PREGUNTAS UNIDADE 3 – DEMANDA, OFERTA E EQUILIBRIO

RAZOA SE SON VERDADEIRAS OU FALSAS AS SEGUINTES FRASES:

1. A demanda dun ben se determina unicamente polo prezo do mesmo, de tal maneira que, a maior prezo, menor cantidade demandada.

2. As variables que determinan a demanda dun ben ou servizo, é dicir, prezo e cantidade, flutúan de maneira directa.

3. A influencia dos diferentes factores na demanda dun ben se valora “ceteris paribus”, é dicir, de forma conxunta.

4. A cantidade demandada dun ben varía de forma inversa ao seu prezo.

5. Os bens normais son aqueles cuxa demanda aumenta cando baixa a renda das consumidores.

6. A demanda dos bens inferiores será menor cantos máis bens substitutivos teñan.

7. O prezo dos outros bens, ben sexan substitutivos ou complementarios, supón que se sobe o seu prezo, o noso ben sempre se demandará máis.

8. Se, como consecuencia da importación de aceite de xirasol contaminado, e a súa filtración ás canles de distribución, este é menos demandado, supoñerá que baixen os prezos do mesmo e a súa demanda non se verá afectada.

9. Se un produto se pon de moda, aumentará a cantidade demandada do mesmo, producindo un movemento ao longo da curva de demanda.

10. Se aumenta o prezo dun ben complementario ao noso, producirase un desprazamento da curva de demanda para a dereita.

11. Se aumenta o prezo do noso ben, isto supoñerá unha diminución da súa cantidade demandada e, polo tanto, un desprazamento de toda a curva para a esquerda.

12. As variables que determinan a oferta dun ben, é dicir, cantidade e prezo, flutúan de maneira directa.

13. Se sobe o custo dos factores de produción do noso produto ou servizo, a cantidade ofrecida aumentará xa que tamén aumentaremos o prezo de venda do produto.

14. Os avances tecnolóxicos sempre supoñen un aumento das cantidades ofrecidas e, polo tanto un movemento ao longo da curva de demanda para a dereita.

15. Partindo dunha situación de equilibrio, se a curva de demanda se despraza para a esquerda, supoñerá unha diminución da cantidade de equilibrio e un aumento do prezo de equilibrio.

16. Partindo dunha situación de equilibrio, se o aceite de oliva se pon de moda, supoñerá que a cantidade de equilibrio suba, xa que demándano máis, mentres que o prezo de equilibrio diminuirá xa que a maior cantidade demandada, menor prezo do produto.

17. A elasticidade-prezo da demanda indica que se a cantidade dun ben aumenta moito perante pequenas baixadas do seu prezo, esta é elástica.

18. O prezo das vivendas está baixando xa que cada vez hai menos terreo onde construír, é dicir, a oferta de solo urbanizable é inelástica e, ao ter pouco terreo onde construír, para vender máis os promotores baixan o prezo.

19. A venda de coches foi baixando durante o ano 2008 debido a que a renda dos consumidores diminuíu no mesmo ano.

20. O número de visitantes turísticos a España diminuirá se sobe o prezo dos mesmos, independentemente da evolución dos prezos de destinos turísticos substitutivos.