.

  1. A Comisión Económica reunirase a petición do director/a, do secretario/a ou da metade dos seus membros. Considerarase constituída se están presentes dous dos seus membros, sempre e cando estes fosen convocados con 24 horas de antelación.

Corresponde á Comisión Económica:

. Supervisar o presuposto do centro.

. Velar polo correcto desenvolvemento dos gastos.

. Colaborar co secretario/a na elaboración dos orzamentos e na xustificación dos gastos.

b.2. O Claustro de Profesores

Artigo 17º:

1. O Claustro de Profesores é o órgano propio de participación destes no goberno do centro e ten a responsabilidade de planificar, coordinar, decidir e, se é o caso, informar sobre tódolos aspectos docentes del.

2. O Claustro estará integrado pola totalidade dos profesores que presten servicio nel e será presidido polo director/a do centro.

As súas competencias son as que aparecen recollidas no artigo 34 da LOCE e no artigo 47 do Decreto 374/1966.

As faltas de asistencia ao Claustro computarán, a tódolos efectos, pola duración do mesmo.

b.3 Réxime de funcionamento dos órganos colexiados.

Artigo 18:

  1. O quorum para a válida constitución dos órganos colexiados, a efectos de celebración de sesións, deliberacións e toma de acordos, requerirá a presencia do presidente e secretario ou persoas nas que deleguen e da metade, polo menos, dos seus membros.

  2. Se non existira quorum, o órgano constituirase en segunda convocatoria no seguinte día lectivo, no mesmo lugar e na mesma hora; neste caso, será suficiente a asistencia da terceira parte dos seus membros.

  3. A efectos de cómputo de votos para a toma de decisións só se contabilizarán os membros con dereito a voto.

  4. Os acordos no Consello Escolar adoptaranse, cando exista quorum, por maioría simple (maior número de votos positivos que negativos), excepto nos seguintes casos, que requerirán maioría absoluta:

. Aprobación e execución do orzamento.

. Aprobación do P.E.C.

. Aprobación do Regulamento de Réxime Interior, así como das súas modificacións.

  1. O Director enviará aoss membros dos órganos colexiados a convocatoria coa orde do día da reunión cunha antelación mínima de 48 horas.

  2. A orde do día debería ser clara e ir acompañada de información sobre os temas a tratar.

  3. Debería figurar na orde do día a duración estimada da reunión.

  4. Os órganos colexiados deben reunirse, como mínimo, unha vez por trimestre e sempre que os convoque o director ou presidente ou o soliciten polo menos 1/3 dos seus membros. Será preceptiva unha reunión a principio e outra a final do curso.

  5. Poderase incorporar un novo punto á orde do día, de carácter urxente, se así o solicitan antes do comezo da sesión 1/3 dos seus membros. O/a director/a decidirá sobre a urxencia do solicitado.

  6. O profesorado pertencente aos órganos colexiados de goberno está obrigado a asistir ás reunións dos mesmos.

  7. As votacións que se produzan nos órganos colexiados serán secretas para a elección de persoas e se o solicitan a metade máis un dos seus membros.

Artigo 19:

A participación na xestión do centro dos pais ou titores legais do alumnado, persoal de administración e servicios e Concello realizarase a través do Consello Escolar, sen prexuízo das funcións propias do Claustro de Profesores.

b.4. Outras Comisións.

Artigo 20:

  1. Ademais das dúas comisións mencionadas anteriormente poderán crearse outras para abordar temas específicos e nas que estarán presentes, cando menos, a equipa directiva, un profesor/a e un pai/nai. En calquera caso, as comisións informarán ao Consello Escolar sobre os temas que se lles encomende e colaborarán con el en cuestións da súa competencia.

  2. A creación de comisións debe entenderse como medio para chegar ao equilibrio e ao acerto na toma de decisións, así como para axilizar os trámites e conseguir unha maior operatividade e rapidez. Na súa constitución deben estar representados tódolos sectores educativos implicados, agás o alumnado, con número e condicións que se detallarán para cada caso. Así mesmo, a autoridade destas comisións procederá por delegación expresa do órgano ao que representen, quen ademais fixará a formación, funcións, obxectivos e posibles limitacións do mesmo.

CAPÍTULO III

.- ÓRGANOS DE COORDINACIÓN DOCENTE

Artigo 21:

Os órganos de coordinación docente desta E.E.I. son:

  1. Equipos de ciclo.

A súa constitución, funcións e funcionamento veñen reguladas no capítulo I do Decreto 374/1996.

Polas características deste centro escolar, que conta só cun ciclo, funcionarán os equipos de nivel, para a coordinación horizontal dos mesmos, cun coordinador de nivel elexido entre o profesorado do mesmo. Se non houbese acordo na elección, o/a director/a designará un, tendo en conta os criterios de antigüidade e idoneidade, por un periodo de dous anos. Tanto no caso do coordinador de ciclo como de nivel, poderáse aceptar a renuncia do mesmo a permanecer máis dun periodo no cargo.

Estas reunións por niveis só buscan unha maior operatividade, sen prexuízo do regulamentado para os equipos de ciclo. Por iso, e posto que non se contará con liberación horaria, prescindirase de actas formais, podéndose celebrar xuntanzas a petición do coordinador do nivel antes das reunións de ciclo para facelas máis áxiles.

  1. A Comisión de Coordinación Pedagóxica.

A súa constitución, funcións e funcionamento veñen reguladas no capítulo II do Decreto 374/1996.

  1. O Equipo de Normalización Lingüística.

A súa constitución, funcións e funcionamento veñen reguladas no capítulo III do Decreto 374/1996.

Pola especificidade do centro, que somentes conta cun ciclo e coa finalidade de obter unha maior eficacia, os coordinadores de nivel formarán parte do mesmo.

  1. O Equipo de actividades complementarias e extraescolares.

A súa constitución, funcións e funcionamento veñen reguladas no capítulo IV do Decreto 374/1996.

  1. Departamento de Orientación.

Este centro escolar non conta propiamente cun Departamento de Orientación no centro por ser de Educación Infantil e polo número de unidades do mesmo. Depende dun Xefe de Departamento alleo ao centro e, até que non cambie a situación legal, o profesor de A.L. será o responsable da Orientación do centro dependendo do Xefe de Departamento.

As funcións dos Departamentos de Orientación, no seu caso, están recollidas no Decreto 120/1998 do 23 de abril (DOG do 27 de abril) e pola Orde de 24 de xullo de 1998 (DOG do 31 de xullo). Estarase, tamén, ás circulares que as complementen.

CAPÍTULO IV

.- DEREITOS E DEBERES DO ALUMNADO

Artigo 22: Tódolos alumnos teñen os mesmos dereitos e deberes, sen máis distincións que as derivadas da súa idade e do nivel que están cursando.

Dereitos:

Artigo 23: Teñen dereito a que a súa dedicación e esforzo sexan valorados e recoñecidos con obxectividade, e a recibir orientación educativa e profesional.

