| |
A SIDA
| “Ninguén
é tan novo que non poida morrer, nin
tan vello que non poida vivir un día
máis·.” CONTROLA! |
Ola a todos/as!
Seguro que moitos de vós escoitastes falar
sobre a SIDA, pero nunca vos parastes a pensar
o que é realmente. Ímosvos falar
un pouco sobre o tema, para facervos reflexionar.
De forma xeral expoñeremos os efectos,
os tratamentos, as transmisións, …
Comezamos cunha pequena introdución:
SIDA é a abreviatura de Síndrome
de Inmunodeficiencia Adquirida. Debido á
infección do virus o noso sistema inmunolóxico
debilítase e a consecuencia disto aparecen
un conxunto de manifestacións clínicas.
Unha persoa infectada perde de forma progresiva
a función de certas células do sistema
inmune, linfocitos T CD4, o que a fai susceptible
a diversas infeccións como pneumonías
ou micoses. Estas infeccións oportunistas
non causarían enfermidade en persoas sas,
pero nas persoas con virus VIH poden chegar a
provocar a morte ou desenvolver diversos tipos
de cáncer.
A principios da década dos 80, apareceron
os primeiros falecementos e, casualmente, todos
se producían en varóns homosexuais.
O virus VIH resultou ser o causante da SIDA. Pero
que teñamos no noso organismo esta infección
non quere dicir que padezamos a enfermidade. De
feito, sábese que algunhas persoas que
sufriron algunha infección por VIH durante
máis dunha década, non desenvolveron
ningunha manifestación clínica.
No ano 1997 estimouse que máis de 30 millóns
de persoas estaban infectadas, a gran maioría
eran e son adultos (falta de precaución?).
Entre ese ano e o 98, producíronse 11.7
millóns de mortes por esta causa. España
é o país europeo con maior incidencia
da enfermidade.
TEN COIDADIÑO!!!
Agora informámoste sobre cómo
podes evitar o contaxio.
TRANSMISIÓNS: Por contacto directo a través
do sangue contaminado, seme e outras secrecións
sexuais. O virus está presente nos fluxos
sexuais de persoas infectadas que poden pasar
á corrente sanguínea dunha sa mediante
feridas ou abrasións que poden orixinarse
no transcurso das relacións homo ou heterosexuais.
O principal mecanismo de transmisión e
contaxio é o uso compartido de agullas
e xiringas contaminadas con sangue infectado.
Este modo de transmisión afecta principalmente
a drogaditos que consomen drogas intravenosas.
Na actualidade, a infección debida a transfusións
de sangue é moi improbable, grazas ás
probas desenvolvidas para a detección do
virus no sangue. Outro medio de transmisión
é por parte da nai infectada ao feto ou
ao recén nacido.
CURIOSO!!! Nos países occidentais o maior
número de casos dáse por relacións
homosexuais, mentres que en España o maior
número de contaxios débese a transmisións
heterosexuais.
Con respecto ao tratamento, considérase
que o máis efectivo para loitar contra
o VIH é a combinación de tres medicinas
tomadas conxuntamente. Con elas conséguese
mellorar tanto a calidade de vida coma a supervivencia
dos enfermos.
Vai
de opinións...
|
“A
SIDA, e iso que vén sendo?”
Un despistado.
|
“
É algo moi perigoso”
Un vaguiño. |
| “Isto
non é un xogo, toma precaucións”
Unha que aconsella.
|
|
“A
SIDA é… frecha pa’baixo”
Un que entende de metáforas.
|
|
“Se
a SIDA non queres pillar, condón
deberías de usar”
Unhas guapas poetas.
|
|
“Para
min a SIDA é a quimera do século
XXI.”
Unha filósofa.
|
| “Por
moita información que vos dean, nunca
será suficiente para evitala”
Un profesor.
|
Vai de chiste…
O alcalde de Lepe ofrece unha charla sobre a SIDA:
“Á SIDA non hai que terlle medo,
veciños. Vedes esta coitela infectada?
Pois voume cortar con ela, chas, para que comprobedes
que non pasa nada. E vedes esta xiringa dun seropositivo?
Pois vouna cravar, chas. E sabedes porque podo
facer esto sen risco?” “Non, alcalde.”
“Moi sinxelo, bobos, porque levo posto un
condón.”
“
Pero a SIDA non é un chiste.” CONTROLA!
Sandra
Espiño e Paula Asorey, 1º BACH .
|
|
