NOVAS DO EQUIPO DE NORMALIZACIÓN LINGÜÍSTICA..Páxina 4 >>>

Entre as moitas actividades que ten previsto realizar o ENL, podemos destacar as seguintes:
- Realización dun estudio completo, a través da análise de tres xornais, dos topónimos utilizados nas necrolóxicas, para intentar intervir diante dos propios xornais de cara ao respecto da toponimia oficial.
- Realización dun estudio completo dos nomes de persoa do alumnado, nun intento de valorar o nivel de galeguización dos mesmos e de promover o cambio para as formas galegas.
- Realización dun estudio sobre os nomes que utilizan os equipos de fútbol de todas as categorías galegas, coa finalidade de contrastar os resultados cos doutro estudio realizado hai anos no Centro e co obxectivo último de intervir na galeguización deses nomes e no respecto á toponimia oficial. Para desenvolver esta actividade, contarase coa colaboración da Federación Galega de Fútbol.
Por suposto, non sobra recordar que todas as actividades precisan da vosa axuda. Non deixedes de colaborar para defender a vosa lingua; como non, O GALEGO.