Acícula: folla longa, delgada e puntiaguda.

Acuminado: terminado en punta.

 Alterno: inserto a un e outro lado do talo en diferentes nós.

 Caducifolia: dise das plantas que perden as follas tódolos anos.

 Composto: follas que se compoñen de un ou varios foliolos.

 Coriáceo: de consistencia recia, aínda que con certa flexibilidade, como o coiro.

 Crenado: que ten festóns ou dentes romos.

 Decusadas: dise das follas, ramas, etc. cando son opostas e están colocadas de tal maneira que forman unha cruz coas dos nós superior e inferior contiguos.

 Enteiro: órgano de bordos lisos, sen entrantes nin saíntes.

 Envés: cara inferior da folla.

 Escotado: provisto dunha escotadura pouco profunda.

 Escuamiforme: con forma de escama ou parecido a unha escama.

 Estipe: tronco das palmeiras.

 Face: parte superior do limbo da folla.

 Foliolo: cada unha das partes nas que se divide unha folla composta.

 Lampiño: desprovisto de pelos.

 Limbo: lámina da folla.

 Oblongo: máis longo que ancho.

 Ovado: en forma de ovo coa parte máis ancha na base. Aplícase a órganos laminares.

 Pecíolo: rabo que une a base da folla ó talo.

 Peloso: que ten pelo.

 Perennifolio: dise das plantas que se manteñen verdes todo o ano.

 Pinnado: dise da folla composta con folíolos a ambos lados do raque.

 Raque: nervio medio das follas compostas sobre o que se enxertan os foliolos

 Verticilos: conxunto de ramas, follas, etc. que nacen no mesmo nivel do eixe do talo, se son máis de dous.