Economía positiva e economía normativa

A ciencia económica, como ciencia social que é, divídese en dous grandes ramas: a economía positiva e a economía normativa.

A economía positiva é a que trata de coñecer e describir a realidade “tal como é”. Estuda o comportamento económico individual e colectivo.

A economía positiva divídese en dúas ramas, a microeconomía, que estuda o comportamento individual dos axentes económicos (como a oferta e a demanda de axentes individuais), e a macroeconomía, que estuda o comportamento colectivo (como o desemprego e o crecemento económico dun país).

A economía normativa trata de ver como debe modificarse a realidade e propón “como debe ser”, é dicir, propón as diferentes políticas económicas que deben levarse a cabo para corrixir as deficiencias da economía.

Relacion da economía con outras ciencias

A economía debe servirse doutras ciencias para poder desenvolverse e, así, utiliza as ciencias instrumentais como as matemáticas ou a estatística, así como as ciencias sociais como a socioloxía, política, psicoloxía, antropoloxía, a historia, etc. para poder desenvolver os seus estudos.