|
MODIFICACIÓN DO CONTRATO DE TRABALLO >Modificación do contrato>Mobilidade xeográfica
| TRASLADOS |
| Concepto |
Considérase traslado o cambio do traballador a un centro de traballo
distinto a aquel para o que foi contratado, que lle esixa cambio de
residencia, de forma definitiva. |
| Motivos |
Para poder levar a cabo un traslado, deben existir motivos económicos,
técnicos, organizativos ou de producción que así o xustifiquen,
ou ben contratacións referidas á actividade empresarial.
|
| Procedemento |
A decisión do traslado deberá ser comunicada polo empresario ó traballador,
así coma ós seus representantes legais, cunha antelación mínima de trinta
días á data da sua efectividade. |
| Opcións do traballador |
- Acepta-lo traslado, percibindo unha compesación polos gastos propios e
os dos seus familiares.
- Extingui-lo contrato, percibindo unha indemnización de vinte días de
salario por ano de servicio, prorrateándose por meses os períodos de tempo
inferiores a un ano e cun máximo de doce mensualidades.
Ver exemplo.
- Trasladarse e impugna-la decisión empresarial ante o Xulgado do Social competente.
|
Entenderase que concurren estas causas, cando a adopción das medidas
propostas contribuian a mellorar a situación da empresa a través dunha
mellor organización dos seus recursos, que favorezan a súa posición
competitiva no mercado ou unha mellor resposta ás exixencias da demanda.
A un traballador, cunha antigüedade de cinco anos na empresa, comunícalle
o empresario a súa decisión de trasladalo a outra localidade de maneira
definitiva. Este traballador, que cobra 1200 €/mes e dúas pagas extraordinarias
do mesmo importe ó ano, decide extingui-lo seu contrato.
Terá dereito a seguinte indemnización:
Salario diario:
1200/30+(2*1200)/360= 46,67 €/día
Indemnización:
20 días de salario por ano traballado
Límite: 12 mensualidades
46,67*30*12 = 16.801,20 €
O traballador vese obrigado a transladarse mentras non exista sentencia xudicial,
xa que no caso contrario, consideraríase que éste abandonou o seu posto de traballo.
A sentencia declarará o traslado xustificado ou inxustificado y , neste último caso,
recoñecerá o dereito do traballador a ser reincorporado ó centro de traballo de orixe.
|
