Actividades extraescolares

Presentación do libro Para conocer el Códice Calixtino
  
Alejo M. Diz Franco, autor do libro Para conocer el Códice Calixtino, tivo a deferencia de vir presentar a súa obra ao IES Muralla Romana, instituto do que formou parte.
 
No acto interveu Alberto Viso Outeiriño, especialista en Historia e profesor de portugués no IES A Sangriña (A Guarda), onde tamén imparte actualmente clases Alejo Diz. As palabras de Alberto foron dun sincero recoñecemento cara ao autor do libro e do seu traballo, non só mencionou a obra senón tamén exaltou o papel docente e a súa maneira de levar a historia das relixións á aula.

 
Logo tocou a quenda de Alejo Diz, na súa intervención falounos sobre o seu libro e a finalidade do mesmo, achegar a comprensión do Códice ao lector, sen necesidade de que este sexa un especialista na materia e comprender o fenómeno do xacobeo, desde tempos históricos até os actuais. Facendo fincapé en que o códice é a primeira guía do Camiño de Santiago e a máis soada.
 
Foi comentando aos asistentes, libro en man, como estaba estruturada a obra, publicada polo Cabildo da SAMI Catedral Basílica de Santiago de Compostela. Desde o prólogo, que é un manuscrito do Deán da Catedral de Santiago; até o epílogo, a peregrinación xacobea hoxe en día. Explicando un pouco de quen foi Calixto II e de cada un dos cinco libros que compoñen o Códice: o primeiro, sobre liturxia católica; o segundo, sobre os milagres de Santiago; o terceiro, a Translación dos restos do Apóstolo Santiago a Galicia; o cuarto, dedicado ao Emperador Carlomagno e o libro V, a Guía do Peregrino, unha completa guía descritiva da ruta do Camiño Francés, con consellos, anécdotas,... destacando as opinións que lle merecían os habitantes do norte de España, algunha delas cando menos curiosas,... e finalizando coa descrición da catedral, tanto por fóra como por dentro.
 
O acto incluíu firma de exemplares e deixou á xente con ganas de lelo.
 
A biblioteca do centro dispón de exemplares, se ti tamén estás interesado ou interesada. 
 
Blog de Alejo, inclúe traballos realizados por alumnado do IES Muralla Romana:  Clase de Religión Católica 

03/06/2014 - 18:50
Etc/GMT+1
ACTIVIDADE COMPLEMENTARIA: Presentación de proxectos DAW. 
  Folleto informativo dos ciclos da familia profesional Informática e Comunicacións Día:         3 de xuño
Hora:       18:40
Lugar:      Aula 204
Organiza: Dpto. Informática

O martes 3 de xuño os/as alumnos/as do Ciclo Superior de informática de Desenvolvemento de Aplicacións Web, réxime modular, farán a presentación pública dos seus proxectos.

Nos proxectos que van presentar aplican os coñecementos adquiridos  en todos os módulos do ciclo, desenvolvendo unhas completas aplicacións web, moi profesionais.


C.S. Desenvolvemento de aplicacións web
3 de xuño ás 18:50 h. Aula 204.
Proxectos
Iventide - Rede Social de Eventos e Actos Multiculturais RPG - Xogo de rol
MADAME DEFICIT - Tenda online CONCESIONARIO DE COCHES
Sitio web de venda de produtos electrónicos Vinoteca DosCopas
Sitio web dun centro deportivo SOMOSMTB.COM
Reservas Hotel: vagotri PARTYLUGO.COM


Folleto informativo dos ciclos de "Informática e Comunicacións" Folleto en pdf

Reportaxe fotográfica do cóctel organizado polo alumnado do Ciclo Superior de Secretariado, o día 22 de maio de 2014, con motivo da clausura das XI Xornadas de Interrelación Curricular.

Selfie do C.S. Secretariado (organizadores do evento)

Cóctel 2014
Fotografías

28/05/2014 - 00:00
28/05/2014 - 11:20
Etc/GMT+1
ACTIVIDADE COMPLEMENTARIA: Primavera poética
 

Día:         28 de maio
Hora:       09:00 - 11:20 h.
Lugar:      Fund.NovaCaixaGalicia
                  Praza Maior, Lugo

Para:       1ºESO

Con motivo da celebración do Día das Letras Galegas, no Centro Sociocultural Fundación Novacaixagalicia de Lugo están a impartir obradoiros de poesía durante o mes de maio.
 
Alumnado de 1º da ESO do noso instituto asistirá ao obradoiro poético, Nimbos de poesía. Atreveranse a ser poetas por un día? E a subir a un escenario para ler uns versos?
 
Neste obradoiro coñecerán mellor a Xosé María Díaz Castro, comporán e recitarán.
 

Premiada no Concurso: Jóvenes Talentos. Premio Relato Corto

Anuncio premiada

A alumna Noa Rubio Rodríguez, do IES Muralla Romana, recibe o segundo premio do Concurso Coca-Cola Jóvenes Talentos Premio Relato Corto

A alumna, que formaba parte do grupo de clasificados nos sectores provinciais na 54ª edición do concurso de literatura xuvenil máis lonxevo do país, recibíu o 2º premio nunha cerimonia que se celebrou o pasado venres 23 de maio na Illa de San Simón (Redondela) e que reuníu a todos os finalistas de Galicia.

O concurso, dirixido ao alumnado de 2º de ESO e no que participan centros de toda España, estimula a práctica do relato curto nas aulas. Este IES Muralla Romana xa obtivo diferentes premios en edicións anteriores sendo a profesora Mª Luisa Cadenas quen coordinou o traballo na aula e promoveu a participación do alumnado.

