David López Veleiro, máis coñecido polo seu nome artístico de David Amor, estivo hoxe no IES A Pinguela con motivo da celebración do Día do Humor. Faloulle ó alumnado da importancia de falar a nosa lingua con orgullo, co noso acento, e facelo tamén por amor ós avós. Da importancia de facer traballos sociais sen remunerar, só polo gusto das cousas ben feitas. Do deber de respectar ós demais -tamén ós profesores- e da importancia de realizar accións que permitan vivir nun mundo amigable e máis feliz. De como a xuventude sempre foi considerada subversiva, e que eles tamén o pensarán dos mozos cando sexan vellos, como lle pasou a Sócrates e a moitos pensadores desde Babilonia... contou como chegou a traballar como repartidor de pizzas, camareiro... antes de dedicarse profesionalmente ó balonmán e despois á televisión e o teatro. |