Artigo 24: Teñen dereito a recibir unha formación integral que contribúa ao pleno desenvolvemento da súa personalidade.

Artigo 25: Teñen dereito a que se respecte a súa liberdade de conciencia, as súas conviccións relixiosas e morais, de acordo coa Constitución. En consecuencia, o alumnado tén dereito a non ser discriminado por razón de nacemento, raza, sexo, capacidade económica, nivel social, conviccións políticas, morais ou relixiosas, así como por discapacidades físicas, sensoriais ou psíquicas, ou calquera outra condición ou circunstancia persoal ou social.

Artigo 26: Teñen dereito a que se respecten a súa integridade e dignidade persoais.

Artigo 27: Teñen dereito á protección contra toda agresión física e moral, non podendo ser obxecto de tratos inxuriosos ou degradantes.

Artigo 28: Teñen dereito a participar no funcionamento e na vida do centro, de conformidade co disposto nas normas vixentes.

Artigo 29: Teñen dereito a recibir as axudas e os apoios precisos para compensar as carencias e desventaxas de tipo persoal, familiar, económico, social e cultural, especialmente no caso de presentar necesidades educativas especiais, que impidan ou dificulten o acceso e a permanencia no sistema educativo.

Artigo 30: Teñen dereito á protección social, no ámbeto educativo, nos casos de infortunio familiar ou accidente.

Artigo 31: Teñen dereito ao libre uso das linguas galega e castelá, así como recibir a ensinanza nas devanditas linguas, segundo a lexislación vixente.

Artigo 32: Tódolos alumnos teñen dereito a utiliza-lo material e as instalacións do Centro, segundo as dispoñibilidades e a organización do mesmo.

Artigo 33: Co fin de garantir o dereito á avaliación con criterios obxectivos, os centros deberán facer públicos os criterios xerais que se van aplicar para a avaliación das aprendizaxes e a promoción dos alumnos.

Artigo 34: Os alumnos ou os seus pais ou titores poderán reclamar contra as decisións e calificacións que, como resultado do proceso de avaliación, se adopten ao rematar un ciclo ou curso.

Artigo 35: Teñen dereito a dispoñer do tempo libre legalmente regulamentado dentro da xornada escolar, agás cando cometa falta grave.

Artigo 36: Teñen dereito a que non se divulgue información do centro sobre as súas circunstancias persoais.

Artigo 37: Teñen dereito a que a súa actividade académica se desenvolva nas debidas condicións de seguridade e hixiene.

Artigo 38: O alumnado ten dereito a ser educado fomentando a súa capacidade e actitud crítica, a súa capacidade de comprensión e elección en liberdade, a súa tolerancia e a súa convivencia democrática.

Deberes:

Artigo 39: O deber máis importante dos alumnos é o de aproveitar positivamente o posto escolar que a sociedade pon á súa disposición. Por iso, o interese por aprender e a asistencia á clase, é dicir, o deber do estudio, é a consecuencia do dereito fundamental á educación.

O estudio constitúe un deber básico do alumno que se concreta en:

. Asistir a clase con puntualidade, debidamente limpo e aseado, e participar nas actividades programadas, cumprindo e respectando os horarios das actividades do centro.

. Seguir as orientacións do profesorado respecto á súa educación e aprendizaxe

. Respectar o profesorado e o exercicio do dereito ao estudio e á educación dos demais.

. Participar e colaborar na mellora da convivencia escolar e na consecución dun axeitado clima de estudio no centro.

Artigo 40: O alumnado debe respectar a liberdade de conciencia e as conviccións relixiosas e morais dos demais, respectar a dignidade, integridade e intimidade de tódolos membros da comunidade educativa. É un deber do alumnado a non discriminación de ningún membro da comunidade educativa por razón de nacemento, raza, sexo ou calquera outra circunstancia persoal ou social.

Artigo 41: O alumnado ten o deber de respectar as normas de organización, convivencia e disciplina do centro educativo e a conservar e facer un bo uso das instalacións do centro e materiais didácticos. Igualmente, deberá cumprir as normas de seguridade e hixiene.

Artigo 42: O alumnado debe permanecer dentro do recinto escolar durante o horario lectivo, así como abandonar o mesmo unha vez rematadas as clases.

CAPÍTULO V

.- DEREITOS E DEBERES DOS PAIS E NAIS

Dereitos:

Artigo 43: Dereito a que os seus fillos/as reciban unha educación coas máximas garantías de calidade, en consoancia cos fins establecidos na Constitución, no Estatuto de Autonomía de Galicia e nas leis educativas.

Artigo 44: Dereito a estar informados sobre o progreso da aprendizaxe e integración socio-educativa dos seus fillos/as, e sobre a avaliación, asistencia, comportamento e participación dos mesmos/as, nas horas establecidas para isto.

Artigo 45: Dereito a participar no control e na xestión do centro educativo nos termos establecidos polas leis.

Artigo 46: Dereito a ser escoitados nas decisións que afecten á orientación académica e profesional dos seus fillos/as.

Artigo 47: Dereito a formar parte das asociacións que os representen, participando nelas na vida do centro e a reunirse (ANPA) nun local facilitado pola Dirección. Isto requerirá a previa comuniación á Dirección, sempre que as xuntanzas non perturben o normal desenvolvemento das actividades educativas e sexan para tratar asuntos relacionados co labor educativo. O/a Presidente/a responsabilizarase da custodia das chaves e da limpeza do local e dos danos que causen ao mesmo ou ao material.

Artigo 48: Dereito a colaborar nas actividades extraescolares e complementarias conforme o disposto polas leis vixentes.

Artigo 49: Dereito a coñecer o Proxecto Educativo do Centro, especialmente as notas de identidade e obxectivos, e as normas de convivencia e funcionamento.

Artigo 50: Dereito a reclamar sobre os resultados da avaliación ao finalizar o curso escolar ou ciclo educativo, segundo o prazo disposto pola lei.

Artigo 51: Dereito a elexir ou ser elexido representante dos órganos de goberno do Centro e a participar activamente nos mesmos e dereito a recibir dos seus representantes no Consello Escolar información sobre o funcionamento do centro.

Artigo 52: Dereito a formular suxerencias, queixas ou peticións que consideren oportunas á equipá directivá e ao profesorado do centro nas horas de visita establecidas para tal fin.

Deberes:

Artigo 53: Deber de estimular aos/ás fillos/as para que realicen as tarefas de estudio que se lles encomenden.

Artigo 54: Deber de coñecer e apoiar a evolución do seu proceso educativo, en colaboración co profesorado e co centro, informándose periodicamente do aproveitamento escolar e do comportamento dos seus fillos/as.

Artigo 55: Deber de respectar e facer respectar as normas establecidas polo centro, fomentando o respecto por tódolos compoñentes da comunidade educativa.

