FALADOIRO MES DE OUTUBRO
30 September, 2016 por admin
O Faladoiro é unha actividade aberta a todo o alumnado de Filosofía, tanto de 4º da Eso como de 1º e 2º de bacharelato. Asistir e participar dá dereito a unha posible mellora na avaliación trimestral nas condicións que o profesor exporá nas respectivas clases.
O Faladoiro está aberto tamén á participación de calquera persoa da comunidade educativa do centro e mesmo a calquera persoa convidada por algún dos participantes, aínda que non pertenza ao centro.
As sesións terán lugar nas tardes do xoves, unha vez ao mes, cunha duración exacta de unha hora (entre as 17 e as 18 horas, se non hai advertencia previa en contra).
A primeira sesión deste curso desenvolverase a tarde do xoves día 13 de outubro.
O seu tema será: IDENTIDADE HUMANA E TECNOLOXÍAS.
Os textos que se tomarán como base para a exposición e o debate son:
Mark Vernon: La respuesta de pensamiento profundo a la vida, al universo y a todo. Cap. 27, páxs. 151 a 154.
Theodore Schick: Las Grietas del Destino: la amenaza de las tecnologías emergentes y los anillos de poder de Tolkien. En El Señor de los Anillos y la Filosofía, páxs. 37 a 51.
Fernando Savater: Las preguntas de la vida. Páxs. 185 a 189.
Todos estes libros están dispoñibles na biblioteca do centro.
Quen queira facerse cargo da exposición dos mesmos, debe informar previamente ao profesor.