volver ao índice de fichas

relatividade

A teoría especial da relatividade baséase en dous postulados de A.Einstein

Non se pode detectar experimentalmente o movemento uniforme absoluto

A velocidade da luz é unha constante independente do movemento do emisor

Unha consecuencia importante dos postulados é que todos os observadores en movemento relativo deben medir a mesma velocidade da luz, c. O experimento de Michelson-Morley confirmou a validez do segundo postulado e para facelo compatible co primeiro houbo que modificar os conceptos de ''tempo'' e ''espacio''.

• O intervalo de tempo medido entre dous sucesos que se produce nun mesmo punto dun sistema de referencia chámase tempo propio (Δt_o). Noutro sistema de referencia que se move respecto ao primeiro cunha velocidade v o intervalo de tempo é maior (Δt) nun factor ξ, tal que así logo Δt_o = ξ.Δt . O mesmo acontece coas lonxitudes, sen embargo a lonxitude propia é máis longa ca outra calquera, entón L_o = L / ξ .
• Dous sucesos que son simultáneos nun SR O non son simultáneos noutro SR O' en movemento relativo respecto ao primeiro. Entón dous reloxos sincronizados no primeiro sistema non estarán sincronizados no segundo.
• As magnitudes físicas relevantes que determinan o estado dunha partícula (cantidade de movemento e enerxía) na mecánica relativista exprésanse así: p= mv e E = mc², onde m = m_o / ξ , e m_o é a masa do corpo en repouso.

Da relación anterior dedúcese que a masa en repouso dunha partícula de masa m_o debe ser E_o = m_oc² e polo tanto para unha partícula que non estea sometida a forza ningunha (sen enerxía potencial), a súa enerxía cinética EC será a diferencia entre a enerxía total e a enerxía en repouso ( e non!! 1/2.mv² ) , EC = mc²-m_oc² = (m-m_o)c² .

A relatividade pode xeralizarse a sistema de referencia acelerados, o resultado chámase teoría xeral da relatividade e baséase no principio de equivalencia: un campo gravitatorio homoxéneo é completamente equivalente a un sistema de referencia uniformemente acelerado. Este principio implica a equivalencia entre as masas inercial e gravitatoria e predí a curvatura da luz no interior dun campo gravitatorio, e a existencia de buratos negros, etc..

Anterior: ELECTROMAGNETISMO ; Seguinte: CUÀNTICA