ACTIVIDADE: Le o seguinte artigo e contesta as preguntas: España escala seis postos no IDH da ONU

España escala seis postos no índice de desenvolvemento humano da ONU

Sitúase decimoterceira, por diante de Dinamarca e Reino Unido, e só un posto por detrás de EEUU
ELPAÍS.com/AXENCIAS - Madrid - 28/11/2007

España converteuse no 2007 no decimotercer país máis desenvolvido do mundo en condicións de saúde, educación e ingresos, de acordo co Índice de Desenvolvemento Humano elaborado polo Programa das nacións Unidas para o Desenvolvemento (PNUD), presentado onte en Brasilia. Segundo o Informe sobre Desenvolvemento Humano 2007-2008 do PNUD, España avanza seis postos respecto a 2006, e sitúase por diante de países como Dinamarca (14º lugar), Austria (15º), Reino Unido (16º), Bélgica (17º) ou Alemaña (22º).

En opinión da directora rexional do PNUD para América Latina e Caribe, Rebeca Grynspan, o chouto cualitativo de España débese aos avances rexistrados no ámbito social, e sobre todo, en educación, máis que por haber rexistrado melloras nos ingresos per cápita.

Os países desenvolvidos con economías de libre mercado lideran os cinco primeiros postos do ránking, elaborado con 177 países, con Islandia á cabeza, seguido de Noruega (que nos últimos seis anos mantivérase no primeiro posto), Australia, Canadá e Irlanda. Este ano, o informe do PNUD, que ten en conta factores como a esperanza de vida e outros ratios sanitarios, as facilidades educativas e os niveis de ingresos, sitúa aos EEUU no duodécimo lugar, a catro postos menos que o ano pasado.

Na outra cara da moeda sitúanse os países “menos desenvolvidos” segundo este índice, 22 en total, todos eles de África Subsahariana, con Sierra Leona no último posto do índice. Os outros catro postos pola cola ocúpanos Malí, Níxer, Guinea-Bissau, Burkina Faso e Sierra Leona. O informe non tivo en conta a outros países como Iraq, Afganistán e Somalia, debido á “falta de datos”.

España supera en varios puntos a media mundial en emisións de CO 2

O informe revela tamén que España xera o 1,1% das emisións globais de dióxido de carbono -cunha media de 7,6 toneladas de CO 2 por persoa-, o que supera en varios puntos a media mundial.

A cantidade de gases de efecto invernadoiro que emite á atmosfera España -con 44 millóns de habitantes- é superior á que emiten no seu conxunto a Arxentina, Chile, Colombia, Ecuador, Perú e Uruguay, todos eles, cunha poboación total de 144 millóns de persoas.

Os países pobres, os máis ameazados polo cambio climático

O Índice sobre Desenvolvemento Humano foi creado no 1990, e pretende medir de maneira máis precisa o impacto da economía na vida dos cidadáns que o Producto Interno Bruto (PIB). Este ano, o estudo de Nacións Unidas puxo especial énfase nos efectos do cambio climático a escala planetaria.
O informe do PNUD asegura que o mundo vai camiño dun “punto de inflexión” que podería significar para o 40% da poboación mundial máis pobre (2.600 millóns de persoas) problemas como malnutrición e escaseza de auga, entre outras ameazas ecolóxicas. “Nos últimos tempos, o cambio climático converteuse nunha ameaza para a humanidade enteira, pero son os máis pobres, sen responsabilidade algunha sobre a débeda ecolóxica para a que nos diriximos, os que se enfrontan aos problemas máis inmediatos e severos”, comentou no estudo a voceira deste programa da ONU Kemal Dervis.
Ademais de apuntar a necesidade de "grandes cambios e políticas ambiciosas" para afrontar esta ameaza, o traballo avisa de que unha de cada 19 persoas dos países en vías de desenvolvemento atópase en risco de verse afectadas por un desastre natural, cifra que se reduce a unha persoa de cada 1.500 nos países desenvolvidos da OCDE. Non obstante, o informe do PNUD non é do todo desesperanzador. Afirma que o mundo dispón dos recursos financeiros e da capacidade tecnolóxica necesaria para evitar as consecuencias máis drásticas do cambio climático.
FONTE: O PAÍS 28/11/2007

WEB: http://www.elpais.com/articulo/sociedad/Espana/escala/puestos/indice/desarrollo/humano/ONU/elpepusoc/20071128elpepusoc_1/Tes

PREGUNTAS:

Cales son os principais factores que considera o PNUD para elaborar o IDH?

Por que mellorou a posición española?

Que aspectos negativos inclúen neste informe sobre a economía española?

Según o PNUD, ¿cales son os efectos do cambio climático e sobre quiénes recaen principalmente?

Máis datos sobre o IDH (PNUD) (eumed.net)

Enlace ao Informe do desenvolvemento Humano 2007/2008 do PNUD (pdf) (Inglés)

Enlace Video Desenvolvemento Humano e Cambio Climático PNUD 2007