Técnicas de Debuxo Arqueolóxico.

Profesores: Carmen Lorenzo Rivera, Fernando Carrera Ramírez
Curso: Segundo Arqueoloxía

O conservador de materiais arqueolóxicos debe coñecer un bo número de técnicas que son complementarias ó propio traballo de conservación/restauración. Ademais de ser fundamentais para o traballo diario, supoñen unha excepcional axuda á hora de ofrecer variados servicios profesionais. O obxectivo desta materia é lograr que o alumno coñeza e manexe as ferramentas e técnicas necesarias para debuxar elementos arqueolóxicos mobles e inmobles. Precisamente esa diferenciación establece as dúas fases do curso: unha primeira na que se explican e poñen en práctica as técnicas de debuxo de artefactos arqueolóxicos e unha segunda na que se explican as técnicas de debuxo de xacementos e estructuras arqueolóxicas. Esta segunda parte esixe a ocasional saída a xacementos arqueolóxicos para a realización de prácticas de debuxo in situ. De cada un dos elementos estudiados no programa, o alumno deberá realizar láminas nas que se demostre a súa capacitación e destreza.

Programa:

1. CONCEPTOS E IDEAS XERAIS
• Instrumental
• Técnicas básicas
2. DEBUXO DE MATERIAIS
• Cerámica
• Vidrio
• Pedra: sílex, cuarcita, pulimentada, etc.
• Metaies: ferro, bronce, ouro, etc.
• Orgánicos: óso, madeira, etc.
3. DEBUXO DE CAMPO
• Principios de trigonometría
• Uso do nivel e taquímetro. Principios de topografía
• Planimetrías
• Estratigrafías e planos verticais