CONCURSO   DE   POSTRES   DO   ENTROIDO

Os Equipos de Normalización Lingüística dos institutos de Fene, convocan un concurso de larpeiradas e postres de Entroido que se rexerá polas seguintes

BASES
 

Poderá participar calquera membro da Comunidade Educativa destes institutos, que poderán entregar cantos postres estimen convenientes.
• Os postres virán elaborados de casa, empregando na súa elaboración a materia prima que se desexe.
• Os alimentos que se presenten a concurso  entregaranse na Biblioteca do IES, onde se lles entregará un nº a cada un para a posterior escolla.
• O Xurado estará composto por unha comisión nomeada polo E.N.L. que dictaminará sobre o mesmo de xeito inapelable, podendo declarar os premios desertos, así como tendo facultade para modificar algún punto destas bases en función de circunstanciais  especiais.
• No caso do alumnado, a participación no concurso supón que a aula á que pretenza o concursante terá dereito ás clases libres que se establezan para a degustación dos postres.
• Establécese un único premio para o mellor postre, aínda que o xuri poderá conceder premios a maiores no caso de que estime que a calidade dos traballos así o merecen.
• Os premios estableceranse en función dos presupostos dos institutos.
• O prazo para entregar os postres irá  dende as 8,25 até as 10,05 da mañá do venres día 16 de febreiro de 2007.
• A participación no concurso supón a aceptación destas bases.