| |
MOSTRA DE ARTESANÍA VIVA ..................................Páxina
3 >>>
A mostra fixémola os alumnos de 2º de Eso co fin de
que non se perdese e se valorase a nosa artesanía. Estivo
moi ben porque traballaron distintos artesáns locais: de
barro, de coiro, de ferro, de madeira, de bolillos e ensináronnos
en vivo e en directo como se facían algunhas cousas.
Uxía Fuciños Vázquez. S2E.
O MAGOSTO
O magosto, é unha festa tradicional que todos coñecemos,
e malia isto, como moitas outras celebracións populares,
estase a perder. Non é de estrañar, posto que a meirande
parte dos xoves se mostra indiferente ante estas manifestacións
populares que se transmitiron de xeración en xeración,
mais parece que estamos dispostos a ser o "elo débil"
desta cadea (digo isto a sabendas de que a voso "pasotismo"
non volo deixará comprender).
A Asociación de Alumnos, consciente disto, puxo todo o seu
empeño en organizar para vós esta festa popular e,
por iso, a todos aqueles que asististes queremos agradecervos a
vosa presencia.
Agardando que o pasarades tan ben coma nós, desexamos vervos
en futuras actividades que esperamos, organizaremos, e que non serían
posibles sen xente que, coma vós, nos axudou a levar a cabo
esta iniciativa na que puxemos tanta ilusión.
Que saibades que por vós, si mereceu a pena: GRACIAS por
implicarvos.
Asinado: A ASOCIACIÓN DE ALUMNOS
O Prestige
O pasado 11 de novembro realizouse no centro un acto de lembranza
da catástrofe do Prestige, xa que había un ano que
afundira.
No corredor hai unha exposición que nos transmite cómo
a crise do Prestige lastimou e segue a lastimar as nosas costas.
Os artistas galegos adicáronse a comunicarlle á xente
de todo o mundo as súas opinións mediante as suás
manifestacións públicas para que se concienciaran
da gran crise ecolóxica que estaba a sufrir Galiza nestes
e naqueles momentos.
Os científicos estannos a avisar de que as partículas
de fuel se están a dispersar e que próximamente ditas
partículas se introduciran nas cunchas dos crustáceos
provocando una onda de destrucción maior.
¡¡¡¡¡NUNCA MÁIS!!!!!
Ruth Fernández García
Tania Váquez Prado
|
|
