Tecnoloxía e Patrimonio Artístico.

Profesora: Carmen Hermo Sánchez
Curso: Terceiro arqueoloxía Terceiro escultura Terceiro pintura

Os estudos de Conservación e Restauración de Bens Culturais contan na súa programación co apoio de materias que faciliten ó alumnado a amable incorporación deste ás novas tecnoloxías.
Un primeiro nivel no que se fundamentan conceptos básicos para o coñecemento e dominio dos conceptos fundamentais da informática.
Desenvolvemento nos sistemas dixitais de documentación, clasificación e rexistro de bens culturais. Manexo da base de datos.
Práctica e estudo no terreo do tratamento de imaxes, obtención de simulacións dixitais. Esta materia ten maior carga teórica que práctica xa que se pretende que o alumno comece a familiarizarse coa utilización dos recursos tecnolóxicos dos que dispón a escola.

OBXECTIVOS ESPECÍFICOS

1. Coñecer as diferentes partes que compoñen o ordenador, e saber a súa función e aplicación.
2. Adquirir axilidade no manexo xeral do Hardware, e coñecer as posibles variantes, en canto a periféricos se refire, que puidesen aparecer en determinados casos dependendo da súa función.
3. Coñecemento, manexo e aplicación dalgunhas das diferentes partes do Software da computadora a utilizar.
4. Manexo do sistema operativo.
5. Coñecemento e emprego da base de datos na que se incorporen as pezas que se están a traballar en cada un dos talleres por especialidades.
6. Correcta utilización dos diferentes sistemas de dixitalización incorporados nos equipos da escola, e a inclusión das imaxes dixitalizadas das pezas nos arquivos de cada taller.
7. Comprensión do que é a resolución e a súa relación directa co número de cores.
8. Utilización das diferentes ferramentas para ó tratamento das imaxes. Aplicación do Software específico para este fin.
9. Manexo dos diferentes sistemas de impresión que ten o ordenador.
10. Diferenciación entre imaxe dixitalizada e tratada, imaxe monitorizada e imaxe impresa.
11. Adquisición de fundamentos técnicos para a correcta aplicación no terreo da restauración.

Programa:

1. Conceptos fundamentaIs sobre informática
1. Esquema básico dO elemento Hardware
• o procesador.
• a memoria central.
• Soportes de información E unidades de entrada-saída.
2. Esquema básico do elemento Software
• Software básico: o sistema operativo.
• Software de aplicación. Programas instalados na escola
• Dixitalizador de imaxes de vídeo.
• Base de datos.
• Tratamento de textos.
• Tratamento de imaxes.
2. A informática na documentación e rexistro. Base de datos
1. Creación dunha base de datos
2. Manexo e actualización
3. Intercomunicacións
3. Tratamento de imaxes. Simulacións dixitais
1. Entrada de datos
• Dixitalización de imaxes. Diferentes fontes: foto ou vídeo.
• Resolución da imaxen - Resolución do monitor.
• Número de cores. "A paleta do pintor".
2. Tratamento de datos
• Operacióes fundamentais
• Creación de simulacros de posibles intervencións
3. Saída de datos
• Medios de impresión. Branco e negro ou cor.
• Similitude entre impresión a cor e reintegracións.
• Posibilidades de impresión directa sobre a peza a restaurar.