PERIDOTITA

A pedridotita é unha rocha plutónica de moi baixo contido en sílice (ultramáfica), polo que ten unha cor moi escura. Os seus minerais constituintes son piroxenos e olivinos principalmnete. Posúe textura graúda pero non é doado observala a simple vista pois case tódolos cristais teñen cores escuras. A presencia de olivino lle pode dar unha tonalidade verdosa. En lámina fina, como podes ver nas fotos, se aprecia claramente esta textura así como os seus constituintes.

A peridotita é a rocha máis abondosa no planeta pois é o principal constituinte do manto terrestre. Na superficie non abunda demasiado pero en Galicia temos importantes afloramentos na zona da Serra da Capelada.

Este tipo de rochas poden sufrir un proceso de metamorfismo chamado serpentinización polo que os olivinos se transforman nunha mestura de minerais hidratados de cor verdosa (serpentinas). As peridotitas da Capelada estan serpentinizadas en diversos graos.