METALCRUCES

Os alumnos de 1º do Ciclo de Soldadura e Caldeirería participamos neste curso nun concurso “Proxectos Empresariais Cooperativos” convocado pola Xunta de Galicia e obtivemos o segundo premio, que nos foi entregado en Santiago polo Conselleiro de Educación durante o acto de clausura do III Congreso Galego de Cooperativas. Recibimos unha dotación económica de 500 euros para o alumnado e outros 200 para a compra de libros.

A cooperativa do noso proxecto chamábase METALCRUCES.coop. A seguir ímosvos explicar a grandes trazos as súas características.

METALCRUCES é un taller de soldadura e caldeirería orientado ó servicio técnico de reparación de maquinaria agrícola e industrial, á realización de subcontratas con outras empresas do sector do metal da zona e mais á montaxe de estruturas metálicas de pequenas dimensións.

As partes das que constaba o noso proxecto son:

1. Un estudo socioeconómico da zona: distribución da poboación e mercado de traballo.
2. Análise dos sectores de produción: sector primario, sector secundario, construción e sector terciario.
3. Empresas comarcais do sector do metal.
4. Antecedentes: identificación e xustificación do proxecto e elección da forma xurídica (cooperativa).
5. Análise do mercado: estrutura actual, impacto da nova empresa cooperativa.
6. Tipo de servizo e produto que se oferta.
7. Proveedores de materias primas.
8. Recursos humanos.
9. Plan comercial ou de márketing.
10. Subvencións que pode recibir a cooperativa.
11. Financiamento e inversión.

A razón de que propuxeramos este tipo de cooperativa débese a que estamos situados nunha zona eminentemente agrícola e, nun futuro, Metalcruces podería ser unha realidade, posto que, entre outros motivos, existe unha gran demanda no sector metalúrxico; de feito, o 100% dos alumnos das anteriores promocións está traballando en empresas da comarca.

Alberto Granja, José A. Mosquera, David Carreira, Mario Bravo, José Ramón Gómez e Gloria Fernández, 1º CF