Prácticas de Conservación e Restauración de Arqueoloxía II

Profesora: Carmen Lorenzo Rivera
Curso: Terceiro Arqueoloxía

No taller de prácticas inténtase favorecer a adquisición dos coñecementos e da capacidade crítica necesaria para que o alumno sexa capaz de desenvolverse na práctica profesional da conservación/restauración de materiais arqueolóxicos, capacitándoo para a selección dos métodos e procedementos de tratamento máis axeitados a cada caso.

A materia ten carácter teórico/práctico, aínda que a execución de tratamentos sobre obxectos arqueolóxicos reais é o seu argumento principal, polo que a asistencia é imprescindible. Os materiais que se estudian ó longo do curso e sobre os que se realizan as prácticas son os metais e os materiais orgánicos.

A metodoloxía habitual de traballo no laboratorio contempla a execución das seguintes fases: apertura de informe, documentación gráfica, diagnose, proposta de tratamento, realización do tratamento, conservación preventiva e embalaxe. De cada peza tratada redáctase un detallado informe de conservación que é enviado xunto co obxecto ó museo ou institución pública depositaria deste.

Para a consecución de todo o devandito, o programa teórico deberá atender á clarificación dos seguintes coñecementos:

1. Natureza e estructura dos materiais que forman os obxectos arqueolóxicos
2. Alteracións e métodos de diagnose
3. Descrición das accións de conservación: conservación preventiva, conservación activa e restauración
4. Tratamentos de laboratorio máis frecuentes

Ademais, e como complemento indispensable á formación na propia Escola, promoverase a realización de actividades fóra dela:

1. Visitas a xacementos arqueolóxicos preferentemente en proceso de excavación, tendo a oportunidade, nalgunhas ocasións, de facer algunha práctica de intervención in situ
2. Asistencia a exposicións, congresos, cursos ou conferencias que sexan consideradas de interese polo Seminario de Arqueoloxía e aprobadas polo órgano académico competente
3. Con carácter extraordinario e previa autorización, poderase propoñer a realización de prácticas de traballo fóra da Escola, en colaboración con algún organismo oficial

Programa:

• MATERIAIS INORGÁNICOS: METAIS
1. Estructura e características xerais dos metais
2. Metais empregados na antigüidade
3. Corrosión dos metais
1. Causas de alteración. Ecosistemas ou ambientes corrosivos
2. Factores que interveñen nos procesos de corrosión
3. Fenómenos corrosivos. Morfoloxía.
4. Principais productos de corrosión.
4. Identificación dos diferentes metais
1. Exame directo ou organoléptico.
2. Exame de laboratorio: tipos de análise.
5. Tratamentos xerais aplicables ós metais
1. Métodos de tratamento: Mecánicos. Químicos. Reduccións electroquímicas, electrolíticas, térmicas. Plasma.
2. Estabilización, consolidación e protección dos metais.
3. Adhesión, reintegración: métodos e criterios.
6. Características, productos de alteración e tratamentos específicos para cada metal
1. Ferro.
2. Cobre e aleacións.
3. Prata
4. Ouro
5. Chumbo
6. Estaño
7. Conservación preventiva
• MATERIAIS ORGÁNICOS
1. Oso e marfil
1. Estructura física e composición química.
2. Procesos de alteración.
• Factores de alteración. Ecosistemas.
• Proceso de fosilización.
3. Tratamentos
• Limpeza.
• Consolidación y protección.
• Adhesión.
• Reintegración: métodos e criterios.
4. Conservación preventiva
2. Madeira
1. Estructura física e composición química.
2. Procesos de alteración.
• Madeira empapada en auga
3. Tratamentos
1. Desecación.
2. Limpeza.
3. Consolidación
   • Tipos de consolidantes
   • Tratamentos de consolidación de madeira empapada en auga
4. Conservación preventiva.