Nas antigas Escolas
Públicas impartíronse clases para adultos a partir de 1.920. En 1.963,
para combater o analfabetismo, creouse a Campaña de Alfabetización,
que deu paso a outras experiencias como a Pequena Universidade, as
campañas de promoción Cultural e finalmente á Educación Permanente de
Adultos.
Creado con carácter oficial un Centro
de Educación de Adultos con catro profesores, desenvolveu a súa
actividade na Rúa Pedro Saco 4, con programas de alfabetización e
preparación para a obtención do certificado de escolaridade e do título
de Graduado Escolar.
Complementábase este labor con
actividades profesionalizantes dirixidas a persoas adultas, que desexaban
promocionarse cultural ou laboralmente, co ofrecemento de cursos de
actividades artísticas, cociña, mecanografía, contabilidade,
informática, galego, inglés, francés, confección de prendas, álxebra,
historia comarcal, bolillos, fotografía, encadernación, etc
En setembro de 1.999 o Centro EPA
integrouse no Instituto de Ensino Secundario "Gregorio
Fernández", ampliando a oferta de ensino de adultos, que agora
abrangue un amplo abano de posibilidades.
