"Biblos" preséntase como o proxecto máis ambicioso para a promoción da lectura en Galicia dos últimos anos. Da lectura en galego, claro.
"Biblos" é un novo proxecto que vende e distribúe libros a domicilio, o mesmo método do coñecido Círculo de Lectores. Por unha cota anual de subscrición de 15 euros, os abonados a "Biblos" poderán mercar a través da súa revista, e sen gastos de envío, libros galegos e portugueses. A obriga de cada aboado é mercar polo menos un volume, rebaixado nun 5%, cada dous meses.

Os responsables desta iniciativa empresarial son o xornalista Tucho Calvo e a súa muller Carmela González Boo que apostan pola venda por catálogo como saída de futuro dun sector que atravesa un mal momento.

O obxectivo de "Biblos Clube" é conseguir 8.000 subscritores. O ENL deséxalle sorte pois pensamos que é unha iniciativa positiva e necesaria para o libro galego.

O "Biblos Clube" nace coa pretensión de rachar coa "invisibilidade e marxinación" que sofre o libro galego.