Artigo 56: Deber de procurar a asistencia e puntualidade dos fillos/as ao Centro, gardando os hábitos de seguridade e hixiene, e proporcionarlles o material necesario.

Artigo 57: Deber de colaborar co profesorado no que atinxe á educación dos/as fillos/as, comparecendo nas reunións e entrevistas convocadas por aqueles.

Artigo 58: Deber de promover e organizar actividades complementarias, conforme o disposto pola legalidade vixente, en colaboración cos outros sectores da comunidade escolar.

Artigo 59: Deber de atender as comunicacións enviadas polo profesorado e pola Dirección, asinar os boletíns de avaliación continua dos seus fillos, xustificar as faltas de asistencia dos mesmos e correxir as conductas contrarias ás normas de convivencia. Igualmente deberán avisar dunha ausencia do fillo prevista, explicando o motivo, presentando xustificante médico no caso ausencia por asistencia ó mesmo.

Artigo 60: Deber de informar sobre calquera aspecto relativo ao/á alumno/a que afecte á convivencia do grupo ou no seu propio rendimento, e de circunstancias familiares, de saúde, ... que sexan relevantes.

Artigo 61: Deber de deixar e recoller dentro do recinto escolar aos/ás seus/as fillos/as. Se por algunha causa xustificada tiveran que abandonar o Centro dentro do horario lectivo, deberán cumprimentar por escrito unha xustificación.

CAPÍTULO VI

.- DEREITOS E DEBERES DO PROFESORADO

Dereitos:

Artigo 62: Dereito a participar na vida do centro segundo o establecido na lexislación correspondente e neste Regulamento, e a elexir e ser elexido para os distintos órganos de goberno e xestión do centro.

Artigo 63: Dereito a recibir información sobre todo o que lles afecte (cursiños, presuposto, material...) e ter acceso aos documentos que regulan o funcionamento do centro.

Artigo 64: Dereito a que se respecte a súa dignidade persoal e profesional, a que se respecte a súa ideoloxía sempre que non atente contra a convivencia, a non impartir ensinanza relixiosa en contra das súas crenzas, a non ser discriminado por razón de sexo, relixión, etc., e a que se lle respecte a súa autonomía como docente dentro da normativa legal vixente.

Artigo 65: Dereito a presentar propostas en tódalas cuestións que afecten o funcionamento do centro e ser informado de forma regular sobre as actividades e xestión do mesmo a través dos cauces legalmente establecidos. Igualmente, poderán asesorar aos seus representantes no Consello Escolar e ser informados puntualmente por estes das resolucións tomadas nas reunións deste Órgano.

Artigo 66: Dereito a gozar das licencias e permisos nos termos vixentes por lei.

Artigo 67: Dereito de reunión e de expresión para asuntos educativos e profesionais nos locais do centro, sempre que non interrumpan a actividade normal do mesmo. Para iso, deberán comunicarlo á Dirección, sendo responsables da custodia das chaves, da seguridade das instalacións e do material e dos danos que poidesen causar nel/nelas.

Artigo 68: Dereito a actualizarse e recibir formación como docente en actividades e cursos de perfeccionamento dentro dos plans establecidos, e a que o Centro, dentro das posibilidades reais e orzamentarias, lles achegue os medios para desenvolver o seu labor educativo.

Artigo 69: Dereito a dar a súa explicación en caso de conflito cos alumnos, compañeiros ou pais e a ser oído.

Deberes:

Artigo 70: Deber de participar na vida do centro e nas reunións que lle correspondan como membro do Consello Escolar, Claustro, equipos ou comisións, participando na programación das actividades docentes do centro, nos distintos niveis e equipos docentes.

Artigo 71: Deber de asistir asidua e puntualmente ás súas actividades docentes encomendadas segundo o horario legal establecido polo centro e de permanecer no mesmo durante a xornada escolar, agás os permisos que por motivos xustificados concederá a Dirección do mesmo.

Artigo 72: Deber de cumprir coas súas funcións como profesor/a do centro e, no seu caso, como titor/a dun grupo de alumnos, dirixindo a súa aprendizaxe e axudándoos a superar as dificultades que atopen.

Artigo 73: Deber de acatar o disposto no PEC e nos Proxectos Curriculares e de cumprir e facer cumprir o disposto no presente R.R.I.

Artigo 74: Deber de respectar os dereitos do alumnado e do restante persoal do centro e a súa integridade física, moral e dignidade persoal, sen facelos alvo de tratos vexatorios ou humillantes.

Artigo 75: Deber de aceptar os cargos e funcións que se lle encomenden, segundo a lexislación vixente e acatar as decisións do Claustro e dos equipos e comisións no ámbito da súa competencia, así como os acordos dos órganos de goberno.

Artigo 76: Deber de cooperar e participar na actividade educativa e de orientación, achegando o resultado das súas observacións sobre as condicións intelectuais e persoais do alumnado e colaborar coa Xefatura de Estudios no mantemento da disciplina académica do centro.

Artigo 77: Deber de colaborar na organización de actividades extraescolares, dentro dos límites das súas posibilidades.

Artigo 78: Deber de controlar diariamente as faltas de asistencia do alumnado.

Artigo 79: Deber de ser obxectivo na avaliación do rendemento e comportamento escolar do alumno, e comunicar aos pais ou titores os resultados da mesma por medio dos boletíns e outros medios que estime oportunos.

Artigo 80: Deber de comunicar, sempre que sexa posible, as súas ausencias ao traballo coa antelación suficiente que permita atendelas debidamente.

Artigo 81: Deber de coidar e respectar as instalacións e o material.

Artigo 82: Deber de actualizarse e formarse como docente, investigando, experimentando e mellorando continuamente os procesos de ensinanza correspondentes.

Artigo 83: Deber de contribuir a que as actividades do centro se desenvolvan nun clima de respecto, de tolerancia, de participación e de liberdade para fomentar no alumnado os valores propios dunha sociedade democrática.

CAPÍTULO VII

.- TITORÍAS

Artigo 84: O profesorado titor/a dun grupo de alumnos, realizará as funcións que establece o artigo 81 do Decreto 374/1966.

CAPÍTULO VIII

.- PERSOAL NON DOCENTE

Dereitos:

Artigo 85:

  1. Dereito a ser respectado no exercicio das súas funcións e non ser discriminado.

  2. Dereito a contar cos medios materiais axeitados para a realización do seu traballo.

  3. Dereito a ser informado de todo o que concerne ao funcionamento do centro, no que atinxe ao seu labor.

  4. Dereito a participar na vida do centro segundo o establecido na lexislación vixente e elexir ou ser elexido membro dos órganos colexiados de goberno, segundo a normativa vixente.

  5. Dereito a formular diante dos órganos de goberno as suxerencias, queixas ou peticións, sendo escoitado nas mesmas.

Deberes:

Artigo 86:

  1. Deber de asistir regular e puntualmente ao centro de traballo e cumprir coas tarefas para as que foi nomeado segundo consta no seu nomeamento ou contrato de traballo.

