Historia
da Escritura
Sistemas de escritura.
PICTOGRÁFICO: Un pictograma é un debuxo simbólico que
representa un ser ou obxecto, pero non fai referencia ningunha á pronuncia desa
palabra. O primeiro paso cara á escrita foi en todas partes o sistema
pictográfico.
O debuxo
dun sol cos raios representa a palabra ‘sol'.
IDEOGRÁFICO: Un ideograma é unha imaxe ou símbolo que
representa unha idea (e non só un obxecto, como no caso do pictograma). O paso
do pictograma ó ideograma prodúcese cando aparece a necesidade de denotar calidades,
ideas ou accións que non teñen representación directa; os ideogramas combinan
varios pictogramas para representar ideas. Son sistemas ideográficos a
escritura cuneiforme de Mesopotamia, os xeroglíficos exipcios e a escritura
chinesa.
Estes pictogramas
representan respectivamente no sistema exipcio os actos de ir (ou marchar), de
chorar, o Sur, o fresco (ou a frescura) e a vellez.
SILÁBICO: No sistema silábico cada signo gráfico utilízase
de forma indivisible para representar unha sílaba da lingua. As sílabas poden
estar constituídas por consoante + vogal; vogal + consoante; ou consoante +
vogal + consoante. O sistema silábico
combinouse co pictográfico na escritura cuneiforme de Mesopotamia e nos
xeroglíficos exipcios; tamén teñen carácter silábico as escrituras chinesa e a
xaponesa.
Este símbolo representa en xaponés a sílaba “ki”
ALFABÉTICO: O sistema alfabético é o máis sinxelo e tamén o
máis desenvolvido. Un alfabeto é un sistema no que os signos gráficos
reproducen tódolos sons da lingua, que se combinan para formaren as palabras.
Os alfabetos permiten con moi poucos signos (case ningún pasa dos 30) escribir
todas as palabras de calquera lingua. Hai dous sistemas de escritura
alfabética:
·Sistema consonántico: Só se grafan as consoantes, téndose
que sobreentender as vogais. Son consonánticos o fenicio (o
primeiro alfabeto),
o hebreo, o árabe, etc.
·Sistema vocálico: Gráfanse tanto
as consoantes coma as vogais. Son sistemas vocálicos o grego, o latino, etc.
Seguinte