Hai 35.000 anos, no
Paleolítico, aparecen as primeiras pinturas rupestres en paredes de
cavernas, representando seres humanos e animais. Estas pinturas pódense
atopar en
todos os continentes da Terra. Os motivos e materiais das distintas
pinturas rupestres do mundo seméllanse entre si, a pesar de se teren
feito a milleiros de quilómetros de distancia e con milleiros de anos de
diferenza.
A orixe destes elementos
pictóricos pode relacionarse coa transmisión do saber e da experiencia
dunha xeración a outra (ensino), difusión de ideas, información cara ós
demais, deixar constancia da existencia do home (mitos, lendas, historia
ou relixión). Fose cal fose o obxectivo de cada obxecto da arte
rupestre, a razón da súa existencia implicaba unha forma de comunicación
que, co andar dos séculos, conduciría á expresión escrita.
Anterior