Persoal

Materias

Pendentes

Programación

Actividades extraacadémicas

Departamento Xeografía e Historia.
Curso 07-08

Persoal do Departamento

Este Departamento está formado por:

PROFESOR/A	TITORÍA/CARGO
Teresa Carreira García	-
Gonzalo X. Francisco da Rocha	Titor E4B
Horacio García Cebral	-
Mª América García Fernández	Xefa de Departamento
Josefa López Rivas	Titora E4E
Fortunato J. Quintela Rego	-
Juan Carlos Rodríguez Barrera	-
Josefa Teijeiro Veiga	Titora E2E

Materias impartidas e libros de texto

O Departamento imparte clase de Xeografía e Historia en todos os niveis da ESO e de BAC. Ademais imparte Cultura Relixiosa en 1º e 2º da ESO. Indícanse na seguinte táboa as materias impartidas distribuidas por cursos, así como os libros de texto utilizados.

CURSO	MATERIA	TÍTULO	AUTOR	EDITORIAL
1º ESO	Xeografía e Historia Cultura Relixiosa	Ciencias Sociais. Xeografía e Historia. 1 -	VVAA -	Rodeira-Edebé -
2º ESO	Xeografía e Historia Cultura Relixiosa	Ciencias Sociais. Xeografía e Historia. 2 -	VVAA -	Oxford -
3º ESO	Xeografía e Historia	Xeografía. Ciencias Sociais. 3	VVAA	Rodeira-Edebé
4º ESO	Xeografía e Historia	Historia. Ciencias Sociais. 4	VVAA	Oxford
1º BAC	Xeografía e Historia	Historia do Mundo Contemporáneo	VVAA	Consorcio Editorial Galego
2º BAC	Xeografía e Historia	Xeografía Historia de España Historia da Arte	Muñoz-Delgado, Mª Concepción VVAA VVAA	Anaya Consorcio Editorial Galego Consorcio Editorial Galego

Atención ao alumnado pendente

O alumnado que teña a materia pendente do curso anterior logrará superala do seguinte xeito:

O Departamento de Ciencias Sociais, Xeografía e Historia decidiu:

• Entregar un caderno de actividades o alumnado coa materia pendente para a súa elaboración e posterior entrega para ser corrixido. A elaboración deste caderno posibilita ó alumno traballar a materia que se correspondería con cada avaliación.
• Este caderno complementará a proba escrita en cada trimestre. Dado que o número de alumnos coa materia suspensa son poucos, este sistema permitirá un mellor seguimento do proceso de aprendizaxe do alumno e tamén permitirá facer unha mellor observación das súas carencias, fallos ou problemas de comprensión.
• Cada avaliación, os alumnos realizarán unha proba escrita na que deberán amosar a adquisición de coñecementos e a superación das carencias anteriores. A cualificación positiva da materia non estará supeditada, única e exclusivamente, á nota desta proba senón que se terá moi en conta, polas razóns expostas anteriormente, o interese do alumno na presentación e realización do caderno (autocorrección, pregunta de dúbidas, actitude positiva...).
• No mes de setembro, aqueles alumnos que non superaran a materia en maio, realizarán unha proba escrita. Teranse en conta as mesmas premisas que na proba de finais de curso.

Programación do Departamento

Na programación do Departamento poderase ver: temarios, actividades extraescolares, criterios de avaliación, etc. Pódese obter a programación descargando este arquivo.

Actividades extraescolares

1º da ESO:

Visita ó Museo de Prehistoria de Vilalba.

4º da ESO:

• Unha viaxe a A Coruña, similar, na medida do posible, a do ano pasado que tanto éxito tivo entre o alumnado do nivel. Pretendente visitar, fundamentalmente, as instalacións de La Voz de Galicia,...; así como facer algunha outra visita interesante na mesma cidade, se o tempo o permite. Os alumnos e alumnas poderán coñecer diversos aspectos dunha cidade cunha gran actividade cultural, pero tamén industrial e comercial.
• Para este nivel (4º da ESO) está tamén programada a colaboración, atendendo á “interdisciplinariedade” cunha actividade do Departamento de Educación Física. Trátase de rutas en bicicleta á elementos de patrimonio cultural e monumental da comarca da Terra Chá: Mámoa de Roza das Modias, Torre de Caldaloba, Lagoas de Cospeito,... eles trazarían o camiño e nós informaríamos dos aspectos históricos, culturais dos lugares a visitar.

BAC:

Plantéxanse as actividades seguintes:

• Para 2º BAC, Xeografía, proponse unha excursión a algunha paraxe do país polo seu interese xeográfico físico e/ou humano. Podería ser ó Courel e a súa orixinal “Devesa da Rogueira”, e/ou a duna colgada da praia de Trece, preto do Cabo Vilán, na Costa da Morte, ambas visitadas cunha ruta de sendeirismo.
• Para 1º e 2º de BAC, plantéxase unha viaxe a Mérida, en colaboración cos departamentos de Clásicas. A viaxe iría dedicada aos alumnos do Bacharelato de Humanidades. Considérase axeitada, esta viaxe, por diversos motivos, pero, fundamentalmente, polo achegamento á arte, á cultura, e ó legado romano. Permitiralles, ademais, relacionar e comparar dúas urbes importantes da Hispania romana: Lugo e Mérida.

PROXECTO COMENIUS

Por outra banda, o noso Departamento tamén participa no programa “Comenius” por medio do profesor Don Gonzalo Xosé Francisco da Rocha e dos alumnos de 4ºESO B, que desenvolverán traballos dentro das directrices marcadas para reflexionar sobre a “identidade europea” en construcción, con actitudes tolerantes e enriquecedoras a partir da súa realidade inmediata. Para fins de febreiro, ou principios de marzo, está prevista a viaxe a Salónica –Grecia- de dito profesor xunto con un ou dous compañeiros máis, e un número de alumnos por determinar para o intercambio e posta en valor dos traballos realizados.

---