Para poder atopar as leis que governan os cambios que experimentan os corpos cando pasa o tempo debemos describir eses cambios e rexistralos dalgún xeito. O cambio máis sinxelo, observable, é o cambio de posición co tempo, ao cal chamámoslle movemento. A cinemática é a parte da Física que estudia o movemento dos corpos. Historicamente estivo relacionada cos movementos dos corpos na Terra, dos planetas, do Sol, da Lúa, etc. O plantexamento xeral da cinemática é o seguinte: se coñecemos as características (magnitudes cinemáticas) actuais do movemento dun corpo ... podemos predicir a súa posición no futuro?

Para describir o movemento dun corpo necesitamos un sistema de referencia, SR, (o movemento é un concepto relativo) espacio-temporal e a traxectoria do corpo respecto dese SR. Cando un corpo se move respecto dun SR cambia a súa posición co tempo. As seguintes magnitudes físicas son útiles para describir eses cambios:

• intervalo de tempo → tempo transcurrido entre dous instantes t e t_o
• cambio de posición → distancia entre dúas posicións pola traxectoria e e e_o
• rapidez media → relación entre o cambio de posición e o tempo empregado en cambiala
• aceleración media → relación entre o cambio de rapidez e o tempo empregado en cambiala

Antes de continuar debemos facer as seguintes puntualizacións:

• SISTEMA DE REFERENCIA (SR): o estado de repouso ou movemento dun corpo está asociado sempre a un SR. Ese SR é o que utilizamos para describir o movemento e sempre será necesario indicalo. Como existen moitos SR posibles é recomendable escoller o máis cómodo (aquel que describa o movemento máis sinxelamente).
• POSICIÓN (e): cando a traxectoria está fixada e podemos medir sobre ela (p. ex. unha estrada, via de tren, pista de atletismo, etc.) o SR pode ser calquera punto da traxectoria e escollerémolo coma orixe das posicións (O). Entón, a posición estará dada pola distancia á orixe medida sobre a traxectoria. Ademáis do valor numérico tamén debemos especificar esquerda-dereita ou arriba-abaixo, mediante os signos matemáticos + e - para evitar ambigüedades. Pero cando non se pode medir sobre a traxectoria (p.ex. satélite, tiro horizontal, parbólico, etc.) a posición, non se pode utilizar directamente e é necesario empregar outras magnitudes: ángulo, coordenadas, etc.
• TEMPO (t): para indicar o instante en que o móbil se atopa nunha posición dada é necesario tamén unha orixe de tempos (decidir cando empezamos a contar o tempo). O instante elixido como t = 0 pode ser calquera e podemos escoller o máis cómodo para facer o estudio: p.ex. nunha carreira escóllese como t = 0 o instante da saída. Na vida cotiá temos un tempo universal dado polo calendario e polo reloxo.
• RAPIDEZ (v): o valor numérico da rapidez é unha medida do cambio de posición co tempo que tarda en producirse. Sen embargo, o cambio de posición, normalmente, non coincide coa distancia percorrida: un móbil pode percorrer unha distancia moi grande en pouco tempo e ter unha rapidez pequenisima (incluso nula se volve ao mesmo punto). Aquí tamén debemos especificar o valor numérico co seu signo ''+'' e ''-'' dependendo se o móbil se despraza dereita-esquerda, arriba-abaixo, etc. Xeralmente nós medimos a rapidez media. Esa rapidez non dá información da rapidez do móbil nun istante dado (chamada rapidez instantánea) e normalmente ambas non coinciden (só cando v = 0 ou v = Cte).
• ACELERACIÓN (a): non debemos dar automaticamente valor positivo ou negativo á aceleración cando o móbil acelera ou frea. O signo da aceleración por si mesmo non dá información sobre se o móbil está acelerando ou freando. O signo da a depende unicamente do signo de Δv. Realmente é o SR elixido quen determina o signo da aceleración. Xeralmente nós medimos a aceleración media. Esa aceleración non dá información da aceleración do móbil nun istante dado (chamada aceleración instantánea) e normalmente ambas tampouco coinciden (só cando a = 0 ou a = Cte).

Os movementos podémolos clasificar segundo o tipo de traxectoria (recta ou curva) e segundo os valores das magnitudes cinemáticas (v = Cte, a = Cte, etc). Nós imos estudiar os máis sinxelos:

Seguinte: DINÁMICA