A alumna Noa Rubio Rodríguez, do IES Muralla Romana, recibe o segundo premio do Concurso Coca-Cola Jóvenes Talentos Premio Relato Corto

Máis Información: Web do concurso

26/05/2014 - 16:00
26/05/2014 - 18:30
Etc/GMT+1
ACTIVIDADE EXTRAESCOLAR: Presentación da película
“OS CAMIÑOS ESQUENCIDOS”
  Día:         26 de maio
Hora:       16:00 ás 18:30
Lugar:      IES Lucus Augusti
Para:       4º ESO

Alumnado de 4º ESO asistirá á presentación, no IES Lucus Augusti, da película "OS CAMIÑOS ESQUENCIDOS”. Un filme inspirado na vida de Xosé María Díaz Castro e desenvolto nun obradoiro de literatura e audiovisual do IES Poeta Díaz Castro de Guitiriz, implicándose na súa produción toda a comunidade educativa dese centro.


SINOPSE
Unha casa de aldea e un feixe de papeis desencadenan esta historia na que Iago, un rapaz de doce anos, descubrirá cousas sobre o seu avó que non coñecía e que sen dúbida, lle axudarán a entendelo mellor, a el e ó seu tempo. Unha viaxe ó longo de case un século de vivencias nas que a poesía e a imaxinación cobran un especial protagonismo para recrear as emocións dun tempo pasado que recibe a mellor homenaxe de todas: ser recordado.

Fonte da información: “OS CAMIÑOS ESQUENCIDOS” polo IES Poeta Díaz Castro de Guitiriz

22/05/2014 - 00:00
22/05/2014 - 14:00
Etc/GMT+1
ACTIVIDADE EXTRAESCOLAR: Visita LUGO ROMANO.
  Web de Lugoturismo Día:         22 de maio
Hora:       09:00 ás 14:30
Lugar:      Lugo
Para:       3ºESO (de Cultura clásica)
                    e 4ºESO (de Latín)

Alumnos/as visitarán:

- O templo romano de Santalla de Bóveda, santuario tardorromano datado entre os séculos II e IV. 

-O Centro de Interpretación da Muralla, situado na praza do Campo (edificio histórico do século XVIII). O tema fundamental deste museo é a muralla romana, a súa edificación, as súas características construtivas e os efectos que a súa construción tiveron sobre o urbanismo de Lucus Augusti, os cambios que sufriu e as razóns que os motivaron, ... 

Casa dos mosaicos- A Casa dos Mosaicos, situada na rúa Doutor Castro, nela atopáronse os mosaicos expostos, foi unha casa grande que, segundo os restos achados, foi construída entre os séculos I e II.

- A Domus do Mitreo, xacemento que conserva os restos dunha domus ou casa romana datada entre séculos II e III. Diferentes intervencións arqueolóxicas na zona situada preto da catedral permitiron descubrir: unha domus, un mitreo e o lenzo completo da muralla baixoimperial.


Máis información na web de lugoturismo

19/05/2014 - 11:30
19/05/2014 - 13:30
Etc/GMT+1
ACTIVIDADE EXTRAESCOLAR: O Son da Nosa Fala. A poesía de Manuel María.
  O son da nosa fala Día:         19 de maio
Hora:       11:30 ás 13:30
Lugar:     Cadena Ser (Lugo)
Para:       unha representación de ESO e BAC
Organiza: Dinamización Lingüística

'O son da nosa fala' é un proxecto posto en marcha por Radio Lugo-Cadena Ser, coordinado polo locutor Paco Nieto e a xornalista Tania F. Lombao.

Trátase da segunda edición e nesta ocasión pretende divulgar a obra do escritor chairego Manuel María, falecido no 2004, e apoiar a candidatura deste poeta para o Día das Letras Galegas 2015 .

Consiste na emisión de poemas e pezas biográficas sobre o autor, lidos por figuras públicas e persoas anónimas. O luns 19 de maio aportarán as súas voces alumnado de ESO e BAC do noso instituto.

20/05/2014 - 00:00
20/05/2014 - 11:30
Etc/GMT+1
ACTIVIDADE EXTRAESCOLAR: Visita á Praza de Abastos de Lugo.
  Día:         20 de maio
Hora:       09:00 ás 11:30
Lugar:     Mercado de Lugo
Para:       1º ESO-B
Organiza: Dpto. CC.NN.

Un grupo de alumnos e alumnas do noso instituto visitarán a Praza de Abastos da nosa cidade, para coñecer os produtos de calidade da rexión e o seu uso na cociña. Esta actividade forma parte do Plan Proxecta "Aliméntate ben", sendo o seu obxectivo a mellora dos hábitos alimenticios do alumnado, para manter e fomentar o hábito de consumo de verduras, froitas, lácteos...

Web versión demo: www.mercadodelugo.com

13/05/2014 - 11:00
Etc/GMT+1
ACTIVIDADE COMPLEMENTARIA: Concerto didáctico
  Logo Escola Municipal de Música

Día:         13 de maio
Hora:       11:00 h.
Duración audición:  40' - 60'

Esta actividade é organizada dende a Escola Municipal de Música de Lugo, dependente da Concellería de Cultura, Turismo e Promoción da Lingua do Concello de Lugo.
 
O obxectivo é achegar ós Centros Educativos un anaco da Cultura e Historia Musical vivas da nosa cidade, por medio de Concertos Didácticos.