  2. Deber de ser correcto na atención aos demais membros da comunidade educativa.

  3. Deber de non ausentarse do seu posto sen comunicalo.

Funcións do conserxe, no caso de habelo:

  1. As que figuren no seu contrato.

  2. Abrir e pechar as instalacións do centro coa suficiente antelación e conforme ás indicacións dadas polo secretario/a ou director/a.

  3. Vixiar o estado das instalacións e informar do mesmo ao/á director/a ou ao/á secretario/a.

  4. Recibir ás persoas que acudan ao colexio, informando, de ser o caso, do referente á tramitación de matrículas, bolsas e canto poidese afectar ás familias para a tramitación de documentos oficiais.

  5. Responsabilizarse de labores de mantemento e reparación do centro que estén ao seu alcance.

  6. Todas aquelas que lle encomenden o/a director/a ou o/a secretario/a dentro do seu ámbito de competencia.

CAPÍTULO IX

.- NORMAS DE CONVIVENCIA

A modo de preámbulo, e para situarnos na tipoloxía de centro á que pertencemos e os posibles incidentes que poden xurdir no referente ás normas de convivencia, hai que subliñar que o alumnado do mesmo conta entre 3 e 5 anos de idade. Por este motivo, e en circunstancias normais, non deberían existir maiores problemas na conduta do alumnado que as que corresponden ao seu desenvolvemento evolutivo e cognitivo e que moitas das condutas inadecuadas responden a falta de hábitos e a estar nun proceso de adquisición de normas e patróns sociais axeitados. Resulta difícil pensar en situacións que se poden dar en primaria ou en ESO e que requerirían outras medidas disciplinarias. As pequenas discusións por algún obxecto, o mal trato dado ao material, correr polos corredores, etc. non levan normalmente implícita unha mala intencionalidade, senón que son o reflexo do estadio evolutivo do alumnado, sen que necesariamente haxa que presupoñer maldade por parte do mesmo. Ademais, pequenas faltas como falta de puntualidade, aseo ou inasistencia ás clases non dependen tanto deles como da actitude da familia, coa que habería que acordar pautas de comportamento en moitas ocasións.

Por iso, este RRI será deliberadamente escaso na tipificación de condutas contrarias ás normas de convivencia e todas elas deben ser vistas dende a óptica da idade do alumnado. Se figuran é porque, ademais, poden ser cometidas por membros da comunidade que non sexan alumnos.

Artigo 87:

Condutas contrarias ás normas de convivencia:

  1. Faltar ao respecto a calquera membro da comunidade educativa.

  2. Causar dano, de forma intencionada ou por neglixencia, ao material e ás instalacións do centro.

  3. Causar dano ou sustraer obxectos ou pertenzas doutros membros da comunidade educativa.

  4. Calquera acto que perturbe o normal desenvolvemento das actividades do centro.

  5. Non asistir a clase inxustificadamente, xa que a pesares de non ser unha etapa obligatoria, o alumnado está ocupando unha praza escolar que lles puido ser negada a outros.

  6. Faltas inxustificadas de puntualidade.

Artigo 88:

Condutas gravemente perxudiciais para a convivencia:

  1. Reiteración, nun mesmo curso escolar, de conductas contrarias ás normas de convivencia.

  2. Actos de indisciplina, inxurias ou ofensas graves contra outros membros da comunidade educativa.

  3. Agresión física ou moral contra os demais membros ou calquera tipo de discriminación.

  4. Danos malintencionadamente producidos ao material ou instalacións.

  5. Actos inxustificados que perturben gravemente o normal desenvolvemento das actividades do centro.

  6. Actuacións perxudiciais para a saúde e a integridade persoal dos membros da comunidade educativa ou incitación ás mesmas.

CAPÍTULO X

.- RÉXIME DISCIPLINARIO

Artigo 89:

As correcións que teñan que aplicarse polo incumprimento das normas de convivencia deberán ter un carácter educativo e recuperador, tendente á inculcación de hábitos e normas sociais axeitadas de acordo coa idade e nivel de comprensión do alumnado, buscando garantir o respecto aos dereitos dos demais alumnos e procurando mellorar as relacións de tódolos membros da comunidade educativa.

Os incumprimentos das normas de convivencia do centro terán que ser valorados considerando a idade do alumnado, a situación e as condicións persoais de cada caso particular.

Na correción dos incumprimentos deberá terse en conta:

  1. Ningún alumno poderá ser privado do exercicio do seu dereito á educación.

  2. Non poderán imporse correccións contrarias á integridade física e á dignidade persoal do alumno.

  3. A imposición da correción respectará a proporcionalidade coa conducta do alumno.

  4. Teráse en conta a idade do alumno e as circunstancias persoais, familiares ou sociais do alumno antes de resolver o procedemento corrector.

  5. As familias estarán informadas, de haber reiteración, das conductas dos seus fillos contrarias ás normas de convivencia e as correcións impostas, cando sexa preciso. Poderán corrixirse os actos contrarios á convivencia do centro realizados polos alumnos no recinto escolar ou durante a realización de actividades escolares e complementarias. Tamén se poderán corrixir aquelas actuacións do alumno que, aínda que realzadas fóra do recinto escolar, estean motivadas ou directamente relacionadas coa vida escolar e afecten aos seus compañeiros ou a outros membros da comunidade educativa.

Artigo 90:

Consideraránse circunstancias paliativas:

  1. A falta de intencionalidade.

  2. O recoñecemento espontáneo da falta.

Consideraranse circunstancias agravantes:

  1. Causar dano, inxuria ou ofensa aos compañeiros de menos idade.

  2. A discriminación por razón de nacemento, raza, sexo, capacidade económica, nivel social, convicións relixiosas ou morais, así como as discapacidades físicas, sensoriais ou psíquicas, ou calquera outra condición ou circunstancia persoal ou social.

  3. Reiteración.

  4. Premeditación e intencionalidade.

  5. Pór en peligro a integridade física propia ou allea.

Artigo 91:

Correcións das condutas contrarias ás normas de convivencia e a quen competen:

  1. En primeiro lugar e en todo momento empezaráse por aplicar medidas pedagóxicas e tendentes á inculcación dos hábitos e normas correctas, empregando o diálogo e pequenas correcións, facéndolle ver o inadecuado da conducta e ensinando a pedir disculpas ás persoas afectadas ou ofendidas. (Profesor ou titor).

