volver ao índice de fichas

dinámica (leis de Newton)

Un dos aspectos fundamentais que contribuíron ao desenvolvemento da Mecánica foi o estudio (por Galileo, Newton e outros) das causas dos cambios no movemento, as causas de que un movemento sexa dun tipo ou doutro (segundo a clasificación que fixemos en cinemática). O concepto de forza máis útil é o de Newton (definido nos principios da Dinámica). Para Newton a forza é a causa do cambio de movemento (aceleración), segundo a relación F = ka.

Os principios da Dinámica enunciados por Newton establecen:

• Cando un corpo leva movemento uniforme non actúa ningunha forza sobre el ou as forzas que actúan están equilibradas → se v = Cte, entón F_Res = 0

Este principio unicamente dá unha idea cualitativa de forza, sen embargo é necesario para distinguir entre forza como "causa de cambio no movemento" e a idea de forza como "causa do movemento", segundo a cal para manter en movemento uniforme un corpo habería que tirar del cunha forza, cando a forza non actúa o corpo volvería ao seu "estado natural" que é o repouso, polo que forza e velocidade estarían hipoteticamente relacionadas directamente segundo a ecuación F = kv.

• Cando sobre un corpo actúan forzas non equilibradas o seu movemento non é uniforme e polo tanto terá aceleración. A forza é directamente proporcional á aceleración → se v ≠ Cte → F_Res ≠ 0, entón F_Res = m.a

Esta é a definición operativa de forza, tendo en conta que a constante de proporcionalidade é a masa do corpo,m). Loxicamente para ser útil necesita a definición adicional dunha masa patrón (que no SI é o quilogramo).

• As forzas son producidas polas interaccións entre os corpos, por eso cando un corpo interacciona con outro as forzas que mutuamente exercen entre si son iguais en módulo e dirección, pero de sentido oposto. É dicir, F_A= -F_B

As forzas aparecen como consecuencia das interaccións, pero ¡¡ nunca por outras causas !!.

Anterior: CINEMÀTICA ; Seguinte: APLICACIÓNS da DINÀMICA