Persoal

Materias

Pendentes

Programación

Instalacións

Actividades extraescolares

Departamento de Educación Física.
Curso 07-08

Persoal do departamento

O Departamentos de Educación Física está formado por:

PROFESOR/A	TITORÍA/CARGO
Begoña Fernández López	-
Carlos Gómez Osa	Titor E4D
Marcos López Corredoira	Xefe de Departamento

Materias impartidas

O Departamento de Educación Física imparte a súa materia en tódolos cursos da ESO e en 1º de BAC.

Atención ao alumnado pendente

Tendo en conta o carácter progresivo da materia de Educación Eísica, durante a Educación Secundaria Obrigatoria, aquel alumnado que supere a materia acadando os obxectivos establecidos nese nivel educativo, será avaliado positivamente dos contidos nos niveis educativos que os preceden.

Programación do Departamento

Na programación do Departamento poderás ver: os temarios, actividades extraescolares, criterios de avaliación, etc. Pódese obter a programación descargando este arquivo.

Instalacións do Departamento

O centro conta con varias instalacións específicas para a práctica da Educación Física

• Dous ximnasios de 10 x 15 mts aproximadamente, con almacén para material deportivo. (Ximnasio A)
• Dúas pistas polideportivas exteriores de diferentes medidas.
• Unha pista polideportiva cuberta de 50 x 20 mts (Polideportivo E).
• Un ximnasio cunhas medidas de 15 x 25 mts, con dous vestiarios, un almacén para material deportivo e un despacho para o profesorado de EF. (Pavillón C).

Actividades complementarias e extraescolares

Este departamento ten previsto realizar as seguintes actividades complementarias:

Escolas deportivas.

Nun primeiro momento tratarase de potenciar a máxima participación do alumnado nas distintas escolas deportivas, organizadas pola Deputación Provincial e o Patronato de Deportes, entre as que podemos destacar:

• Travesía en kaiac.
• Tiro con arco.
• Actividades de loita.
• Tenis.

Actividades extraescolares.

Entre as diferentes actividades extraescolares organizadas polo Departamento podemos destacar as seguintes:

• Semana branca.
  Realización dun curso de esquí dunha semana de duración con diferentes niveis, nunha estación invernal por confirmar.
• Actividades interdisciplinares.
  Buscarase o aproveitamento da realización de actividades conxuntas entre varios departamentos para a inclusión de aspectos físico–deportivos nas mesmas.
• Ligas internas.
  Levaranse a cabo diferentes ligas deportivas de carácter interno que intenten abarcar o amplo espectro do deporte, incidindo sobre aquelas que estean en consonancia coa dotación de recursos e material do centro.
• Xogos tradicionais.
  Realizarase unha sesión didáctica a finais de curso, incluída no festival de fin de curso, que globalice xogos populares e tradicionais, tales como:
  • A rá.
  • A chave.
  • O sogatira.
  • O ferrón.
  • A raiola.
  Coa finalidade de que o alumno adquira coñecementos sobre xogos de carácter motor dos seus ancestros, variantes dos mesmos, etc.
• Rotas en bicicleta..
  Levaranse a cabo excursións cunha duración dun día sin pernocta na que o alumno entrará en contacto, co medio natural, traballando contidos como a orientación, coñecemento do medio, colaboración e cooperación cos compañeiros.....Nun entorno próximo o centro educativo.

Calendario.

ACTIVIDADE	NIVEIS	DATAS
SEMANA DA NEVE	1º BAC	XANEIRO-MARZO
ROTAS EN BICICLETA	4º ESO	MAIO-XUÑO
RAFTING	4º ESO	MAIO - XUÑO
TRAVESÍA KAYAC	3º ESO	ABRIL-MAIO
TIRO CON ARCO	2º ESO	XANEIRO-MARZO
LOITA LIBRE OLÍMPICA	1º ESO	XANEIRO-MARZO
XOGOS TRADICIONAIS	TODO OS NIVEIS	MAIO
LIGAS INTERNAS	TODO OS NIVEIS	OUTUBRO - MAIO

---