  2. Amonestación privada. (Profesor ou titor).

  3. No caso de faltas inxustificadas de puntualidade repetidas, a Xefatura de Estudios pórase en contacto coas familias para averiguar as causas. Se as faltas superan as 5 e por máis de 15 minutos, poderase negar a entrada ao centro a ese/s alumno/s. (Xefe de Estudios)

  4. Se as conductas contra a convivencia fosen resultado de un cadro máis complexo, a titora porao en coñecemento do Xefe do Departamento de Orientación, para a avaliación das causas das mesmas. (Titora)

  5. No caso de causar danos de forma intencionada ou neglixente, poderanse impoñer correccións tendentes a arranxar ou minimizar os danos causados. (Profesor ou titor)

  6. No caso de faltas inxustificadas de asistencia, a titora porao en coñecemento da Xefatura de Estudios, que citará a familia para coñecer as causas. De ser preciso, e por medio do Departamento de Orientación, valorarase a necesidade de poñelo en coñecemento dos Servicios Sociais do Concello. (Titora e Xefatura de Estudios. Xefe do Departamento de Orientación)

  7. No caso de danos ou substraccións de obxectos de outros, esixirase a devolución dos mesmos ou a realización de tarefas dirixidas a reparar os danos. (Xefatura de Estudios).

  8. Excepcionalmente, poderase impedir o goce dun recreo, sempre e cando estea nese tempo vixiado polo profesor que impón a correción e realizando as tarefas correctoras axeitadas. (Profesor ou titor). Non se poderá poñer fóra da clase ao/á alumno/a nin ningunha outra corrección que supoña que estea sin vixiancia dun mestre.

  9. Nos casos máis graves de perturbacións das actividades do centro ou de producción de danos, poderase suspender do dereito a participar en actividades complementarias e/ou extraescolares (Dirección, a proposta da titora)

Artigo 92:

Correcións das condutas gravemente perxudiciais para a convivencia e a quen competen:

  1. En primeiro lugar e en todo momento empezaráse por aplicar medidas pedagóxicas e tendentes á inculcación dos hábitos e normas correctas, empregando o diálogo e pequenas correccións, facéndolle ver o inadecuado da conduta e ensinando a pedir disculpas ás persoas afectadas ou ofendidas. (Profesor ou titor).

  2. Amonestación privada. (Profesor ou titor).

  3. Se as condutas contra a convivencia fosen resultado de un cadro máis complexo, a titora porao en coñecemento do Xefe do Departamento de Orientación, para a avaliación das causas das mesmas. (Titora)

  4. No caso de causar danos de forma malintencionada, poderanse impoñer correcións tendentes a arranxar ou minimizar os danos causados. (Profesor ou titor). Nun último caso, poderase esixir a reparación do dano ou do material (Comisión de convivencia)

  5. Excepcionalmente, poderase impedir o goce dun recreo, sempre e cando estea nese tempo vixiado polo profesor que impón a correción e realizando as tarefas correctoras axeitados. (Profesor ou titor). Non se poderá poñer fóra da clase ao/á alumno/a nin ningunha outra correción que supoña que estea sin vixiancia dun mestre.

  6. Nos casos máis graves de perturbacións das actividades do centro ou de producción de danos, poderase suspender do dereito a participar en actividades complementarias e/ou extraescolares. (Dirección, a proposta da titora)

  7. Suspensión do dereito de asistencia a determinadas clases durante un periodo inferior a tres días, tempo durante o cal deberá realizar os traballos que determine o mestre que imparta as clases ás que non asista o/a alumno/a. (Xefatura de Estudios e Dirección, a proposta do profesor ou titor)

  8. Suspensión do dereito de asistencia ao centro por un periodo máximo de tres días (Comisión de Convivencia). Durante o tempo que dure a suspensión, o/a alumno/a deberá realizar as tarefas que se determinen para evitar a interrupción do seu proceso formativo. Implicará oir á familia do alumno e levantar acta da sesión.

  9. Suspensión do dereito de asistencia ao centro por un periodo superior a tres días (Consello Escolar). Durante o tempo que dure a suspensión, o/a alumno/a deberá realizar as tarefas que se determinen para evitar a interrupción do seu proceso formativo. Implicará oir á familia do/a alumno/a e levantar acta da sesión.

As sancións que impliquen perda da asistencia a actividades complementarias ou extraescolares e perda de asistencia a clases serán notificadas á familia por escrito e poderán recurrirse dende a súa notificación nun prazo de 48 diante da persoa ou órgano que as impuxo (Director, Comisión de Convivencia, Consello Escolar). Se non prosperasen en primeira instancia, elevarase o recurso á instancia inmediata superior, rematando no Consello Escolar.

CAPÍTULO XI

.- CRITERIOS XERAIS PARA A ORGANIZACIÓN DA ACTIVIDADE DO CENTRO

  1. ADSCRICIÓN DO PROFESORADO

Artigo 93: Farase segundo o disposto no Capítulo V da Orde do 22 de xullo de 1997.

  1. AGRUPAMENTOS DO ALUMNADO

Artigo 94: A distribución do alumnado do mesmo nivel farase por orde alfabética e tendo en conta, no seu caso, se hai alumnado con Reforzo Educativo ou Adaptación Curricular Individualizada.

Dentro dun grupo de alumnos poderanse formar distintos agrupamentos en función da actividade a realizar.

  1. ASIGNACIÓN DE AULAS E USO DE ESPACIOS COMÚNS

Artigo 95: A equipa directiva dará a elexir s aulas de cada nivel en función da antigüidade no centro de cada titor/a.

No entanto, o alumnado de 3 anos ocupará as aulas inferiores do lado dereito do edificio, o de 4 anos as aulas inferiores do lado esquerdo e o de 5 anos as aulas do piso superior.

Os horarios de uso dos espacios comúns (ximnasio, etc), serán distribuidos polo equipo directivo ao comezo do curso, procurando compatibilizar as demandas do profesorado coa disponibilidade do profesorado especialista e os periodos de recreo.

  1. HORARIOS E SUBSTITUCIÓNS

Artigo 96: Buscarase a uniformidade no horario dos grupos dun mesmo nivel.

Procurarase que o número de horas que cada mestre dispoña para actividades distintas ás de atención directa aos alumnos sexa semellante.

O profesorado que desempeñe cargos ou responsabilidades disporá dun tempo para realizar as actividades que iso conleve en función da disponibilidade horaria.

As substitucións atenderanse do xeito seguinte:

. Elaborarase un horario de gardas co profesorado de apoio e as mestras que teñan horas sen docencia por estar o seu grupo cun mestre especialista.

. Se a substitución é por unhas horas, o mestre de garda ou sen docencia nese horario atenderá a baixa durante ese tempo. En caso de haber dous mestres, irá o que figure primeiro. De ter feita algunha substitución, para o cal se anotarán as feitas nunha folla destinada a ese efecto, irá o seguinte, procurando repartir o número de substitucións feitas.

. Dadas as características do alumnado e a circunstancia especial do ensino globalizado, no caso de ser unha baixa por un día completo, a profesora de apoio con función de substitucións farase cargo do grupo. De haber máis dun profesor de baixa, o equipo directivo establecerá as normas de substitución co profesorado especialista e/ou sen docencia, en función das necesidades do centro e procurando repartir as substitucións.

