Debuxo.

Profesora: Ángela López García
Curso: Primeiro

Materia anual, impartida dúas veces por semana cunha duración de cen minutos cada unha. Ó longo do desenvolvemento do programa, o alumno chegará ó coñecemento dos fundamentos do debuxo mediante unha aprendizaxe basicamente práctica, chegando a conseguir un mínimo de habilidade que poida utilizar con fins prácticos no seu campo profesional.
O alumno terá que coñecer o manexo de certos útiles propios do debuxante e iniciarse no seu uso. Ha de adquirir coñecementos na representación e visualización de debuxos. Así mesmo, irá conseguindo o dominio do encaixe, da proporción, da luz e do volume para chegar a un bo resultado final do debuxo.

Programa:

1. DEBUXO TÉCNICO
1. Soportes e útiles de debuxo
2. Escalas
3. Acoutación de debuxos
4. Sistemas de representación
• Sistema diédrico
• Sistema axonométrico. Perspectiva isométrica
• Perspectiva cónica
2. DEBUXO ARTÍSTICO
1. A educación da man
2. A liña como elemento expresivo e descritivo
3. Grafismos e trazos na descrición das figuras
4. Análise de texturas
5. Proporción e encaixe
6. Relación figura-fondo
7. Representación do volume: luz e sombra
8. Análise tonal: gradación de luces e sombras no claroscuro.