| |
COCIÑA
INTERNACIONAL
Polo
guisado cun "moro" de chícharos
Ingredientes
para o polo guisado:
-1 polo
-salsa de tomate
- cebola, allo, pementos e ourego
-aceite
-azucre
-auga
-avecrén
Ingredientes do “moro”
de chícharos:
-Arroz
-Chícharos
-Pementos
-Allo, cebola, ourego
-Aceite e auga
|
|
Preparación
do polo:
Pícase o polo en anacos pequeniños
e lávase moi ben. Logo mestúrase
con ourego, allo, cebola, pementos e aceite
e déixase un pouquiño para
que colla sabor. Despois colocamos unha
tixola no lume con aceite e unha cullerada
de azucre; removemos e cando o azucre
estea dourado botamos o polo só,
deixamos que se frita un pouco e engadimos
o allo, cebola e todo o que mesturaramos
antes co polo e mais un chisco de auga.
Esperamos que se vai facendo e engadimos
auga segundo a vaia necesitando ata que
estea brando. Entón incorporamos
unha pouca salsa de tomate, unha pastilla
de avecrén e máis auga e
despois de cinco ou dez minutos de cocción
xa está listo para comer.
Preparación
do "moro" de chícharos:
Picamos allo, cebola e pementos. Poñemos
unha pota ao lume con aceite e botamos
o picado anteriormente, engadindo tamén
ourego; deixamos que se frita un pouco
e logo botámoslle unha pouca auga
e os chícharos. Mentres ferve un
pouco lavamos o arroz varias veces e incorporámolo
á pota cos demais ingredientes,
tapámolo e deixámolo cocer
uns 45 minutos. Despois deste tempo dámoslle
a volta unha culler, engadímoslle
un pouco aceite e volvémolo tapar.
Trancorridos cinco minutos, a lume lento,
xa o podemos servir.
Virgilio
H. Pinales, 4º ESO
|
|
"Sarmales" |
Ingredientes:
-medio quilo de arroz
-1 kg de carne picada
-1 cebola grande
-salsa de tomate
-repolo
-cenorias
-aceite, sal
|
|
|
Preparación:
Métense as follas de repolo en
auga fervendo só uns momentos,
sácanse e póñense
nun prato. Nunha pota cócese o
arroz durante 15-20 minutos. Noutra pota
ponse aceite e a cebola moi picadiña,
deixándoa ata que estea dourada;
entón engádese a cenoria
relada e de alí a un anaco a salsa
de tomate. Esta mestura xúntase
co arroz e coa carne picada e déixase
arrefriar.
A continuación collemos unha folla
de repolo, colocámoslle enriba
un pouco desta mestura e enrolámola;
procedemos así ata rematar a mestura.
Logo poñémolos nunha pota
cun pouco de repolo cortado, unhas follas
de loureiro e auga e deixamos cocer os
“sarmales” a lume lento unha
media hora, máis ou menos e ...
bo proveito!
Alexandra
Radu, 3º ESO
|
|
"Filloa"
de ovo con leite
|
Aquí
tedes unha receita de Apicio, gourmet
romano do século I da nosa era.
Como vedes, salvando o exotismo de mesturar
pementa e mel, é un prato sinxelo
e saboroso para o padal de hoxe en día.
Probádea.
|
|
|
Ova
spongia ex lacte:
Ova quattuor, lactis heminam, olei unciam
in se dissolvis, ita ut unum corpus facias.
In patellam subtilem adicies olei modicum,
facies ut bulliat, et adicies impensam
quam parasti. Una parte cum fuerit coctum,
in disco vertes, melle perfundis, piper
adspargis et inferes.
Apicius,
De Re Coquinaria
“Filloa”
de ovo con leite
Bate
catro ovos, unha hemina (algo menos de 280
cl.) de leite e unha onza (uns 30 gr.) de
aceite ata que estean completamente mesturados.
Nunha tixola delgada bota un pouco de aceite
e cando queza, engade os ingredientes que
preparaches. Cando estea feita por un lado,
vértea nun prato, bótalle mel
por riba, esparexe con pementa e serve.
|
|
Musaká
|
| Ingredientes:
-1
quilo de berenxenas
- 3 patacas grandes
- 150 cl. de aceite de oliva
- 2 cebolas grandes
- 750 gr. de carne picada,
preferibelmente de tenreira.
- 3 tomates grandes
(pódense utilizar tamén
de bote)
- canela, ourego
- ½ vaso de viño tinto
- sal e pementa
Para a bechamel:
-5 culleradas sopeiras de fariña
-100 g de manteiga
-1/3 l de leite tépedo
-noz moscada
-1 vaso de queixo relado
-2 ovos
|
|
|
|
Preparación
Lava
e pela as berenxenas ou as cabaciñas,
córtaas en rebandas e ponas en auga
lixeiramente salgada durante aproximadamente
unha hora. Retíraas e sécaas
colocándoas sobre papel de cociña
absorbente. Despois fríteas no aceite
ata que se douren pero sen facerse totalmente.
Sácaas do aceite e esténdeas
sobre papel absorbente. Noutra tixola, frite
a cebola ata que se poña transparente,
engade a carne picada removendo suavemente.
Engade os tomates, as especias e o viño
e continúa a cocción durante
uns 20 minutos ou ata que se consuma a auga.
A
bechamel: bota a manteiga nun cazo, engade
a fariña remexendo constantemente
e despois engade pouco a pouco o leite tépedo,
removendo con forza. Apártao do lume
e bota, sen deixar de remexer, as especias
e o queixo. Engade os ovos só cando
a bechamel teña arrefriado.
Despois, nunha bandexa de forno, estende
unha capa de berenxenas ou cabaciñas,
unha capa de patacas (que estarán
previamente cocidas e cortadas en rebanadas),
unha capa de carne picada, outra capa de
patacas e outra de berenxenas e deseguida
cubre omusaká coa bechamel. Méteo
a forno alto durante 45 minutos ata que
adquira boa cor.
En
Chipre adoitan utilizar cazolas de barro
para fornear o musaká e, en efecto,
adquire un sabor diferente.
|
Ilustracións
de David Viqueira, 2º Bach
|
|