. De haber máis baixas que profesorado dispoñible, arbitraranse en cada caso as medidas de atención excepcionais.

. Igualmente, no caso de faltar un profesor/a que debiera realizar a quenda de recreo, será sustituído pola profesora que fai as funcións de substitución. De non ser posible, será substituído polo/a primeiro/a que estea libre dunha lista exposta ao efecto na sala de mestres, buscando o reparto destas sustitucións equitativamente.

5. HORARIO COMPLEMENTARIO E VIXIANCIA DAS ACTIVIDADES EXTRAESCOLARES

Artigo 97: O horario complementario que non poda desenvolverse pola mañá farase os martes pola tarde, incluíndo o horario de atención a pais e nais e as coordinacións didácticas correspondentes.

As ausencias neste horario computarán polo tempo de duración do mesmo.

A vixiancia das actividades extraescolares serán atendidas por todo o profesorado, segundo uns turnos establecidos pola Xefatura de Estudios. Incluiráse dentro do cómputo horario mensual do profesorado, ao igual que, entre outros, asistencia a Claustros e Consellos Escolares.

Poderán existir diversas dinamizacións, co cómputo horario que corresponda (Biblioteca, Novas Tecnoloxías e outras). (5)

6. O RECREO

Artigo 98.a: A duración do recreo será de 30 minutos para tódolos grupos.

Así e todo, poderá haber segmentos de lecer, cunha duración que non exceda o establecido legalmente.

As quendas de recreo serán cubertas, de permitilo a organización pedagóxica e administrativa, por todo o profesorado do centro, e expostas na sala de profesores, semanalmente, nun horario establecido polo Xefe de Estudios, co criterio de repartir equitativamente as mesmas.

O número de profesores por quenda fixarase segundo a ratio establecida pola Orde do 22 de xullo de 1997.

O alumno ten dereito ao periodo de recreo. En consecuencia, só poderá verse privado de modo excepcional polas correcións establecidas disciplinariamente ou por algunha causa pedagóxica moi puntual e debidamente acreditada. Nestes casos, deberá permanecer na súa aula acompañado do profesor/a titor/a, facendo as actividades que se lle encomenden.

Á hora do recreo, cada titor/a baixará ao patio acompañando ao seu grupo de alumnos, que sairá ordenadamente e cun silencio razoable para non perturbar ás outras aulas. Prestarán atención preferente á baixada das escaleiras, que deberán baixar en fila e agarrados ao pasamán das mesmas, sen correr nin empurrarse. Cando o alumnado estea no patio, quedarán baixo a custodia do profesorado da quenda de recreo.

Ao acabar o tempo de recreo, o profesorado das quendas fará filas con cada grupo clase. Cada titora levará do patio á súa clase ao seu alumnado gardando as normas antes descritas.

No caso de choiva ou por outras circunstancias climatolóxicas que impidan o uso do patio, o alumnado estará nos lugares comúns destinados a tal efecto (ximnasio ou aula central de 3 anos), a onde deberán ser levados e acompañado de volta á clase pola mestra titora, gardando as normas anteriores. Voluntariamente, se a mestra titora non ten quenda de recreo, poderá optar por permanecer co seu alumnado na aula, sendo responsable do mesmo e liberando, de ser o caso, a un mestre da quenda.(5)

Serán zonas de atención preferente as escaleiras, a zona de xogos infantís e a visita aos baños. Previamente, alomenos o alumnado de 3 anos debería ter feitas as súas necesidades fisiolóxicas.

O profesorado das quendas estará disposto polo patio de tal xeito que todo o alumnado estea á vista, incluída a vixiancia dos aseos. No caso de que o número de profesores da quenda de recreo sexa 5 ou máis de 5, os dous primeiros que figuren na lista elaborada pola Xefatura de Estudios atenderán a zona de xogos infantís, e o último desa lista encargarase de coller a chave dos baños do ximnasio e atender ao alumnado que os teña que usar.

No caso de que o número de profesores da quenda de recreo sexa 4, os dous primeiros que figuren na lista elaborada pola Xefatura de Estudios atenderán a zona de xogos infantís, e o último desa lista encargarase de coller a chave dos baños do ximnasio e atender ao alumnado que os teña que usar.

No caso de que o número de profesores da quenda de recreo sexa 3, os dous primeiros que figuren na lista elaborada pola Xefatura de Estudios atenderán a zona de xogos infantís, e o último desa lista encargarase de coller a chave dos baños do ximnasio e atender ao alumnado que os teña que usar.

No caso de que o número de profesores da quenda de recreo sexa 2, o primeiro que figure na lista elaborada pola Xefatura de Estudios atenderá a zona de xogos infantís, e o último desa lista encargarase de coller a chave dos baños do ximnasio e atender ao alumnado que os teña que usar.(2)

Dada a dimensión educativa do recreo, o profesorado atenderá as necesidades derivadas do mesmo e impondrá as correcións oportunas buscando a seguridade do alumnado.

De observarse algunha anomalía nas instalacións de recreo por parte do profesorado das quendas, especialmente se son peligrosas para o alumnado, porao en coñecemento do equipo directivo.

Artigo 98.b: De ser preciso, durante un tempo determinado do curso escolar ou todo o mesmo, diferenciar espazos do patio de recreo, as titoras de 3 anos e o profesorado adscrito a esa vixiancia encargaranse da atención da zona de 3 anos e das chaves dos aseos e da colocación das barreras limitadoras. Destas, a última da lista encargarase dos baños. As titoras de 4 e 5 anos e o profesorado adscrito a esta vixiancia encargarase da atención de esta zona e da zona de xogos infantís, sendo a primeira de ser tres ou dúas de ser catro ou máis as encargadas da zona de xogos infantís. (5)

7. ACCIÓN TITORIAL

Artigo 99: Ademais das funcións establecidas para os titores, cada profesor/a titor/a adicará unha hora semanal dentro do horario de dedicación exclusiva para facilitar a relación cos pais, da que se dará comunicación aos mesmos.

Cada profesor/a titor/a, ben de modo individual ou en grupos por niveis, poderá organizar as reunións que considere oportunas cos/coas pais/nais ou titores/as do alumnado, encamiñadas a:

. Expoñer as liñas xerais do seu plan de traballo.

. Comentar os criterios de avaliación e recuperación dos/as alumnos/as.

. Outros temas considerados de interés para a boa marcha do proceso educativo.

. En calquera caso os/as titores/as deberían ter unha reunión ao principio de curso cos pais para explicarlles os hábitos, normas do centro e canto consideren de interés.

8. ACTIVIDADES COMPLEMENTARIAS E EXTRAESCOLARES

Artigo 100. Teñen carácter de complementarias aquelas actividades didácticas que se realizan co alumnado en horario lectivo e que, formando parte da programación, teñen carácter diferenciado polo momento, espacio ou recursos que utilizan (visitas, traballos de campo, viaxes de estudio, conmemoracións, etc.).

As actividades complementarias son programadas para alcanzar os obxectivos propostos no noso proxecto educativo e nos proxectos curriculares e, en consecuencia, a asistencia ás mesmas debería ser obrigatoria. Se algún/a alumno/a alegase un impedimento económico, a equipa directiva ou, no seu caso, a comisión de convivencia, trataría de buscarlle unha solución ao seu caso.

Destas circunstancias, así como das saídas ao entorno próximo, informaráselles nas reunións de comezo de curso.

Xunto ás autorizacións recibidas por escrito dos pais, deberá figurar, no seu caso, a non autorización para asistir á actividade, para que no centro quede constancia da mesma.

O criterio para a vixiancia das actividades complementarias será que, no caso de non haber necesidades de atención ao centro, o profesorado especialista e de apoio debería reforzar a vixiancia das mesmas. “Se por calquera circunstancia houbera máis de un/unha profesor/a de apoio, alomenos unha persoa das mencionadas continuaría no centro. Procurarase, en calquera caso, que no centro pemaneza unha persoa do equipo directivo”.(1) A posible asistencia dalgún/a pai/nai, en función de prazas dispoñibles en saídas e con ánimo de colaborar, deberá ser autorizada pola maioría do profesorado que faga a actividade e polo Consello Escolar.

Teñen carácter de estraescolares aquelas actividades que, sendo organizadas polo centro e figurando na P.X.A., aprobada polo Consello Escolar, se realizan fóra do horario lectivo. A participación nelas é voluntaria.

As actividades complementarias e extraescolares que se realicen fóra da localidade deberán contar cos requisitos expostos no artigo 76 do Decreto 374/1966.

9. DISTRIBUCIÓN DA INFORMACIÓN

Artigo 101: As familias recibirán trimestralmente información escrita sobre os resultados da avaliación dos seus fillos nun boletín informativo, que será único para todo o curso escolar, e que poderá contar coas observacións que o/a titor/a ou os/as mestres/as especialistas queiran facer constar para completar a información do boletín.

Poderán recibir ademais, ao longo do trimestre, unha comunicación do seu titor ou dun mestre especialista se os resultados da súa avaliación non son satisfactorios, informándoos do que proceda e invitándoos a pasar polo colexio, se o consideran preciso.

Tódolos mestres do centro terán, no taboleiro da sala do mestres, á súa disposición, a información de cursiños, sindical, lexislativa, editorial, etc. Procurarase facer unha reseña da mesma no horario de exclusiva. Cando a importancia da mesma o requira, facilitarase unha copia aos coordinadores ou incluso a cada mestre en particular.

Cando se considere aconsellable, as persoas responsables poderán entregar un extracto dos acordos das reunións de Claustro, equipos e comisións.

A Dirección do centro transmitirá á Asociación de Pais e Nais toda a información que lles afecte.

10. MOBILIARIO E RECURSOS

Artigo 102: Cada mestre responsabilizarase do material da súa aula, de comunicar o novo material para ter en día o inventario e de comunicar as desaparicións do mesmo.

Poñerase en coñecemento do secretario os desperfectos que se produzan e as deficiencias na limpeza.

O material común almacenarase nos lugares acordados e tomaranse medidas para que estea localizado no caso de ser solicitado por outra persoa.

No caso de cambiar de aula, os materiais de aula quedarán para os grupos que no curso seguinte ocupen o mismo nivel, mentres que o material persoal de cada mestre cambiará de aula con el.

Poderase, co acordo do órgano correspondente e en función de proxectos concretos, intercambiar material entre aulas por un periodo de tempo determinado. O emprego da pizarra dixital deberá comunicarse á dinamizadora de Novas Tecnoloxías, se a houbese, ou á Xefatura de Estudios para evitar coincidencias horarias entre clases.(5)

Namentres non exista conserxe, o profesorado que estea en cada aula antes da saída do centro deberá pechar as ventanas da mesma, apagar a luz e cantas outras actuacións sexan necesarias antes de ausentarse da mesma (pechar as portas de acceso ó patio, etc.). As portas de acceso ó centro serán pechadas por quen salga en cada momento.

  1. XESTIÓN ECONÓMICA E XESTIÓN ADMINISTRATIVA.

Artigo 103: Do orzamento destinado para Educación Infantil, despois de prever as necesidades económicas xerais do centro, a Comisión Económica asignará unha cantidade a cada grupo-clase e a cada unha das especialidades de A.L. e Inglés. De facer falta material de psicomotricidade, asignarase unha cantidade para que a mestra encargada da mesma adquira material. Para a asignación terase en conta:

. A proposta de gastos feita con anterioridade polos equipos, comisións ou mestres correspondentes.

. O número de alumnos por cada aula, de ser o caso.

. A dispoñibilidade previa de material de cada aula e as necesidades urxentes do mesmo.

. Calquera outras razón debidamente xustificada pola Comisión Económica.

  1. OUTRAS NORMAS DE CONVIVENCIA.

Artigo 104: Para facer posible a vida en sociedad é necesario adquirir hábitos de convivencia e respecto. Toda a comunidade educativa debe cumprir unhas normas de convivencia dentro do marco dos dereitos fundamentais das persoas.

Os/as mestres/as, pais/nais e persoal non docente procurarán ser un exemplo para o alumnado na observancia de ditas normas.

Entradas e saídas.

Os pais e nais son os responsables de que acudan os nenos á escola, coa puntualidade e aseo debidos. Na entrada ao mesmo, as familias deixarán aos nenos nas aulas no caso das que están situadas no piso inferior, procurando non disturbiar a marcha da clase.

As titoras das aulas do piso superior subirán ás mesmas co alumnado que estea presente á entrada do centro. O equipo directivo garantirá, se os/as mestres/as non titores/as non teñen que cubrir ausencias, que algún membro destes espere á entrada do centro un tempo de cortesía para asegurarse que o alumnado do piso superior que se vaia incorporando á escola sube á súa aula respectiva. E pechará a porta do medio transcurrido este prazo para incorporarse aos seus labores.

No caso de ausencias do profesorado que impidan esta espera por falta de recursos humanos, as titoras das aulas superiores esperarán un tempo de cortesía, despois do cal subirán co alumnado presente ás aulas pechando previamente a porta do medio.

As titoras das aulas centrais do piso inferior pecharán as portas correspondentes de entrada. Isto faise por non haber conserxe e por seguridade do alumnado, para que non poidan sair, así como para comezar co transcurso normal das clases.

Os familiares ou persoas que acompañen ó alumnado ó centro deberán, ineludiblemente, no caso de pertencer os nenos ás aulas do piso inferior, deixar ós cativos dentro das mesmas. Igualmente, as persoas que acompañen ó alumnado das aulas do piso superior deberán deixalo dentro do colexio e á vista do profesor ou profesores que estean fronte á porta do medio realizando as funcións antes descritas.

O alumnado que chegue despois, excepcionalmente, dentro dun tempo prudencial será admitido pero, se o retraso é grande e inxustificado (agás visita médica, etc.) ou é repetido, poderá negárselle a entrada, segundo as normas aprobadas neste Regulamento.

As subidas e baixadas ao piso superior faránse en liña recta e agarrados ao pasamán.

Nas saídas, as familias son as responsables de estar puntualmente para recoller aos fillos. O alumnado será entregado de un en un aos/ás pais/nais ou persoas autorizadas por eles para recollelos ás portas do colexio . No caso de separacións, divorcios, perda da patria potestade ou situacións análogas, as familias son as responsables de indicar ao profesorado a quen se debe entregar o neno ou non.

As familias que se retrasen, serán chamadas por teléfono pola titora, que permanecerá co alumno/a ata que chegue o membro da familia contactado se é un prazo razoable, e sen prexuizo das medidas a adoptar en caso de reincidencia, a instancias da Xefatura de Estudios.

No caso de ausencia da titora, o profesor/a sustituto/a que estea a cargo da saída do alumnado ese día permanecerá co alumno/a ata que cheguen os familiares responsables ou se actúe como queda reflexado no seguinte parágrafo.

No caso de non ter noticias dos pais, ou non poder contactar con eles, e sendo o retraso significativo en vir buscar ao neno/a, a titora ou a súa profesora substituta dará aviso á Policía Municipal ou, no seu caso, á Policía Nacional se tivese ela as competencias, para que se fagan cargo do/a alumno/a e /ou localicen aos membros da familia, levándoo/a os axentes ao seu domicilio se é posible ou que as Policías Municipal ou Nacional sigan o protocolo que teñan establecido para estes casos. No caso de reincidencia sen motivo xustificado, poñeranse estes feitos en coñecemento das autoridades educativas e/ou dos Servizos Sociais correspondentes, para que decidan o que proceda.(3)

Nos casos de cambio de aula polo profesorado, a mestra substituída deberá estar á hora de saída do especialista para evitar que os nenos estean sos. Igualmente, o que vai ser substiuído esperará a que o especialista chegue para sair da aula.

As saídas ao baño procurarán facerse individualmente, agás necesidade urxente, e con permiso do mestre. Durante o recreo utilizaranse os baños do ximnasio, se se está no patio, ou os de arriba, se se está vendo a televisión, agás que un profesor da quenda de recreo acompañe ao alumno a outros baños. De tódolos xeitos, alomenos o alumnado de 3 anos debería ir ao baño antes de ir ao recreo.

Á volta do recreo, o alumnado irá directamente ás aulas e non irá ao baño agás permiso do seu/a titor/a.

As portas de entrada ao colexio permanecerán sempre pechadas agás no momento de entrada e saída. O/a pai/nai ou persoa autorizada que deba levar ao/á fillo/a ao médico ou deba sair por outra circunstancia cubrirá o impreso destinado a este fin.

Nas aulas.

  1. Empregarase un ton de voz adecuado a cada situación ou momento didáctico.

  2. Manterase o material común e propio ordenado.

  3. Coidarase o mobiliario.

  4. Evitaranse xogos violentos ou perigosos.

  5. Manteranse as aulas limpas.

  6. Evitaranse as entradas e saídas en busca de material, prevendo con antelación as necesidades.

Relacións Interpersoais.

Os membros da comunidade educativa trataranse entre eles con respecto, sen empregar insultos ou expresións despectivas.

  1. Ensinarase a respectar os turnos de palabra e as opinións dos compañeiros.

  2. Ensinarase a chamar antes de entrar a unha aula pechada.

  3. Practicarase o saúdo.

Material, vestimenta, hixiene, comida.

  1. Traerase o material propio para cada actividade.

  2. Evitarase traer material que distraia a atención ou que sexa perigoso.

  3. Non se consumirán no centro comidas ou bebidas perxudiciais para a saúde.

  4. Acudirase coa vestimenta adecuada para as actividades do día e debidamente aseados.

  5. En calquera caso, o alumnado deberá dispoñer dun mandilón co nome, cinta para colgalo nos percheiros e con botóns dianteiros.

  6. É recomendable roupa con sistemas de abrochar que poidan empregar eles sós para favorecer a súa autonomía. Igualmente, en determinados tipos de calzado, é conveniente sistemas de velcro ou similar, que poidan abrochar e desabrochar, máis seguro e cómodo que os cordóns soltos.

Xustificación de faltas.

É conveniente que os pais comuniquen por escrito ou verbalmente as faltas dos seus fillos ao/á titor/a. Cando unha ausencia do alumnado estea prevista, a familia deberá comunicala previamente á titora. Isto farase igualmente cando a ausencia ás primeiras clases sexa por visita médica, para facilitar á titora non poñerlle a falta por ese día. Neste caso, ademáis, a familia deberá presentar xustificante de asistencia ó médico.

Comunicacións

Os alumnos farán chegar aos seus pais toda clase de notificacións que se lles entreguen no colexio e estes devolveranas debidamente cumprimentadas cando así se lles soliciten.

Asistencia sanitaria.

Estarase ao disposto no punto 12 do Capítulo IV da Orde do 22 de xullo de 1997.

Normativa na utilización de espazos do centro pola ANPA. (4)

No caso de que a ANPA necesite un espazo no centro escolar para as súas reunións, un dos membros da Directiva da ANPA, ou persoa en quen deleguen, solicitará a chave de entrada ao centro a algún membro do equipo directivo coa antelación suficiente para podela prestar. Utilizarán preferentemente a aula central da ala de 3 anos.

Unha vez rematada a reunión, os asistentes aseguraranse de deixar os elementos da aula como estaban ao comezo da xuntanza, comprobar que as luces están apagadas e as fiestras ou portas pechadas e pecharán a porta de acceso ao centro por donde entraron coa chave que se lles entregou.

No caso de ter que utilizar o ximnasio como lugar de proxección de películas para o alumnado, un dos membros da Directiva da ANPA, ou persoa en quen deleguen, solicitará a chave de entrada polo caleixón ao ximnasio con tempo suficiente. Unha das persoas da ANPA que vaian permanecer durante a proxección deberá previamente coñecer o funcionamento dos diversos aparatos que vaian utilizar. A ANPA debería procurar que houbese alomenos un adulto por cada 25 alumnos/as.

Unha vez rematada a proxección, os adultos responsables da mesma deberán comprobar que os diversos aparatos están apagados e o deshumidificador igual que o encontraron. As luces, tanto as dos baños coma as do ximnasio deberán quedar apagadas, e o chan e os demais elementos (bancos, etc) igual que os atoparon. Deberán comprobar que as fiestras están pechadas e pechar con chave a porta do caleixón.

Námbolosdous supostos deberán devolver a chave o seguinte día lectivo.